Lơ 15/02/2024: PƠKOM DRAM GƠNAM AMĂNG PLEI HIAM

Ƀing ta hlăk hơmư̆ Tơlơi Lir Hơbĭt Khua Yang Rĭm Hrơi amăng Oneway Radio hăng lu tơlơi hrăm mơ̆ng Boh Pơhiăp Ơi Adai găn tơlơi mưn amăng tơlơi hơdip rĭm hrơi kơ lu čô mơnuih, tui sŏp hră CBN Devotional Daily. Čang rơmang tơlơi hơdip ƀing ta či phrâo nanao amăng jơlan đuaĭ tui Khua Yang rĭm hrơi

Ih juăt pơkom laih anŭn tuh yuh prăk kăk, dram gơnam ih pơpă lĕ? Djơ̆ mơ̆ anŭn jing sang pơkŏm prăk, tơlơi buih pơkă mrô prăk đĭ trŭn, ƀôdah sĭ pơdrô lŏn hmua?

Samơ̆ ih thâo mơ̆, abih bang tơlơi anŭn nang ai rơngiă hĭ kơnơ̆ng amăng ƀiă mơnĭt. Kơnơ̆ng sa anih ih pơkŏm dram gơnam samơ̆ ƀu huĭ rơngiă ƀôdah hrŏ nua ôh. Anŭn jing anih pơkom pioh amăng Plei Hiam Khua Yang ƀing ta, anih či ba rai “kơmlai” lu hloh hăng djŏp mơyun hiam hlŏng lar.

Hrơi anai, lơ 15/02/2024, Tơlơi Lir Hơbĭt Khua Yang Rĭm Hrơi iâu pơthưr ƀing ta hrăm hrŏm hơbĭt Boh Pơhiăp Ơi Adai hăng Cathy Irvin tui hăng akŏ tơlơi hrăm PƠKOM DRAM GƠNAM AMĂNG PLEI HIAM

“… Laih anŭn mă mơ̆ng ră anai, mă bĕ tơlơi anai kiăng kơ pơlông lăng Kâo, Yêhôwa kơ ƀing tơhan laĭ, lăng lăng Kâo či pŏk brơi mơ̆ khul bah amăng phă amăng adai kơ ƀing gih, laih anŭn tuh trŭn tơlơi mơyun hiam kơ ƀing gih tơl ƀu hmâo anih pioh ôh!” (Malaki 3:10)

Hră Ơi Adai Pơhiăp čih Khua Yang hmâo khul hlô mơnơ̆ng rong amăng rơbâo rơbâo bol čư̆ (Tơlơi Adoh Hơđăp 50:10). Ih pơmĭn lăng nua prăk dưi hmâo mơ̆ng khul hlô mơnơ̆ng anŭn mơ̆? Nang ai ƀing ta či hmâo lu prăk kiăng hơdip rơnŭk laih anŭn yua abih tơlơi hơdip.

Tơdang ƀing ta mơĭt prăk amăng sang pioh prăk, sĭt či hmâo đĭ thim kơmlai tui hăng mông tañ ƀôdah sui. Bruă pơkom amăng “Sang pioh prăk Plei Hiam” ăt kar kaĭ mơ̆n. Kar hăng ƀing ta sĭ sa drơi rơmô či hmâo sa kơmlaih yom. Yua kơ sa čơđeh asar rơmô hmâo nua yom laih, samơ̆ anŭn kơnơ̆ng sa črăn anĕt tơdah bơkơnar hăng nua sa drơi rơmô.

Tơdang ƀing ta tuh yuh mŭt amăng dêh čar pơtao Ơi Adai hăng hơdră pơyơr sa črăn amăng pluh laih anŭn dram gơnam ta pô, Hră Ơi Adai Pơhiăp ƀuăn ƀing ta či tŭ mă mơyun hiam lu hloh dơ̆ng. Anŭn ăt jing sa bruă Ơi Adai kiăng ƀing ta lông lăng Ñu:
“…Laih anŭn mă mơ̆ng ră anai, mă bĕ tơlơi anai kiăng kơ pơlông lăng Kâo, Yêhôwa kơ ƀing tơhan laĭ, lăng lăng Kâo či pŏk brơi mơ̆ khul bah amăng phă amăng adai kơ ƀing gih, laih anŭn tuh trŭn tơlơi mơyun hiam kơ ƀing gih tơl ƀu hmâo anih pioh ôh!”(Malaki 3:10)

Ơi Adai jing Yêhôwa Jirê, jing Pô pha brơi djŏp mơta tơlơi kiăng yua kơ ƀing ta. Ñu jing pô kơčĕ bruă yua prăk kăk hiam hloh brơi kơ ƀing ta. Ñu pơtă ƀing ta pơyơr bĕ hăng tơlơi čơmah, laih anŭn ƀuăn ƀing ta či mă tŭ lu tơl ƀu anăm yap.

Anai jing mông sai hăng hơpuă. Khua Yang Yêsu laĭ Ñu či bơglaĭ brơi kơ ƀing ta tui hăng tơlơi pơdrŏng sah laih anŭn hing ang dêh čar pơtao Ñu. Ƀing ta khŏm lăng đĭ kơ Ama Hăng Adai laih anŭn răk wai klă hiam kơ dram gơnam bơ Ñu pha brơi. Anăm ƀing ta hơin ah kơ khul mơnơ̆ng lŏn tơnah anai pha brơi. Ƀing ta khŏm hơdră pơkom hăng yua kơhnâo. Samơ̆ brơi kơ ƀing ta hơdơr anăm mă pơđuaĭ ôh črăn pơyơr sa črăn pluh hăng khul dram gơnam hmâo lơ̆m laih kơ Khua Yang. Pơyơr kơ Khua Yang jing hơdră ƀing ta pơkom dram gơnam amăng Plei Hiam!

Hrơi anai, ƀing ta pơmĭn bĕ kơ khul hlô mơnơ̆ng rong amăng rơbâo rơbâo bol čư̆, laih anŭn tuh yuh lu hloh mŭt amăng atông Plei Hiam. Tơdah ih aka ngă tơlơi anŭn brơi ih “pơdơ̆ng anih pioh dram gơnam amăng Plei Hiam” bĕ ƀơi mông anai. Ƀu hmâo mông pă jing kaih ôh kiăng tuh yuh mŭt amăng dêh čar Ơi Adai laih anŭn pơkom pioh gơnam yom amăng Plei Hiam!

Rơkâo ƀing ta pioh mông iâu laĭ hrŏm hơbĭt
Ơ Khua Yang, lu wơ̆t kâo rơngiă mông pơkom dram gơnam ƀơi lơ̆n tơnah anai, samơ̆ wơr bĭt hĭ abih khul tơlơi anŭn leng kơ či rơngiă hĭ laih anŭn jang jai đôč. Rơkâo Ih pap kơ kâo laih anŭn djru kâo hơdơr kơnơ̆ng Ih yơh jing Pô djru kâo hlŏng lar. Rơkâo Ih pơtô kâo tŏng ten pơyơr kơ Ih hăng khul mơnơ̆ng hiam hloh kâo hmâo, kiăng kơ kâo dưi pơkom kong ngăn amăng adai, anih ƀu hmâo brêng ƀơ̆ng, mua reh, laih anŭn mơnuih ƀoh pơnăng klĕ dŏp. Kâo iâu laĭ amăng anăn Khua Yang Yêsu Krist, Amen.

Ơ abih bang ayŏng amai adơi khăp hơeng, ră anai amăng atông ih hlăk hmâo tơlơi hơgĕt lĕ? Ih hmâo pơkŏm dram gơnam ih amăng atông pơ Plei Hiam mơ̆? Brơi hơdơr bĕ tơlơi Khua Yang ƀuăn, tơdang ih tŏng ten pơyơr kơ Ñu hăng pran jua hơdơr bơni, Ñu či pha brơi kơ ih khul mơyun hiam rơgao hloh khul tơlơi ih čang rơmang. Anŭn ƀu kơnơ̆ng jing tơlơi mơyun hiam gah drơi jan, samơ̆ ăt jing phŭn tơlơi mơyun ƀu thâo ting yap amăng djŏp bơnah kơ tơlơi hơdip ih.

Kơkuh kơ abih bang ayŏng amai adơi, hơơc̆ mưi kơ abih bang ƀing ih hơmâo sa hrơi phrâo bă hăng tơlơi mơyun hiam laih anŭn c̆i dưi bưp glăi ƀing ih amăng hrơi pơgi!

Ơ abih bang ayŏng amai adơi khăp hơeng, tơdah ƀing ih kiăng hơduah hluh hloh dơ̆ng kơ Khua Yang ƀôdah ƀing ih hơmâo tơlơi hơgĕt kĭ kơ̆ kiăng tơña kơ ƀing gơmơi, c̆ih bĕ boh hră gah yŭ anai, anih mơit ƀơi fanpage amăng facebook, ƀôdah mơit email kơ: [email protected]. Khua Yang Yêsu khăp kơ ƀing ih. Ƀing gơmơi čang rơmang biă mă dưi pơlir hơbĭt hăng ƀing ih.