Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
Txoj kev loj hlob ntawm sab ntsujplig tsis yog nyob ntawm lub sijhawm ntseeg Vajtswv tau tsawg xyoo tiamsis nyob ntawm peb lub hauv paus kev ntseeg puas pheeb ruaj rau ntawm Vajtswv zoo li cas. Txawm yog yuav ntsib dhau cua daj cua dub, kev sim siab hauv lub neej los tus neeg loj hlob sab ntsujplig yeej tawg paj, sawv khov kho thiab txi txiv tsis tu pub rau Vajtswv.
Hnub no, yog hnub 04/12/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jacqueline Overpeck dhau ntawm Zaj kawm LUB NEEJ TAWG PAJ TXI TXIV
“Cov neeg ncaj ncees yuav loj hlob ib yam li tej ntsuag txoob; thiab lawv yuav hlob zoo ib yam li tej ntoo ciab pem Lenpanoos. Lawv zoo ib yam li cov ntoo uas cog rau hauv tus Tswv lub tsev uas tawg paj ntsa iab nyob hauv peb tus Vajtswv lub Tuamtsev; txawm yog cov ntoo twb laus lawm los tseem ntsuab, txi taus txiv thiab khov heev. Qhov no qhia hais tias tus Tswv yeej ncaj ncees, tus uas tsomkwm kuv nws yeej tsis muaj ib qho txhaum li” (Ntawv Nkauj 92:12-15)
Kuv nco txog qhov xwm txheej no tshwmsim rau lub caij ntuj no xyoo tas los. Fuab cua txias heev ntawm cheeb tsam Dallas. Tseem muaj nag thiab daus los thiab. Thaum peb mloog kev tshaj xo txog tej fuab cua tas, tus kws tshaj xo xa ib qhov xov xwm tshiab nyob rau sab qaum teb.
“Ntoo vau nyob rau sab hnub tuaj Tulsa. Muaj tej lub suab ntxhia nrov heev zoo li tua phom tshwm ntawm tej tsob ntoo loj heev muaj hnub nyoog li tsib caug xyoo cia li vau vim tej fuab cua no yim hnub yim tsis zoo ”
Tus hais xov xwm tseem hais ib qhov tsis zoo tias: “Hmo no cov fuab cua txias yuav nkag los rau sab qaum teb Texas”
Thaum hnov xov xwm tshaj xo li ntawd, kuv txog siav ntev. Kuv ntxhi twj ywm rau Vajtswv tias: “Thov Vajtswv koj pab kom txhob cia peb tsob ntoo vau”. Hnub tom qab thaum peb tawm hauv chaw ua haujlwm rov qab los tsev kuv ua Vajtswv tsaug vim tsob ntoo yeej tseem sawv khov kho thaum cov fuab cua tsis zoo li ntawd los.
Txawm li los, yam uas phem tshaj yeej tshwm los raug rau kuv tus neeg zej zog. Tsob ntoo uas nyob ntawm lawv lub tsev sab xis cia li lov ntho nruab nrab thiab tav kev vim txoj kev no twb ib txwm me lawm. Kuv saib tej ceg ntoo loj ntawd vau ua rau kuv lub siab khuv xim heev vim kuv tus txiv yuav tau ua tib zoo tsav tsheb dhau cov ntoo vau ntawd. Tej ceg ntoo loj raug daus muab npog tas nws dawb paug zoo li tej hlaws iav.
Kuv nug kuv tus txiv tias: “Dab tsi tab tom tshwmsim zoo li no tsis ua rau koj nyuaj siab los?”
Nws co co taubhau thiab hais tias: “Zoo rau qhov uas wb tau muab ib txhia ntoo ntov pov tseg rau lub caij nplooj ntoo zeeg xyoo tas los. Yog tias wb tsis ua li ntawd ces tej tsob ntoo ntawd kuj yuav lov los li no thiab”.
Tav su hnub ntawd, kuv xav txog qhov uas tsob ntoo vau los tav kev. Kuv xav txog Vajtswv txojlus hais txog tus neeg ncaj ncees piv ib yam li tsob ntoo. Tas kuv lub hlwb tshwm tej lo lus nug li no:
“Yam dabtsi yuav tshwmsim tuaj rau ib tug neeg thaum uas nws ntsib cua daj cua dub, cua tshuab loj thiab fuab cua txias zoo li lub caij ntuj no?”
Tsis paub peb lub neej puas muaj tej tsob ntoo phem yuav tau muab ntov pov tseg lossis tsis muaj? Puas yog peb yuav tau muab tej tsob ntoo uas lwj tas lawm ntov pov tseg?
Vajtswv txojlus ntuas kom peb tsis txhob ntshai thaum muaj tej lub sijhawm txomnyem. Vim Vajtswv tsim peb los kom txais tau txoj kev cia siab thiab muaj kev vam meej. Vajtswv txojlus nyob hauv Ntawv Nkauj tshooj 92 ua pov thawj rau qhov no:
“Cov neeg ncaj ncees yuav loj hlob ib yam li tej ntsuag txoob; thiab lawv yuav hlob zoo ib yam li tej ntoo ciab pem Lenpanoos. Lawv zoo ib yam li cov ntoo uas cog rau hauv tus Tswv lub tsev uas tawg paj ntsa iab nyob hauv peb tus Vajtswv lub Tuamtsev; txawm yog cov ntoo twb laus lawm los tseem ntsuab, txi taus txiv thiab khov heev. Qhov no qhia hais tias tus Tswv yeej ncaj ncees, tus uas tsomkwm kuv nws yeej tsis muaj ib qho txhaum li” (Ntawv Nkauj 92:12-15).
Tiamsis yuav ua li cas peb lub neej thiaj yuav tawg paj?
Yam dabtsi ua rau tsob ntoo thiaj loj hlob txawm yog fuab cua nws yuav zoo li cas.
Ntawv Nkauj 92 yuav pab kom peb teb tau lo lus nug saum toj. Muaj qhov tseeb nyob hauv nqe Vajluskub ntawm Ntawv Nkauj 92 thiab cov neeg cog ntoo yuav tau paub thiab tuav kom ruaj txoj kev no:
1) Ib tug neeg lub neej yuav tawg paj thaum tus neeg ntawd tau cog nyob hauv Yexus Khetos.
Qhov uas yuav muab ib tug neeg txoj kev ua lub neej qub rho kom ti nkaus cag yeej tsis yooj yim li. Kom ua tau li no, peb yuav tau hnov qab peb lub neej yav dhau los thiab tig mus rau lub neej tom ntej. Kom peb lub neej pheeb rau ntawm Vajtswv ces peb yuav tau mloog thiab ua raws li Vajtswv txoj kev cia Vajtswv ua tus saib xyuas peb.
Thaum Vajtswv muab peb tav ces qhov ntawd tej zaug yuav nyuaj rau peb. tseeb tiag, tej zaug peb tsis mus pehawm hauv tuam tsev tau lub sijhawm ntev los lawm, ib xyoos dhau los tsis thov Vajtswv. Thiab peb xav tias ntshai txhua yam tsis muaj dabtsi. Tiamsis yeej tsis muaj ib zaum twg yuav lig tseg rau peb tso peb lub siab tawv zoo li pob zeb no tseg thiab khiav los mus rau ntawm Vajtswv.
Vajtswv xav kom peb nyob hauv Vajtswv thiab loj hlob nyob hauv Vajtswv lub vaj cia Vajtswv ua tus tab ncuab rau peb. yog li Vajtswv xav kom peb yuav tau vam khom Vajtswv kom tiv dhau lub caijnyoog tamsim no (Saib Ntawv Nkauj 92:12-13).
2) Lub neej tawg paj txi txiv zoo.
Kom lub neej sab ntsujplig loj hlob, peb yuav tau nyob hauv Vajtswv txoj kev ua tus tu peb. Thaum peb qhib peb lub qhov ntsej sab ntsujplig los mloog Vajtswv tej lus ciaj sia thiab tej lus tshiab los ntawm Vajtswv los ces koj yuav paub tseeb dua txog Vajtswv lub suab hais lus mos muag. Vajtswv yog tus pab koj, ua rau kom koj lub neej sab ntsujplig loj hlob. Thaum peb vam khom rau Vajtswv txoj kev ua tus tu peb ces peb lub neej yuav tau Vajtswv foom koob hmoov vim Vajtswv cog lus yuav foom koob hmoov rau tus uas ua raws li Vajtswv lub siab nyiam. Tiamsis ua ntej peb yuav tau tso peb lub neej qub yav dhau los pov tseg.
Tamsim no koj puas tseem chim lossis npau taws rau ib tug twg? Yog tseem muaj, thov Vajtswv tshem yam ntawd tawm hauv koj lub siab mus. Ntseeg tias thaum muab tej ntawd fij rau Vajtswv ces koj lub siab yuav kaj siab lug thiab muaj kev zoo siab. Koj yuav pom tias Vajtswv twb tshem lub nra nyhav ntawd tawm hauv koj lub siab mus lawm.
Vajtswv txojlus nyob hauv Ntawv Nkauj 55:22 thiab 92:14 qhia rau peb nco tias: “Cia li muab nej tej kev nyuaj siab tso rau tus Tswv, nws yuav tsomkwm nej, nws yeej ibtxwm tsis tso cov neeg ncaj ncees tseg” “txawm yog cov ntoo twb laus lawm los tseem ntsuab, txi taus txiv thiab khov heev”
3) Lub neej tawg paj txi txiv yuav qhuas Vajtswv
Yam twg yog yam loj uas Vajtswv yuav ua pub rau koj? Tsis paub koj puas siv koj lub qhov ncauj los qhuas Vajtswv lub npe dawbhuv? Tseeb tiag, Vajtswv yog tus hlub tshua peb raws li Vajtswv tej lus sau nyob hauv 2 Kauleethaus 9:8-9:
Vajtswv tus uas muaj ib puas tsav yam. Nws yuav pub tej uas nej yuav tsum muaj rau nej kom nej niaj hnub muaj txaus siv thiab muaj txaus coj mus pab lwm tus. Raws li Vajtswv txojlus hais tias, “Tus uas muaj nplooj siab dawb paug pab cov neeg pluag, tus ntawd tes haujlwm yuav nyob mus ibtxhis.”
Yog li kom nthuav tawm lub siab nco Vajtswv tshav ntuj peb yuav tau qhuas Nws. Tiamsis yuav ua li cas peb thiaj qhuas tau Vajtswv?
Peb nthuav tawm lub siab nco Vajtswv tshav ntuj thiab qhuas Vajtswv dhau los ntawm peb lub siab. Peb qhuas Vajtswv tias yog tej uas Vajtswv tau ua nyob rau hauv peb lub neej tiamsis Vajtswv yog tus muaj hwjchim loj kawg nkaus.
Thov caw nrog kuv peb thov Vajtswv ua ke.
Vajtswv ua koj tsaug, koj yog tus Cawm Seej thiab yog tus coj peb lub neej. Thov koj pub rau kom kuv yuav saj tau yam tshiab uas Vajtswv koj tau ua nyob hauv kuv lub neej. Kuv thov hauv Tswv Yexus Khetos lub npe. Amees.
Cov kwv tij txawm koj lub neej tamsim no yuav zoo li cas los yuav tau pheeb kom ruaj tawg paj txi txiv rau Vajtswv thiab qhuas Vajtswv. Ntseeg siab thiab vam khom rau Vajtswv vim Vajtswv yog qhov chaw nkaum tso siab rau koj. Pheeb kom ruaj rau ntawm Vajtswv koj lub neej thiaj yuav tawg paj txi txiv, ruaj khov thiab ntsuab xiab.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply