Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
Xyoo tshiab yog lub caij ntawm txhua yam pib dua tshiab, ib puas tsav yam hloov dua tshiab, tej paj hmab paj ntoo sib tw tawg paj. Ntawm no kuj yog lub sijhawm peb pib npaj ntau lub haum phiaj yuav ua rau ib lub xyoo. Peb yeej tsis paub lub neej tom ntej thiab pheej txhawj txog tej yam uas yuav tshwmsim los. Twb yog vim tej no ua rau peb thiaj saj tsis tau txoj kev zoo siab tiag. Vajtswv txojlus hnub no ntuas kom peb tsis txhob txhawj tiamsis yuav tau zoo siab txais yuav tej yam uas Vajtswv muab pub.
Hnub no, yog hnub 04/01/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kay Camenisch dhau ntawm Zaj kawm CAIJ NTUJ TSHIAB LOS TXOG LAWM
“Yog li ntawd, nej tsis txhob txhawj rau tagkis, rau qhov tagkis yeej muaj kev txhawj txaus rau tagkis lawm. Kev nyuaj siab hnub twg yeej muaj txaus rau hnub ntawd, tsis tas yuav mus nrhiav kev nyuaj siab los ntxiv”. (Mathais 6:34)
Xyoo tshiab yog lub caij uas kuv nyiam tshaj plaws nyob rau hauv xyoo. Kuv nyiam tej toj roob hauv pes tuaj nroj ntsuab xiab, tej paj hmab paj ntoo tawg tau zoo, tej suab noog quaj txhua qhov, thiab tej pej xeem pib ua qoob ua loo. Tiamsis xyoo no, cuag li xyoo tshiab los txog lig zog.
Yuav muaj ib co fuab cua txias thiab yuav los daus rau tag kis. Tseeb tiag tej hnub thawj ntawm lub 1 hli raws li peb daim caij nyoog yeej tseem yog lub caij ntuj no. Tsis paub koj puas khuab xeeb tiamsis kuv pom tias ntawm no yog ib yam uas nyuaj nkag siab heev. Ua li cas peb thiaj yuav paub zoo zoo tias twb txog lub caij ntuj tshiab lawm?
Tej fuab cua xyoo no ua rau kuv nco txog lub sijhawm uas tej fuab cua ntawm xyoo 1980. Xyoo ntawd kuv ntsia pom cov paj hmab tawg zoo nkauj heev rau lub ob hli. Thaum uas ntsia pom duab tshav ntuj ci tuaj nyob rau tej hnub hauv lub caij ntuj no txais zias kuv lub siab rov qab mob dua tsheej zag. Thaum ntawd kuv xav hais qhia rau tej neeg nyob ntawm ib ncig kuv tias: “tseem tshuav ntev mam lis hais tias lub caij ntuj tshiab twb los txog lawm! Pw twj ywm thaum uas tej fuab cua txias los txog, ua rau koj txias ib ce txhav tas.”
Tiamsis tej fuab cua txias ntawd ho tsis los tsuas pom tej paj yim hnub yim tawg ntau xwb. Tseeb tiag kuv yeej tsis zoo siab rau tej ntawd, kuv tsuas xav kom tej fuab cua txias ntawd ua rau tej paj tawg tsi taus xwb. Ntau thiv dhau mus kuv pom tias lub caij ntuj tshiab los txog ntxov dua xyoo ntawd.
Twb yog vim qhov ntawd ua rau kuv ua poob yam ntawd lawm. Pauv qhov uas kuv txais xyoo tshiab los kuv ho txhawj tag nrho lub sijhawm ntawd. Twb yog vim txoj kev txhawj ntawd txeeb kuv txoj kev zoo siab mus lawm. Yog li kuv thiaj tsis xav kom qhov no rov qab tshwmsim los dua ib zaug ntxiv rau lub neej tom ntej. Kuv yeej ua tsis tau rau kom lub caij ntuj tshiab los txog ntxov tiamsis kuv yuav tau zoo siab rau tej ntawd.
Twb yog vim li ntawd ua rau kuv pom tias lwm yam nyob hauv lub neej no ua rau kuv tsis muaj kev zoo siab txaus. Tej zaug vim peb tab tom txhawj rau peb lub neej tom ntej. Muaj ntau zaug peb nyuaj siab thaum uas xav txog thawj hnub peb tej menyuam mus kawm ntawv, thiab thaum uas lawv kawm tas tsev kawm ntawv qib siab, lawv pib ua lawv lub neej txij nkawm? Twb yog tej kev txhawj ntawd ua rau peb ua poob peb txoj kev zoo siab.
Muaj ib txhia neeg lawv kub siab lug ua haujlwm lawv ntshai tsam tsev ua haujlwm muab lawv raws tawm. Kuj ib yam li ntawd, qhov uas kws tshuaj lawv tshuaj pom tias peb mob tus mob ub mob no ua rau peb poob peb txoj kev zoo siab tamsim vim peb ntshai tej yam uas yuav tshwmsim nyob rau lub neej tom ntej. Twb yog tej ntawd yuav cuam tshuam rau peb lub neej thiab cuam tshuam txog peb txoj kev zoo siab. Dhau ntawd, kev txhawj yeej tsis muaj ib zaum twg yuav pab tau kom peb txhob xav txog lub neej tom ntej. Txhawj tsuas ua rau peb nyhav siab ntxiv xwb.
Vajtswv txojlus nyob hauv Mathais 6:34 ntuas kom peb nco ntsoov tias: “Yog li ntawd, nej tsis txhob txhawj rau tagkis, rau qhov tagkis yeej muaj kev txhawj txaus rau tagkis lawm. Kev nyuaj siab hnub twg yeej muaj txaus rau hnub ntawd, tsis tas yuav mus nrhiav kev nyuaj siab los ntxiv”.
Peb tsis tas yuav txhawj txog tag kis vim tag kis nws yeej muaj nws kev txhawj txaus rau tag kis lawm. txoj kev khwv hnub twg txaus rau hnub ntawd xwb.
Vim li ntawd, kuv thiaj zoo siab txais yuav xyoo tshiab los txog ntxov. Ib yam li zaj nkauj hu tias Kuv paub tus uas tuav kuv lub neej tom ntej “txawm yog kuv tsis paub tias tag kis yuav zoo li cas, kuv tsuas paub ua kom kuv lub neej zoo txhua hnub xwb. Kuv tsis ntshaw yuav nplua nuj los tau zoo. Kuv tsis txhawj tagkis yuav li cas, kuv tsuas mloog raws li Vajtswv tej lus ntuas xwb: kuv nrog koj mus ua ke nyob rau hauv lub neej no, vim kuv paub ua ntej txhua yam. Lub neej tom ntej yeej tseem tshuav ntau yam kev txhawj, tiamsis kuv lub siab nws kaj siab lug, vim kuv paub Vajtswv tuav rawv kuv lub neej tom ntej, thiab kuv paub tias Vajtswv mus ua kuv ntej” txhawb kuv lub zog ntau heev thiab ua rau kuv ruaj siab rau Vajtswv.
Tseeb tiag hli peb thiaj yog hli uas txog lub caij ntuj tshiab tiag tiamsis tamsim no kuv tab tom zoo siab txais yuav tej fuab cua ntawm lub caij ntuj tshiab. Ua Vajtswv tsaug vim Vajtswv pub txojsia tshiab rau kuv thiab kuv txais yuav tej ntawd txhua lub sijhawm nyob rau hauv lub neej no.
Thov caw nrog kuv peb thov Vajtswv ua ke
Ua Vajtswv tsaug koj yog tus tuav kuv lub neej tom ntej. Ua koj tsaug vim koj pub rau kuv muaj txojsia tshiab nyob rau hauv xyoo tshiab no. Thov Vajtswv pab kom kuv vam khom rau ntawm Koj yog tus paub zoo txog txhua yam tshwmsim rau kuv thiab pab kom kuv tsis txhawj txog tag kis. Ua Vajtswv tsaug vim koj yog tus nrog kuv mus ua ke nyob rau hauv txhua txoj kev. Kuv thov hauv Tswv Yexus Khetos lub npe. Amees.
Cov kwv tij txhua tus, Vajtswv txoj kev npaj zoo kawg nkaus tseg rau Vajtswv tej menyuam. Yog li txhob cia tej kev txhawj xeeb ntawd txeeb koj txoj kev zoo siab tamsim mus. Nco ntsoov tias txhua yam tshwmsim nyob rau lub neej tom ntej puav leej nyob rau hauv Vajtswv txoj kev npaj. Yog li yuav tau zoo siab hauv Vajtswv, ua Vajtswv tsaug vim tej yam uas koj tab tom muaj thiab txhua txoj kev ntshaw uas muab fij rau Vajtswv thiab npaj yuav ua rau xyoo tshiab tom ntej muab fij rau Vajtswv.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply