Gơs tŭ lơi oh mi gơlơh tơhìr bơh Kơnràñ, tŭ hwềng soàn gơlơh rañ ro mơ kơp kờñ mơ kơp gơn geh Yàng ơm bal? Gơlơh be dô nă cau nac crih lot tom blàng bràs tơhìr ngan dà croh tian gơs ò geh dà gen gơlơh moat jrùng, bol he ngai do kung be hớ, kơp kơn ngan dà croh geh bơta kis – mìng Yàng geh bơta ròng siam hớ.
Ngai do, ngai 24/09/2024, Bơta Hoi Dan Kơp Ngai dan jạ ală ông mọ oh mi bơtê băl jơnau Yàng dê kơnơm dê bơta dong kòl ông Kathy Schultz bơh tơnggume: GEH HỪH NÙS TÒM YÀNG.
“Ơ Yàng Tom Trồ, Kơnràñ la Yàng Tom Trồ añ jê,añ jòi jat Yàng,Hwềng soàn añ tơhìr bơh Kơnràñ; poac să añ kơp kòñ Kơnràñ,Be ơm tòm ù tiah rañ rsơh, bòl glar, mơ ò gơs dà.” (Đơs Crih 63:1)
Oh mi gơlơh be he rơp ơm tòm blàng bràs ro ran, ò gơs dô nơm dà lơi. Gar mat oh mi dê gơlơh bol glar mơ kơ dăn nhưm, bơh ù tiah ro ran mơ tơnggơr sền mattơngai àng gơcra, pơn dơl joi dô nơm têl sơnio dệt mơ ò bàn gơlơh be oh mi kờn joi mhwal dụ nàng geh mìu mơ ò bàn gơlơh he in moat jrung ngan. Mơya di đap mat oh mi mìng lah ù tiah ro ran mơ ò gơs bơta gơn kơ nơm, tòm blàng bràs ù tiah ro ran gơlơh be ồs sa. Bar ngai, gen pe ngai neh slet rlau, oh mi ò gơs dà nô, mơ poac să sơlơ ngai sơlơ bòl.
Ơm dìgul bơta hớ, bol he kờn joi dô nơm dà croh nàng nô ò di lah broă ò păl càng tai mơ lah dô nơm gơnoar broă kwơ ngan, bơta hớ gơlik gơs bơta kơp gơn dờng tòm bơta kis. Ală bơta kơlôi sơ nơng, ală nhờm kis oh mi dê gơ tòm dệt mêr mơ bơta joi dà croh. Dà là bơta kis, mơ dilah ò gơs dà gen bơta kis gơlik gơs ro ran. Bol he kơlôi sơ nơng lah păl bơt bơtào ală bột pơlao niam tòm blàng bràs ro ran, ò geh dà mat. Mơya jơh ală bơta mìng lah bơta kơlôi sơnơng is he dê. Mơ ngan lah ò gơs dà tòm tiah hớ.
“ Ơ Yàng Tom Trồ, Kơnràñ la Yàng Tom Trồ añ jê,añ jòi jat Yàng,Hwềng soàn añ tơhìr bơh Kơnràñ;poac să añ kơp kòñ Kơnràñ,Be ơm tòm ù tiah rañ rsơh, bòl glar, mơ ò gơs dà.” (Đơs Crih 63:1)
Jơnau Dabit dê yăl tơlik bol he in git lah bol he kờn Yàng be cau nac crih tờhìr dạ tòm blàng bràs. Dilah ò gơs dà, bơta kis gơlơh ro ran. Tŭ Dabit cih ală jơnau do, ồng găm lòt nrah nring tòm ƀlàng ngềt ngơt, tŭ ồng dô ple bơh Sol. Bơh lài or, ồng neh ơm passơm ngan tòm hìu bơatu dê. Mơya tŭ do, ồng gơlik gơs siơ̆u siêr ngan. Mìng kơp gơn Yàng lơm nàng geh bơta kis. Bol he kờn geh Yàng be cau tơhìr kờn geh dà. Mơya bơta gơ plơh wơl lah, bulah poac să ò gơs bơta kơp gơn hớ mơ gơ kư găm kis, gen hwềng soàn ò be hớ ò gơ sơlơ ngai ro ran dilah ò geh dà kis bơh Yàng Hwềng Goh. Bol he sùm ò đăl git he kờn geh Yàng be lơi ò. Mơ dilah git, gen bol he kung lơh be ò git ală jonau mơ ông DaBit neh yăl tom sră Đơs Crih. Dabit ò di mìng kờn geh Yàng nàng kis, ơm tom Yàng ông kung geh bơta hừh nùs.
Ngan be hớ, Yang ò di be dà gơwet cau nac crih in kơp gơn. Yàng kung be dô bơta yò sa dờng tom hìu pas gơs gơwet do nă cau kon đời di gloh. Dabit đơs “Hwềng soàn añ geh hòm lai gơlơh be neh sa khu mơ dơngi; Bơr sơndồi añ jòng ro Kơnràñ dô bă chò hòp” ( Đơs Crih 63:). Ò di mìng joi Yàng lơm ò, hwềng soàn tơhìr Dabit dê joi bàn bơta wil tơl tom Yàng. Yàng rcăng he in wil tơl jơh ală bơta ò tŭ lơi siơ̆u. Jơh ală bơta kơp gơn, lồi gen geh hừh nus. Plai soh ngan lah hwềng soàn he sùm hŭi bơta hớ. Mơya Dabit neh yăl bol he in păl lơh be lơi nàng hwêng soàn he ò tŭ lơi hŭi. Dabit neh đơs lah hwêng soàn ồng dê geh hừh nùs: “ Tòm tŭ añ ơm hơđang cơnòng bic mơ kah Yàng,Mơ añ kơlôi sơnơng bơh Kơnràñ tòm ală tŭ jơ drơng mang. Bơh Yàng neh dong kòl añ” ( Đơs Crih 63:6-7). Tom tŭ hwềng soàn tơhir, Nùs kơlôi ồng dê gơwet mơ Yàng. Ồng kah wơl ală tŭ Yàng tơlik mat, dong kòl ồng, lơh broă hơ đăng rài kis ồng dê. Bol he ngan rgơi lơh ală bơta hớ – kah wơl ală tŭ Yàng lơh broă mơ dong kơl he, lòng tĕ bơta don song Yàng dê. Bol he păl “ Lòng tĕ mơ sền Yàng Jehôwa la niam ò git nđò!” băl mơ Dabit, yăl tơnggit jơnau hơ bơgòn Yàng dê. Tơng kah hwềng soàn he bơh bơta nđac Yàng ai he in, nàng he long git bơta don geh wil tơl bơh Jơnau Yàng. Ngai do bol he păl “ lòng tĕ” Yàng Jehôwa la niam ò git nđò!
Dan jà bol he dô nùs bal tòm bơta hòi dan:
Khoai Yàng kờn gơboh, kon tus di đap mat Yàng băl mơ nus ưn ngai bơh bơta kờn gơboh mơ bơta tơlik mat gơnap gơnoar Yang dê. Dan dong kòl kon kah tĕ Yàng lah dà bơta kis, la tiah hwềng soàn kon king tru gah hừh nùs. Dan ai kon in bơta lơ ngai mơ bơta hon chò tơm Yàng, nàng kon in hừh nùs tom bơta kờn gơboh Yàng dê.Kòn ai sơnđan Yàng Jesu Krist, hòi dan mơ Yàng Bèp. Amen.
Ơ ală ồng mọ oh mi kơn gơboh, tom tú he tơhìr hok git té ai hwêng nùs he gơwet mơ Yàng, bol he đăl git lah Yang neh dơp ală bơta he kơp kơn mơ Yàng neh ai tơngkah tơngkan rlau mơ bơta he hoi dan tom bơta kờn gơboh mơ don song Yàng dê, Yàng lah dà kis he dê kung lah bơta pơndờm pờniang mơ bơta pràn ò tứ lơi jơh, Lòng té dà kis niam Yàng ai, mơ lời hwêng soàn he hừh nus tom bơta kờn gơboh Yàng dê.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.