tuag taw rov mus taus, tus dig muag rov pom kev, ntau zaug tseem tsa neeg tuag sawv rov qab los. Thiab hnub no, Nws yeej tseem ua tej yam zoo ntawd rau hauv tus uas ntseeg Nws lub neej. Tej zaug nyob rau hauv lub neej tsis muaj sijhawm khoom no, peb yooj yim hnov qab lawm tias Vajtswv niaj hnub mloog peb, thiab zoo siab hlo teb cov uas tab tom muaj lub siab nrhiav Nws. tsis paub peb puas ntseeg tias Vajtswv tab tom ua tej txujci tseem ceeb rau hauv lub ntiajteb no, thiab nyob kiag hauv peb txhua tus lub neej.
Hnub no, yog hnub 13/06/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Benjamin Brittain dhau ntawm Zaj kawm TEJ TXUJCI TSEEM CEEB
Vajluskub: “Cov timthawj ua tej txujci uas xav tsis thoob ntau yam rau sawvdaws porn. Cov ntseeg niaj hnub tuaj nyob ua ke ntawm qhov chaw uas hu ua Xalumoos lub qab khav.” (Tes Haujlwm 5:12).
Vajluskub hauv phau Tes Haujlwm 5:12,14,16-17 sau txog Txojmoo Zoo tau huam vam li no:
“Cov timthawj ua tej txujci uas xav tsis thoob ntau yam rau sawvdaws porn… Thiab pheej muaj neeg los ntseeg Vajtswv coob zuj zus, tsis hais pojniam lossis txivneej… Tsis yog li ntawd xwb cov neeg coob coob uas nyob hauv tej zog uas nyob ibncig lub nroog Yeluxalees tseem coj lawv tej neeg uas muaj mob thiab tej neeg uas raug dab tuaj rau cov timthawj kho, cov neeg ntawd txhua tus puavleej zoo huv tibsi. Yog li ntawd, tus Povthawj Hlob thiab cov Xadukais uas yog nws tib pab thiaj ntxub cov timthawj thiab tuav hauv ua phem rau cov timthawj.”
Thaum nyeem Vajluskub muaj ntau zaug peb yooj yim hla dhau tsis ceev faj txog tej yam uas ua rau xav tsis thoob tau tshwmsim tuaj. Sim xav txog nqe no: “Cov timthawj ua tej txujci uas xav tsis thoob ntau yam rau sawvdaws porn” (Tes Haujlwm 5:12). Xam tias koj tab tom nres qhov ntawd, nyob ntawm cov thwjtim ib sab, qhov muag saib ntsoov tus neeg ceg tawv mus taus kev, ntsia pom dab khiav tawm, lossis ib tug neeg tuag tes tuag taw rov qab mus taus kev. Ntseeg tias thaum pom Vajtswv lub hwjchim tau nthuav tawm meej meej li ntawd tej zaug cov ntseeg thaum ntawd lawv yuav zoo siab thiab tau txhawb zog.
Niaj hnub nim no, peb puas tseem ntseeg tias Vajtswv tab tom ua tej haujlwm zoo thiab xav tsis thoob ntawd? Peb tej lus thov puas nthuav tawm peb txoj kev ntseeg ntawd?
Kuv rov qab nco txog tej uas kuv ntsib dhau tsis ntev los no. Kuv muaj ib tug txheeb ze mus tom tsev tshuaj kuaj nws tus kheej thiab nrho ntshav los tshuaj – yav dhau los, txhua zaug nrho ntshav yeej hnov mob thiab nkees heev. Tiamsis zaum no yuav tau nrho ntshav mus kuaj ntau seem, yog li ua ntej yuav mus, peb thiaj thov Vajtswv pab kom txhua yam nws yooj yim. Thaum kawg nws zoo kawg nkaus: Zaum no ho yog zaum rho tau ntshav yooj yim, tsis mob li txhua zaug! Tiamsis thaum tawm hauv lub chav kuaj mob ntawd, kuv cia li nco tias.. xav tsis thoob, thaum pom txhua yam nws cuag li tsis muaj dabtsi. Tas tom qab ntawd, kuv pom tias kuv tab tom raug Vajtswv ceeb toom. Vim li cas kuv ho xav tsis thoob? Puas yog kuv tsis ntseeg tias Vajtswv muaj cuab kav teb kuv tej lus thov?
Cia siab tias hnub no Vajtswv yuav ua rau kom peb txhua tus txoj kev ntseeg loj hlob, kom peb ntseeg tias Vajtswv muaj cuab kav – Vajtswv txaus siab hlo ua yam zoo; kom peb txhua lo lus taij thov uas peb fij rau Vajtswv puav leej nthuav tawm peb txoj kev ntseeg uas ruaj khov ntawd. Mathais 7:7 thiab 11 ntuas peb.
“Nej thov, nej thiaj yuav tau; nej nrhiav, nej thiaj yuav ntsib; nej khob, Vajtswv thiaj yuav qhib qhovrooj rau nej… Txawm yog nej yog neeg txhaum los nej tseem paub muab yam uas zoo rau nej tej menyuam. Yog li ntawd, nej Leej Txiv tus uas nyob saum ntuj ceebtsheej, nws yimhuab yuav muab tej uas zoo dua tej ntawd rau txhua tus uas thov nws thiab!”
Peb yuav tau taij thov! Tiamsis kuj yuav tau nkag siab tias: Ua siab ntev taij thov tsis yog thaum twg peb kuj yuav tau txais yam peb ntshaw. Vajtswv txojlus nyob hauv Yakaunpaus 4:3 ntuas peb tias:
“Thaum nej thov nej tsis tau, rau qhov nej lub siab phem, tej uas nej thov ntawd nej yuav coj mus siv raws li nej lub siab nyiam xwb”
Peb yuav tau thov Vajtswv kom yog raws li Vajtswv lub siab nyiam, tsis yog tsuas tsom ntsoov rau yam uas yus xav tau xwb.
Nyob hauv ntu no, muaj ib zaj kawm uas tsimnyog yuav tau muab los xav. Tig rov qab mus saib Tes Haujlwm 5:17, peb pom cov pov thawj hlob thiab cov neeg Xadukais tau khib cov thwjtim. Tej txujci niaj hnub tshwm tuaj, lawv tsuas paub sawv saib xwb. Tej zaug lawv khib rau lub hwjchim uas cov thwjtim tab tom muaj.
Nyob hauv lub neej nrog tus Tswv mus kuj ib yam li ntawd: thaum uas pom lwm tus tau Vajtswv siv muaj zog, tshuav yus ces zoo li tsis tau cob ib txoj haujlwm twg tseem ceeb, peb lub siab yooj yim muaj txoj kev khib. Tiamsis peb tsis zoo cia txoj kev khib ntawd tav yam uas Vajtswv tab tom ua. Cia li tso siab plhuav: Vajtswv muaj ib lub homphiaj zoo rau peb txhua tus, thiab Vajtswv yuav ua haujlwm rau Vajtswv lub sijhawm uas zoo tshaj. Pauv qhov uas khib, cia li zoo siab vim Vajtswv tab tom ua haujlwm dhau ntawm tej neeg nyob ib ncig peb, qhib siab cia Vajtswv siv peb thaum txog Vajtswv lub sijhawm.
Thov caw nrog kuv peb thov Vajtswv ua ke
Tswv Yexus, Koj lub npe zoo kawg nkaus! Koj yog tus Vajtswv uas muaj hwjchim, tus ua tej txujci dhau ntawm keeb kwm. Thov pub kom kuv muaj kev ntseeg loj dua nyob hauv tej lus taij thov, ruaj siab tias koj yuav ua haujlwm zoo dhau ntawm kuv lub neej, hauv kuv lub zej zog thiab qhov txhua chaw hauv ntiajteb. Thov siv kuv rau koj lub siab nyiam zoo, thiab pauv kuv lub siab dhau los zoo kawg nkaus txhua hnub. ua Vajtswv tsaug rau tej yam uas koj tab tom ua dhau ntawm tej neeg nyob ib ncig kuv, thiab qhia rau kuv paub hlub, paub pab koj kom zoo dua. Kuv thov hauv Tswv Yexus Khetos lub npe. Amees.
Cov kwv tij txhua tus, txhob muab Vajtswv kaw cia rau hauv tib neeg txoj kev muaj nrim. Vajtswv ua tau ntau tshaj tej uas peb thov thiab tej uas peb xav. Thaum peb tso siab rau ntawm Vajtswv, Vajtswv tej haujlwm zoo yuav hliv rau saum peb lub neej, thiab nthuav tawm mus rau tej neeg ib ncig. Thov Vajtswv, nrhiav Vajtswv los ntawm lub siab khov kho. Vajtswv tus muaj hwjchim tab tom nrhiav cov neeg uas muaj lub siab npaj txhij, kom ua tiav tej yam loj dhau ntawm Vajtswv cov menyuam!
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!
Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.
Leave a Reply