Vajtswv txoj kev hlub zoo li tus duab ci pom kev ci mus rau hauv peb tus ntsujplig, coj peb kev tawm hauv qhov tsaus ntuj los rau hauv qhov kaj, ntawm qhov chaw yuam kev los rau qhov chaw tso siab. Txoj kev hlub pub dawb tsis yog tsuas tseg rau cov neeg zoo xwb, tiamsis tseg rau txhua tus uas tsimnyog zoo li peb. Ntawm no yog qhov khoom plig pub dawb uas Vajtswv tau muab pub rau peb txhua tus, kom peb nthuav tawm txoj kev hlub ntawd mus rau coob tug.
Hnub no, yog hnub 30/09/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Maria Schleicher dhau ntawm Zaj kawm VAJTSWV KEV HLUB UAS XAV TSIS THOOB.
“Vajtswv yog tus uas muaj ib puas tsav yam nplua mias! Vajtswv muaj tswvyim thiab kev txawj ntse! Leejtwg thiaj yuav paub Vajtswv lub siab? Leejtwg thiaj yuav totaub tej uas Vajtswv ua.” (Loos 11:33)
Kuv koom nrog Pawg Ntseeg tag kuv tiam neej. Txij li kev pehawm hnub so, txog rau lub rooj kawm Vajluskub hmo peb lossis hmo rau thov Vajtswv, thiab kaj ntug hnub xya sawv daws tuaj ua ke ua Pawg Ntseeg tej haujlwm. Txhua hnub athiv kuv muaj kev kub siab lug, thaum lub suab nkauj qhuas Vajtswv pib nrov, tej lus thov puv npo hwjchim, thiab sawv daws tej ntsujplig puav leej muaj kev zoo siab.
Ntawm Pawg Ntseeg kuv nyob muaj ib qhov tshwj xeeb yog: tomqab kev pehawm ces yog lub sijhawm thov Vajtswv sib pab. Cov niam tsev muaj hnub nyoog lawm peb sib hu ua si tias yog cov ua niam nyob hauv Pawg Ntseeg zaum ntawm tej qhov chaw uas sawv daws puav leej nrhiav tau los sib tham, kom sawv daws los nthuav qhia tej nra nyhav nyob hauv nruab siab, thiab cia lwm tus thov Vajtswv pab rau yus. Lawv txhos caug thiab thov kom Vaj Ntsujplig puv npo hauv lub chav ntawd. Lawv tej lus thov Vajtswv muaj hwjchim heev piav tsis tau, ua rau tus twg tawm hauv tuam tsev mus lawv yuav txais tau Vajtswv txoj kev nplig lawv siab. Lawv nkag siab zoo lawv lub nra – yog thov Vajtswv sib pab, pab cov neeg uas tab tom yuam kev kom nrhiav tau txoj kev ncaj ncees. Txawm yog lawv tej lus nws tsis hais nyhav los, lawv txoj kev ntseeg thiab lawv tus ntsujplig muaj zog. Thaum lawv tso tes saum koj xub pwg, koj yuav pom muaj txoj kev mos muag tiamsis kuj muaj kev txiav txim siab nyob hauv lawv tus ntsujplig. Koj muaj cuab kav qhia rau lawv mloog txhua txoj kev mob siab,, lawv yuav nkag siab thiab pab kom koj kov yeej txoj kev txomnyem ntawd. Thaum tseem hluas, kuv pheej nug tias, vim li cas lawv ho ua taus siab ntev thiab ua siab zoo npaum li ntawd?
Thaum kawg, twb dhau peb caug tawm xyoo nyob nrog lawv, kuv mam paub zoo tias, lawv hlub dawb dawb lwm tus li ntawd twb vim yog lawv twb tau txais kev hlub dawb dawb ntawd lawm.
Thaum koj tau txais txojkev hlub pub dawb, peb yuav kawm tau maj mam nthuav tawm txojkev hlub dawb ntawd pub rau lwm tus:
“Nej cov uas yog lwm Haivneeg, thaum ub nej yeej tsis mloog Vajtswv Ius ib yam li thiab, tiamsis nimno Vajtswv hlub nej vim cov Yudais tsis mloog Vajtswv Ius. Qhov uas niaj hnub no cov Yudais tsis mloog Vajtswv Ius, lawv ua li ntawd kom lawv tau txais Vajtswv txojkev hlub ib yam li nej thiab. Rau qhov Vajtswv ua kom txhua tus tsis mloog Vajtswv Ius, Vajtswv thiaj zoo hlub lawv (Loos 11:30-32).
Vajtswv txoj kev txawj ntse ua rau peb xav tsis thoob li! Yog tsis tau Vajtswv txais yuav, yog Vajtswv tsis nthuav dav Vajtswv txoj kev hlub thiab zam txim rau tej pog laus tej kev txhaum hauv Pawg Ntseeg yav dhau los, ces lawv yuav tsis tag siab, siv zog thiab ua ib tug qauv zoo rau lwm tus – ib yam li kuv hnub no. Kuv yeej tseem nco ntsoov daim duab uas lawv hu tej zaj nkauj qhuas Vajtswv: “Kuv twb puas tsuaj ntau hnub los lawm, quaj ntsuag rau hauv tej kev txhaum, tiamsis Vajtswv txoj kev hlub ua siab ntev” ntawm no yog “txoj kev hlub uas zoo kawg nkaus!”
Kev hlub pub dawb tsis tas yuav hais daws yus zaj lossis nrhiav pov thawj rau ib tug twg; kev hlub cim civ los rau peb raws li nws txoj kev. Kev hlub muab yam uas ua tsis tau pauv los ua tau, thiab coj txoj kev cia siab rau tej tus ntsujplig uas tag kev cia siab! “Vim cov Yudais tsis kam lees yuav txojmoo zoo, Vajtswv thiaj ua yeebncuab rau lawv. Qhov ntawd, ua rau nej cov uas yog lwm Haivneeg thiaj tau los cuag Vajtswv; tiamsis Vajtswv suav hais tias lawv yog Vajtswv cov phoojywg vim lawv cov yawgkoob. Rau qhov Vajtswv yeej tsis hloov siab rau tus uas Vajtswv twb xaiv thiab foom koob hmoov rau lawm (Loos 11:28-29) Kev hlub tshwm ntsej muag hauv peb lub neej coj peb kev mus raws li Vajtswv lub suab hu, thiab ua rau kom peb dhau los tsimnyog ntawm Vajtswv xub ntiag.
“Vajtswv yog tus uas muaj ib puas tsav yam nplua mias! Vajtswv muaj tswvyim thiab kev txawj ntse! Leejtwg thiaj yuav paub Vajtswv lub siab? Leejtwg thiaj yuav totaub tej uas Vajtswv ua (Loos 11:33) Peb yuav tsis muaj hnub nkag siab tas tias vim li cas Vajtswv ho hlub peb ntau npaum li ntawd!
Thov caw nrog kuv peb thov Vajtswv ua ke:
Tus Tswv, thov qhia kuv kom kuv paub dhau los ua tus qauv muaj sia rau koj txoj kev hlub thiab kev tshua, nthuav tawm rau tej neeg ib ncig. Rau qhov kuv paub tias txhua yam zoo yog los ntawm koj los: txhua yam tshwmsim yog Vajtswv koj txhais tes ua haujlwm; thiab thaum kawg, tag nrho peb yuav los cuag koj. Kuv thov mloog raws li koj lub siab nyiam. Lub hwjchim yog koj li mus ib txhis! Kuv thov hauv Tswv Yexus Khetos lub npe. Amees.
Cov kwv tij txhua tus, los ntawm txoj kev hlub Vajtswv pub, peb dhau los ua cov pov thawj ciaj sia nthuav tawm Vajtswv txoj kev hlub tsis muaj nrim mus rau txhua tus. Thaum peb txais yuav txoj kev hlub ntawd, peb kuj yog txais lub nra nthuav tawm txoj kev hlub thiab kev kho zoo mus rau sawv daws. Thov kom peb nco Vajtswv tshav ntuj thiab zoo siab hauv txoj kev hlub ntawd, kom txhua hnub peb ua neej hauv ntiajteb puav leej yog ib zaj nkauj qhuas Vajtswv thiab Vajtswv txoj kev hlub zoo kawg nkaus.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply