Peb lub neej muaj qee zaug nws qaug zog heev. Txhua hnub pheej tig mus tig los zoo li ib lub kauj kiv: tu vaj tu tsev, ua haujlwm, saib xyuas tsev neeg… peb luag ntxhi sab nraud, tiamsis sab hauv tsis muaj zog. Cuag li tsis muaj neeg nkag siab peb tab tom qaug zog thiab tsis muaj zog li. Tiamsis puas tau muaj zaum twg koj xav tias, tej nra nyhav uas Vajtswv muab cob rau koj yeej ib txwm tsis yog ib lub nra nyhav? Yuav zoo li cas yog tias ntawd yog ib txoj koob hmoov loj?
Hnub no, yog hnub 26/06/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Pauline Hylton dhau ntawm Zaj kawm YOG HAUJLWM YUAV TAU UA LOSSIS YOG IB QHOV KOOB HMOOV
Vajluskub: “Kuv yog nej tus Tswv thiab yog nej tus Xibhwb, kuv twb ntxuav nej kotaw lawm; yog li ntawd, nej ib leeg yuav tsum ntxuav ib leeg kotaw” (Yauhas 13:14)
Kuv tsis xav mus pehawm li. Vim txhua zaug mus rau qhov ntawd, tus twg twb nug txog kuv txiv. “Koj txiv zoo li cas lawm?” Lawv pheej nug mus nug los lo lus nug ntawd. Kuv qaug zog dhau txhua zaug yuav tau tham txog txiv lub zog. Hauv siab, kuv tsuas xav qw nrov nrov: “Tshuav kuv ne zoo li cas? Kuv yog tus tab tom tu rau niam txiv, tu kuv ob tug menyuam kom loj hlob, tu kuv tus txiv, tshuav ntau txoj haujlwm yuav tau ua thiab saib xyuas tsev neeg lub chaw ua haujlwm khwv nyiaj tib si! Vim cas tsis muaj neeg nug kuv saib kuv zoo li cas lawm?”
Kuv txiv nyuam qhuav raug phua nws cov pob txha txhais kotaw sab laug, thiab npaj yuav los nrog wb nyob ua ke. Kuv ntshai kawg li. Hnub ntawd thaum mus pehawm, kuv ntsib ib tug pog laus zog. Raws li kuv paub, nws tau tseg nws lub sijhawm ntau los tu nws txiv yug nws los.
Kuv nug nws: “Phauj kuv xav txog qhov uas yuav tos kuv txiv los tsev kuv ntshai heev. Kuv tsis paub tias yus puas muaj txaus peev xwm los tu txiv. Koj twb ib txwm tu koj txiv dhau los lawm puas yog? Koj ua li cas?”
Nws ntsia kuv luag ntxhi thiab hais tias:
“Mentxhais, yeej tsis muaj dabtsi. Tau tu yus txiv yog ib qhov koob hmoov os.”
Kuv yuav tsis muaj hnub hnov qab nqe ntawd.
Ob peb xyoos tom qab, txoj kev uas tau tu tej txheeb ze thiaj dhau los ua ib qhov “koob hmoov” nyob hauv kuv lub qhov muag, pauv qhov uas xav tias yog lub nra. Tiamsis ua Vajtswv tsaug, thaum kawg kuv kuj ntsia pom tias qhov haujlwm no zoo raws li txoj kev ntawd.
Vajluskub sau tseg nyob hauv Yauhas 13:12-14:
“Tom qab uas Yexus ntxuav lawv kotaw tas lawm, nws rov muab nws lub tsho ntev los hnav thiab rov los zaum nws lub chaw ntawm rooj mov. Yexus nug cov thwjtim hais tias, “Qhov uas kuv ua rau nej no, nej puas totaub? Nej hu kuv ua Xibhwb thiab tus Tswv, nej hu li ntawd yog lawm rau qhov kuv yeej yog tiag. Kuv yog nej tus Tswv thiab yog nej tus Xibhwb, kuv twb ntxuav nej kotaw lawm; yog li ntawd, nej ib leeg yuav tsum ntxuav ib leeg kotaw”
Tswv Yexus saib tes haujlwm ua pab lwm tus yog ib txoj koob hmoov, thiab Nws kuj qhia rau cov thwjtim yam ntawd.
Peb tib neeg tau lwm tus qhia tias yus muaj cai, yus yuav tau tawm tsam kom muaj nqis rau tus kheej. Tiamsis, yog ib tug ntseeg, peb muaj cai, tiamsis qhov uas muab txojcai ntawd tso los pab lwm tus ho yog ib txoj koob hmoov.
Koj tsis ntseeg lov? Sim nug Tswv Yexus saib. Saib tej lus uas Tswv Yexus hais nyob hauv Mathais 16:24-25:
“Yexus hais rau cov thwjtim hais tias, “Yog leejtwg xav nrog kuv mus, tus ntawd yuav tsum tswj nws lub siab, thiab kwv nws tus ntoo khaublig nrog kuv mus. Rau qhov tus uas khuvxim nws txojsia, tus ntawd yuav tsis tau txojsia, tiamsis tus uas tsis khuvxim nws txojsia, vim nws ntseeg kuv, tus ntawd yuav tau txojsia”
Muaj ib tug sau nkauj yog cov ntseeg Vajtswv tau hais tias: “Cov ntseeg Vajtswv yog cov neeg uas nyiam Tswv Yexus”. Lub ntsiab lus no nws yog heev! Thaum koj hlub Vajtswv thiab ntshaw nrog nws mus ua ke, koj yuav tso koj tus kheej tseg ua lub neej zoo li Nws.
Ua Vajtswv tsaug, vim nws tsis cia peb ua txhua yam haujlwm ntawm ib leeg. Nws twb pub Vaj Ntsujplig los nyob hauv peb lub siab pab peb. Tsis yog nyob nyob kuv cia li hloov kuv pauv kuv txojkev xav txog qhov uas tu thiab saib xyuas niam thiab txiv – ntawd yog txoj kev hloov pauv uas Vajtswv pub.
Thov caw nrog kuv peb thov Vajtswv ua ke
Tus Tswv, kuv paub tias yeej tsis yooj yim tso tej yam uas muaj nqis ntawm tus kheej tseg. Tiamsis koj tau los rau hauv lub ntiajteb no zoo li tus menyuam mos tsis muaj zog, ua lub neej nyob rau lub ntiajteb uas puv npo kev txhaum, twb yog vim koj hlub kuv. Thov qhia rau kom kuv paub hlub ib yam li koj tau hlub. Thov pab kom kuv txaus siab hlo ua haujlwm pab ib yam li koj tau pab lwm tus, vim ntawd yog ib txoj koob hmoov muaj nqis. Kuv thov hauv Tswv Yexus Khetos lub npe. Amees.
Cov kwv tij Tswv Yexus tsis hlub peb raws li ntaub ntawv. Nws txhos caug, ntxuav taw rau cov thwjtim. Nws nqua hu kom peb ua haujlwm pab cov neeg txhaum los ntawm txoj kev hlub li nws tau hlub. Yog li hnub no yog koj tab tom ris ntau lub nra twj ywm, thov txhob xav tias tsis muaj neeg quav ntsej txog koj. Vajtswv ntsia pom thiab txaus siab rau koj txoj haujlwm. Vajtswv pauv txhua txoj haujlwm khwv uas koj ua dhau los ua tus pa tsw qab fij pub rau Vajtswv. Vim thaum koj muab kev hlub ua lub zog, ces txoj kev ua haujlwm pab yuav tsis yog lub nra nyhav – tiamsis yog koob hmoov!
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!
Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.
Leave a Reply