Dô ngai pa rơp tus, mơ kung lah tŭ bol he lời tŭ jơ nàng ơm tòm jơnau Yàng. Oh mi git sơl ơ, Yàng neh kơp gơn nàng yăl bol he in git tòm ngai do. Yàng kơp kờn tề lăm oh mi mơ ai bơta jak chài oh mi in. Yàng kơp kờn tuh bìng lìu nùs nhờm oh mi bơh bơta kờn gơboh Yàng dê. Mơ tŭ do, Yàng kung kờn hoài oh mi tus rềp mơ Yàng bơh Jơnau Sră Goh.
Ngai do, ngai 02/10/2024, Bơta Hoi Dan Kơp Ngai dan jạ ală ông mọ oh mi bơtê băl jơnau Yàng dê kơnơm dê bơta dong kòl ông Iliamari Mendoza-Gomez bơh tơnggume: DÒN KƠ NÒM YÀNG.
“Yàng Jehôwa la Bơtau ê gàr añ be cau ê belàt;añ rơp ò siơ̆u phan lơi ò.” (Đơs Crih 23:1)
An kờn ngăn dô pơnah tòm Sră Goh Đơs Crih 23. lài mơ tŭ git Yàng, an neh git lài Đơs crih do. mơ an neh đok Đơs Crih do oă dơ̆ tian gơs an neh kah ngar lài mơ tŭ dòn Yàng. Tŭ an đok gơ, an gơlơh lơngai, lơngo, mơ chờ họp ngan. Mìng sèng sờn rợp kung wil tơl gơlơh an in lơngai tom nùs mơ geh ròng siam: Yàng Jehôwa la Bơtau ê gàr añ be cau ê belàt;añ rơp ò siơ̆u phan lơi ò.” ( Đơs Crih 23:1)
Tŭ an dòn Yàng Jêsu lah Yàng dong klas an ji, an ò rgơi git lơh mbe lơi nàng dòn kơ nòm dê Yàng tòm tŭ hơ̆. Mơ tŭ an sơn tờm tus Hìu Jum Goh, đok Sră Goh, an hok git lah he chài rgơi dòn kơ nờm dê Yàng. Mơ tŭ an lời Yàng lơh broă tòm rài kis an dê tŭ tip bơta bol glăr. an sơ lơ ngai git wă bơh Jơnau Yàng.
Nam 2012. an neh lơh broă tòm dô nơm cua hang tak lẻ. Bơ yô an neh roh broă lơh mơ khai kờn rê tus Miami. Tŭ hơ̆, an lah cau pa dòn Yàng tài bơh hơ an ò git kwơ màng bơta iat mơ kơno jơnau Yàng hala bơta hòi dan mơ Yàng tề lam he. Mơ ya, an neh git tòm nùs lah ò di dô tŭ do. Bơh bơ yô an jê lah cau dòn Yàng joh nam rau, tài bơh hơ an lơh nên yăl bơ yô an in bơta kơ lôi tòm nùs an. Khai ò iat bơta an neh yăl. Ală bơta khai kơ lôi lah pơna păl càng hơ lah geh broă lơh. Gen khai dô bơh tìng hơ lah di ngan. Lồi dut, an ò tòm dră tai mơ khai mơ dòn bơr rê tus Miami. Nam sơn rợp gơlơh lơngai ngan, mơ ya tus chồng nam dớ bar, an tịp bol glar tòm bơta jen pria, ò rgơi geh jen nàng dợp pơnah păl càng. Bơ yô an je khai geh broă gen roh broă tai kư be hớ. Gen bơta jen pria gơ lơh kơnjơ̆ an in. Bulah an geh oă pria, mơya gơs dơ dơ an kung tip kălkle tơm bơta ngùi jen pria. Pơtơl rlau tai bơta moat jrung hơ lah an kong cau tòm ò ai gơnoar lơh broă be lài or, bulah bơta hớ ò gơlơh an in roh jen tơngai mơya an ò kờn ơm tòm gơ noar broă pa. Tŭ an kơlôi tus bơta gơlik tus do, an kah tus jơnau đơs digơna Yàng an ji đơs tòm dô dớ he pơjum băl bơh lài or, mơ an lơh nền dợp jơnau sôr hớ. kợp àng drim, Bơh lài or dilah an ơm tòm ơdu rlô nàng đok Sră Goh lài mơ tu lơh broă, gen ngai do an lơh nền ơm tòm rờn dêh lời tư jơ ơm mơ Yang mơ đok jơnau Yàng.
Lồi bar, pe poh. an đăl git lah Yàng găm sồr pơ trút an tơm gơl broă lơh, mơya broă lơh pa dợp jen tơngai dệt rlau mơ broă lơh yo an jê. An kơlôi sơ nơng bơh bơta do tòm oă poh mơ ò git păl lơh be lơi. Dô àng drim ne, Tu an kơ lôi sơ nơng Jơnau Yàng mơ rài kis an dê, an đơs mơ Yàng: “ Ơ Yàng, dilah Yàng sồr kòn tòm broă lơh pa do, kòn rơp lơh jat bơta sôr Yàng dê. Kòn dòn Yàng git bơta lơi niam rlau kòn in!”
An dờn broă lơh pa, băl mơ jen tơngai ò hệt oă, mơya an hok git Yàng lah dòn song tu he dòn kơ nòm di Yàng. Ală bơta kơp kờn an gơs Yàng rcang. An rgơi gó mpang tê Yàng dê lơh broă hơ đăng pơ nah jen pria an dê. An roat phăn sa mơ ală phăn ndai tai sơl mơya ò siơ̆u jen. An bàn jen găm wơl tom tai khoan an jê ò gơ ruc, mơ gơ sơlơ rớ rlau tài bơh an neh dong dô nă mọ kòn đời!
Đớs Crih 25: 2 cih lah : “ Ơ Yàng Tom Trồ añ jê, añ dòn kơnòm di Kơnràñ;dan bañ lòi añ gơkòl ƀàssìl;Bañ lòi ală cau sò tơm di añ pha rlau mơ añ”. Neh 9 nam slet rlau bơh tú an lơh nền dòn kơ nòm Yàng. Ò gơs dô ngai lơi an ò bàn bơta dòn song Yang dê tòm ală pơ nah rài kis an jê. Gơs ală tơngai bìng bol glăr, mơya Yang găm ròng siam an mơ tă tơlik an bơh bơta kălkle hơ. An yăl tơlik bơta niam mơ kờn gơboh Yàng dê ò di mìng ai an in mơ ya ai jơh tơl nă bol he in.
An ò git rài kis oh mi dê be lơi hala ală bơta bol glăr oh mi dê găm gơs. mơ ya Yàng git jơh. Mơ Yàng kờn ròng siam oh mi in mơ ală bơta gơ rê mơ oh mi. tài bơh hơ, Pợ té nùs oh mi dê mơ jạ Yàng mut, mơ dòn kơnòm té Yàng rơp lơh bơta lơi niam rlau jơh oh mi in.
“Yàng Jehôwa đơs: “Bơh Añ git bơta kơlôi sơnơng Añ jê gơwèt mơ bol mê, la bơta kơlôi sơnơng lơngap lơngai, ò di la rung rài, nàng bol mê in geh bơta gơn kơnòm tòm ngai tơnơ̆ bol mê dê” (Jeremi 29:11)
Dan jà bol he dô nùs bal tòm bơta hòi dan:
Bẹp kờn gơboh ơi, kòn ưn ngai Yàng bơh Yàng lah Bẹp kờn gơboh, găm niam sùm mơ dòn song. Kon ưn ngai Yàng lah bơtau sền gar rài kis kòn. Kòn ưn ngai Yàng bơh Yàng git loh rài kis kòn dê, mơ rcang kòn in sùm. Ơ Yàng, kòn dan ai rài kis kòn dê tòm mpang tê kờn gơboh Yàng dê. Dan dong kòn lọt găn tòm bơta gơn kơ nờm, bulah ală bơta gơlik gơs be lơi kòn kư hòi dan mơ Yàng mơ gơn kơ nờm Yàng. Kòn ai sơnđan Yàng Jesu Krist, hòi dan mơ Yàng Bèp. Amen.
Ơ ală ồng mò oh mi kờn gơboh, kơp kờn jơnau Yàng sồr bơtrut oh mi kư kớ nus mơ gơn kơ nòm Yàng, Bơh Yàng lah bơtau i gar oh mi,oh mi rơp ò siơ̆u phan lơi ò”. Bơh Yàn lah bơtau kờn gơboh, gen tàng oh mi rơp geh ròng siam. Jơnau Yàng ngai do sồr bơtrut bol he kư hòi dan mơ Yàng mơ ò gơ plơ nus, kư dòn kơ nòm mơ kưop gơn Yàng, kư jong rơ Yang mơ yăl tơlik bơh bơta niam Yàng dê, kư kis Yàng in mơ git lah ală pơ nah ndai Yàng rơp rcang he in.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply