Muaj tej ntsus kev tsov rog tsis nrov nroo ntws, tsis muaj leej twg paub, tiamsis nws ho tshwmsim hauv peb lub siab txhua hnub. Ntawd yog thaum peb lub hlwb thiab lub siab cab peb mus rau ob txoj kev sib txawv. Thaum peb lub siab xav ua lub neej haum Vajtswv siab, tiamsis ho raug ntxeev ntxias kom yim hnub yim nyob deb Vajtswv. Thiab tom qab peb cim civ nug: “Ua cas kuv pheej ua tej haujlwm uas kuv paub zoo tias kuv tsis tau ua?” nyob hauv txoj kev txhaum no, yeej muaj ib txoj kev tawm rau peb: ntawd yog Yexus Khetos, tus kov yeej pab rau peb.
Hnub no, yog hnub 21/06/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Miriam Drennan dhau ntawm Zaj kawm KEV TSOV ROG HAUV SIAB
Vajluskub: “Kuv tsis totaub tej uas kuv ua; vim li cas kuv ua tej uas kuv tsis nyiam ua, tiamsis tej uas kuv nyiam kuv ho tsis ua” (Loos 7:15)
“Kuv tsis totaub tej uas kuv ua; vim li cas kuv ua tej uas kuv tsis nyiam ua, tiamsis tej uas kuv nyiam kuv ho tsis ua.” Ntawd yog tej uas Paulus hais nyob hauv Loos 7:15.
Koj puas xav tsis thoob thaum nyeem cov lus no? Paulus txoj kev sau ntaub ntawv thaum twg twb zoo li ntawd. Koj yeej pom txoj kev sib rub hauv yawg lub siab, zoo yam li pom ib lub pob muab cev mus cev los. lub siab yij fab yij fwj, lub siab rub mus rau sab no, ua haujlwm tawm sab nraud ho raug rub mus rau sab tod- zoo li lub pob cev mus cev los ntawm lub hlwb thiab kev xav.
Ntaus pob yog ib hom kev ua si zoo. Txawm yog koj yog tus ntaus lossis tsuas yog tus saib xwb los, txoj kev ua si no yeej cov nyom heev. Thaum lub pob nyob rau saum nruab ntug, phab no ntaus rau phab tod thaiv, leej twg los twb saib ntsoov seb tus neeg twg yog tus ua lub pob poob.
Tiamsis kev “tawm tsam hauv siab” uas Paulus hais txog nyob hauv Loos tshooj 7 nws tsis zoo saib li. Ntawd yog ib ntsus kev sib tawm tsam uas txhua tus ntseeg Vajtswv puav leej ntsib dhau. Muaj tej lub sijhawm koj paub zoo tias ntawd yog txhaum, tiamsis yeej ua. Ua tas ces tu siab, cim civ rau txim rau tus kheej, tas cim civ nug: “kuv puas hlub Vajtswv tiag? Kuv puas muaj kev ntseeg tiag?” ntau zaug koj hnov qaug zog zis, tsuas xav tso tseg xwb. Thiab hais tiag mas muaj tej lub sijhawm peb zoo li tso txhua yam tseg lawm.
Tiamsis Vajtswv tsis zoo li ntawd. Thaum pib xwb, Vajtswv twb paub peb yog tus neeg tsis muaj zog, vim li no, Vajtswv thiaj los cawm peb.
Tiamsis, txawm yog twb ntsib dhau li ntawd lawm los, yeej tseem tshuav ib ntu deb hauv txoj kev nrog tus Tswv mus, yeej tseem muaj qee zaug peb lub siab yoj yees, xav tig mus rau sab tid. Muaj tej zaug peb nco txog lub neej dhau los- tej hnub uas xav cuag li “zoo siab dua”, kub siab dua, nrhiav tau nyiaj ntau dua, tau sawv daws tos ntsoov dua… tas peb cim civ xav: “Lossis yuav tig rov qab mus mentsis? Sim ib zaug xwb, mam rov qab los kiag tamsim!”
Tas peb pheej ua li ntawd: txawm li cas los Tswv Yexus twb kov yeej lawm – tsis tas yuav txhawj?
Hmoov zoo ib qhov, Paulus kuj paub tau qhov no, yawg thiaj nug peb ib lo lus nug ncaj ncaj: “Tej uas nej ua tas los lawm, nej tau dabtsi? Tej ntawd ua rau nej txajmuag kawg li los sav! Tej uas nej ua ntawd, thaum kawg yog kev ploj kev tuag xwb!” (Loos 6:21).
Thaum no sim nug peb tus kheej thiab nug Vajtswv saib: Tej uas “txais tau” ntawd puas tsimnyog rau txoj kev kaj siab nyob hauv koj lub siab tab tom muaj? Yog koj saib taus txojsia ntev dhawv mus ib txhis uas Vajtswv pub, ces qhov uas txhob txwm ua txhaum zoo li ntawd puas yuav yog kev?
Zoo kawg nkaus li thaum uas paub tias Paulus kuj tawm tsam ib yam li peb thiab. Yawg tsis zais cia, tiamsis muab sau tawm, cia cov neeg qaug zog zoo li peb muaj siab tawv. Tiamsis hais tiag mas, koj puas qaug zog? thaum uas pheej ua mus ua los? cia li muab fij rau Vajtswv, thiab tos Vajtswv ntxiv zog rau koj kom koj kov yeej txhua txoj kev ntxeev ntxias, vim Vajtswv lub koob meej nyob mus ib txhis.
Thov caw nrog kuv peb thov Vajtswv ua ke
Tus Tswv, muaj tej lub sijhawm kuv raug ntxeev ntxias kom tig rov qab mus ua lub neej qub. Thov Vajtswv zam txim rau kuv. Thov pub lub zog rau kuv kom sawv khov kho, pub kuv ua tau siab ntev tos koj ua haujlwm hauv kuv siab, thiab pab kom kuv muaj kev ntseeg loj txaus los xaiv ua lub neej haum Vajtswv siab txhua hnub. thov Vajtswv siv kuv lub neej tsaus ntuj nti yav dhau los, pauv nws ua yam zoo ua haum koj siab. Kuv thov hauv Tswv Yexus Khetos lub npe. Amees.
Cov kwv tij txhua tus, txoj kev sib tawm tsam hauv peb lub siab yeej tseem nyob ntawd, tiamsis nco ntsoov tias peb tsis mus ib leeg. Vajtswv tsis muaj hnub tso peb tseg, txawm yog peb yuav tig nruab qaum rau Vajtswv tsawg zaus – tsuas yog peb paub lees txim, paub tig rov qab los, thiab paub hwm taus qhov khoom plig cawmdim uas muaj nqis tshaj Vajtswv pub rau peb. yog hnub no koj pom tias yus tab tom nyob hauv ib ntsus kev tsov rog sab hauv. Cia li nres thiab saib saum ntoo khaub lig. cia Vajtswv txoj kev hlub ua tus yeej. Thiab cia lub siab nco tshav ntuj dhau los ua lub zog pab koj mus ntxiv, tsis yog tus kheej kev siv zog, tiamsis yog Vaj Ntsujplig lub zog.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!
Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.
Leave a Reply