Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
Peb yuav mus tsis txog tus ciam tom kawg yog tias peb tsis tshais ruam mus thawj kaujruam. Nyob hauv txoj kev nrog tus Tswv mus qhov uas peb mloog Vajtswv lus, tso peb tus neeg qub tseg nrog tus Tswv mus yog thawj yam uas peb yuav tau ua. Cia Vajtswv hloov pauv peb lub siab thiab coj peb txhua txoj kev uas peb mus.
Hnub no, yog hnub 05/01/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Ruel DeCastro dhau ntawm Zaj kawm HLOOV SAB HAUV
“Tiamsis yog peb lees peb tej kev txhaum rau Vajtswv, Vajtswv yog tus ncaj ncees, nws yuav ua raws li nws tau coglus tseg lawm, nws yuav zam peb tej kev txhaum thiab nws yuav ntxhuav peb tej kev txhaum huv tibsi mus.” (1 Yauhas 1:9)
Txhua qhov chaw uas peb yuav mus kom txog puav leej muaj qhov pib: Ntawd yog thaj chaw pib uas peb pib mus thawj kaujruam.
Thaum pib peb yuav tau tshais ruam mus lossis thaum pib tsav tsheb peb yuav tau qhib yaum sij tsheb.
Peb txoj kev nrog Tswv Yexus sib raug zoo ua ke los kuj zoo ib yam li ntawd. Peb yog cov uas yuav tau hloov pauv txoj kev mus nyob ze Vajtswv thaum pib. Thaum peb nkag los rau hauv Vajtswv txoj kev tshwm ntsej muag peb yuav tau txo hwjchim, hwm taus thiab thov Vajtswv zam peb tej kev txhaum. Thaum peb lees hais tias peb sab nqaij tawv no tsis muaj zog ces lub sijhawm ntawd Vajtswv yuav pab peb thiab pab kom peb mloog tau Vajtswv lus. Thaum uas peb tso peb lub neej qub tseg thiab ua raws li Vajtswv txoj kev ces Vajtswv yuav coj peb mus kom txog rau qhov chaw uas Vajtswv xav kom peb mus txog.
Tswv Yexus yog tus hais tias: “Nej thov, nej thiaj yuav tau; nej nrhiav, nej thiaj yuav ntsib; nej khob, Vajtswv thiaj yuav qhib qhovrooj rau nej” (Mathais 7:7). Raws li nqe Vajluskub no qhia, peb yuav tau vam khom rau Vajtswv thiab thov kom Vajtswv pub rau peb txhua yam nyob hauv Vajtswv lub siab nyiam uas zoo kawg nkaus.
Tej zaug peb txhua tus pauv leej paub txog zaj xwm txheej uas hais txog tus neeg tuag tes tuag taw tau sau nyob hauv Mathais 9:1-8, Malakaus 2:1-12 thiab Lukas 5:17-26. Kuv txhawb kom nej nyeem tag nrho cov nqe Vajluskub no kom nkag siab zoo txog zaj xwm txheej uas tau tham txog no. Tswv Yexus hais rau tus neeg tuag tes tuag taw tias: “Neeg Leej Tub muaj hwjchim hauv ntiajteb no zam txim rau neeg.” Yexus thiaj hais rau tus txivneej uas tuag tes tuag taw hais tias, “Koj cia li sawv thiab nqa koj daim pam mus tsev! ” Tus txiv neej ntawd txawm sawv tsees mus tsev lawm.
Yog tias peb txaus siab tso kev txhaum tseg thiab mloog Vajtswv lus ces Vajtswv yuav ua tej yam loj pub rau peb raws li Vajtswv lub siab nyiam uas zoo kawg nkaus. Yog li ntawd, peb yuav tau muaj qhov pib kom txav mus nyob ze rau txoj kev sib txuas lus ua ke nrog Vajtswv.
Thov caw nrog kuv peb thov Vajtswv ua ke
Ua Vajtswv tsaug vim Koj yog tus zam txim rau kuv thaum uas kuv kam tso kuv tej kev txhaum tseg. Thov Vajtswv pab kom kuv pib tshais thawj kaujruam nrog koj mus ua ke nyob hauv txoj kev sib raug zoo. Thov Vajtswv pab kom kuv yuav ncaj ncees kawm paub Vajtswv txojlus, nrhiav Vajtswv lub siab nyiam nyob hauv kaujruam txuas ntxiv. Kuv thov hauv Tswv Yexus Khetos lub npe. Amees.
Zoo kawg nkaus li thaum uas peb qhov chaw pib puav leej yog nyob hauv Vajtswv txoj kev tshwm ntsej muag. Peb yuav tau txo hwjchim, hwm taus, tso peb lub neej qub tseg thiab ua lub neej raws li Vajtswv txoj kev. Thaum uas peb nrhiav Vajtswv ua ntej Vajtswv yuav pub rau koj kom muaj lub neej tau txais koob hmoov thiab muaj kev zoo siab. Cia li vam khom rau Vajtswv thiab thov Vajtswv tsis tseg kom peb nyob hauv txoj kev sib raug zoo ua ke nrog Vajtswv txhua hnub.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply