Nyob rau hauv lub ntiajteb puv npo tej kev kub ntxhov thiab kev ntshai, kev txhawj niaj hnub nkag los, ntau zaug ua rau peb qaug zog xav tso tseg txhua yam. Tiamsis, Vajtswv yeej nyob nraim ntawd, Vajtswv saib xyuas peb los ntawm txoj kev hlub thiab kev tiv thaiv. Vajtswv tej lus cog tseg nyob hauv Vajluskub ntuas kom peb nco txog qhov kaj dawbhuv tsis muaj hnub tuag, txawm yog lub ntiajteb peb nyob ib ncig ntawm peb nws tsaus ntuj nti.
Hnub no, yog hnub 03/11/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Wendy O’Rourke dhau ntawm Zaj kawm TXHOB TSO TSEG.
“Tsis txhob koom nrog cov neeg uas tuav hauv ua phem thiab tsis txhob ntshai tej uas lawv ntshai. Koj yuav tsum nco ntsoov hais tias kuv yog tus Tswv uas muaj hwjchim loj kawg nkaus, kuv yog tus dawbhuv, kuv tib leeg thiaj yog tus uas koj yuav tsum ntshai.” (Yaxayas 8:12-13)
Nyob rau lub sijhawm uas ntiajteb muaj kev kub ntxhov li no, tej teem meem yim hnub yim muaj ntau thiab txoj kev ua phem yim hnub yim nthuav dav, peb yooj yim ua rau peb txhawj thiab tsis muaj kev ntseeg. Tiamsis, Vajtswv yeej nyob ntawd thiab nthuav tawm Vajtswv txoj kev hlub cawm dim meej meej qhia rau peb.
Nyob hauv Vajluskub Qub, tus cev lus Yaxayas hais txog tej kev kub ntxhov kev phomsij uas cov neeg Yixalayees lawv ntsib ntau tiam ua ntej Tswv Yexus los yug. Txawm li los, Vajtswv pub ib lo lus cog tseg ruaj khov rau Yaxayas txog tus Cawm Seej yuav los, yam uas peb pom nyob hauv Yaxayas 7:14:
“Yog li ntawd, Vajtswv yuav ua ib yam cim tseemceeb rau nej porn raws li tau hais los no. Ib tug nkauj xwb k yuav xeeb tub thiab yuav yug tau ib tug metub, nws yuav muab tis npe hu ua ‘Emanu-ees”.
Yog ib txoj koob hmoov loj pub rau peb hnub no, thaum paub tias Emanues yog tus Cawm Seej Tswv Yexus. Nws yog Vajtswv tib leeg tub, tus yuav nyob hauv peb lub siab thaum peb tso peb txoj kev ntseeg hauv Nws. Kuj zoo li niaj hnub nim no peb tos hnub tus Tswv rov los, cov pej xeem tiam Yaxayas lawv kuj tos hnub uas tej lus cev txog tus Mexiyas muaj tseeb.
Nyob rau lub sijhawm tabtom tos, peb tau txhawb zog los ntawm tej lus uas Yaxayas tau cev rau cov pej xeem:
“Tus Tswv hais rau kuv thaum nws txhais tes uas muaj hwjchim tuav nkaus kuv, nws ceebtoom kom kuv tsis txhob nrog cov neeg no taug lawv txojkev. Nws hais tias…Rau qhov kuv yog tus dawbhuv kawg nkaus; kuv yuav yog lub pobzeb uas cov Yudas thiab cov Yixalayees dawm ntog. Thiab nws yuav ua ib rooj nta npuj caws tos cov neeg uas nyob hauv lub nroog Yeluxalees. (Yaxayas 8:11-14)
Yaxayas pib ntxiv los ntawm cov lus qhuab ntuas yeej tseem nrov ntxhia los txog niaj hnub nim no:
“Nej cov uas yog kuv cov thwjtim, nej yuav tsum ceevfaj thiab khaws tej Ius samhwm uas Vajtswv muab cob rau kuv ntawd…Tiamsis tej neeg yuav hais kom nej cia li mus nug cov neeg saib hmoov thiab saib yaig uas lawv hais Ius tujtaws. Lawv yuav hais tias, “Puas tsimnyog cov pejxeem mus tuavxam nrog lawv tej vajtswv thiab mus tuavxam nrog cov neeg tuag kom pab cov neeg ciaj? Nej yuav tsum teb lawv hais tias, “Mloog tej Ius uas tus Tswv qhia rau nej xwb! Tsis txhob mloog cov neeg txawj saib yaig tej Ius, tej uas lawv qhia yuav tsis muaj dabtsi zoo rau nej (Yaxayas 8:16,19-20).
Lub ntiajteb no yim tsaus ntuj, ces Vajtswv qhov kaj yuav yim ci npaum ntawd hauv peb, thiab dhau ntawm peb. Tswv Yexus hais rau cov thwjtim nyob hauv Mathais 5:14:
“Nej yog lub teeb uas ci rau neeg ntiajteb porn kev. Lub nroog uas nyob saum roob yeej tsis muaj ib yam dabtsi yuav thaiv tau lub nroog ntawd.”
Kom qhov kaj ntawd ci pom kev lug, peb yuav tau thov Vajtswv ua tus coj kev, zoo li Yaxayas tej lus ceeb toom. Vajtswv zoo siab hlo nthuav tawm Vajtswv tus kheej rau peb. Tej zaug koj tseem tab tom nug tias: “Ua li vim li cas Vajtswv tsis muaj ib zaum twg hais rau kuv li?” Tiamsis yog koj twb txais Tswv Yexus ua Koj tus tswv hauv koj lub neej, ces Vaj Ntsujplig twb nyob hauv koj lub siab. Thaum koj thov Vajtswv thiab nyeem Vajtswv tej lus, cia li tseg sijhawm los mloog Vajtswv lub suab mos muag tab tom hu koj. Yim tseg sijhawm ntau npaum cas rau Vajtswv, koj yuav hnov Vajtswv txoj kev ua tus coj koj kev, tiv thaiv, txhawb zog, thiab lub hwjchim uas Vajtswv muab pub rau koj.
Vaj Ntsujplig yuav qhia txoj kev kom peb peb nthuav tawm Vajtswv txoj kev hlub hauv peb lub neej. Nqua hu tej neeg ib ncig los cuag Vajtswv – txawm yog tej neeg saib cuag li lawv nyob deb Vajtswv. Thaum kawg, kuj zoo ib yam li peb tau ntuas nyob hauv Efexaus 2:2 thiab 4-5.
“Thaum ntawd nej tseem nyiam ua ib yam li tej neeg uas nyob hauv ntiajteb no ua, thiab nej ua raws li tus uas kav saum nruab ntug qhia nej. Tus ntawd yog tus dab Ntxwgnyoog uas nimno kav cov neeg uas tsis mloog Vajtswv lus…Tiamsis Vajtswv hlub peb kawg nkaus li. Peb tsis mloog Vajtswv lus thiab peb zoo li cov neeg uas tuag lawm los Vajtswv tseem pub peb rov muaj txojsia ib yam li Vajtswv tau tsa Yexus Khetos sawv hauv qhov tuag rov qab los. Vajtswv hlub nej kawg li, Vajtswv thiaj li cawm kom nej dim.”
Pauv qhov uas cia peb lub hlwb raug nqus mus rau lub ntiajteb muaj ntau yam hloov pauv no, peb cia li tig mus saib Tswv Yexus, yog lub hauv paus thiab ua tiav peb txoj kev ntseeg, ib yam li tau sau nyob hauv Henplais 12:2. Txhua hnub, peb cia li thov Vajtswv coj peb txoj kev uas yuav ua tim khawv qhia txog Vajtswv txoj kev hlub thiab txoj kev cawm dim rau tej neeg ib ncig. Vim peb muaj ib lo lus cog tseg zoo kawg nkaus los ntawm Vajtswv los nyob hauv Kalatias 6:9:
“Yog li ntawd, peb tsis txhob nkees ua tej haujlwm zoo; yog peb pheej ua tsis tso tseg, muaj ib hnub peb yeej yuav tau sau xwb”
Thov caw nrog kuv peb thov Vajtswv ua ke:
Ua Vajtswv tsaug rau Vajtswv txoj kev hlub uas tsis muaj nrim tseg rau kuv. Nyob hauv tej kev sim siab thiab kev hloov pauv hauv lub neej, thov pub kom kuv muaj kev ntseeg ruaj khov rau ntawm Tswv Yexus. Thov kom Vaj Ntsujplig nyob hauv kuv lub siab, taw kev rau kuv nthuav tawm Vajtswv txoj kev hlub pom kev rau lub ntiajteb tsaus ntuj nti no, coj rau coob tug los txais yuav Vajtswv txoj kev cawmdim. Kuv thov hauv Tswv Yexus Khetos lub npe. Amees.
Cov kwv tij txhua tus, cia li tig los rau ntawm Tswv Yexus, tus uas hlub thiab tiv thaiv peb. txhob cia tej kev txhawj hauv lub ntiajteb no ua rau Vajtswv qhov pom kev nyob hauv peb lub siab plooj mus. los ntawm Vaj Ntsujplig ua tus coj kev, yuav tau ua siab ntev, qhia Vajtswv txoj kev hlub rau sawv daws, kom qhov pom kev yuav ci tsis tuag hauv lub ntiajteb tsaus ntuj nti no.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw: [email protected]. Tswv Yexus hlub koj. Thiab peb xav kom txuas tau nrog koj.
Leave a Reply