Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
Saib txiv ces paub tsob ntoo. Ib lub neej loj hlob ces yuav txi tau tej txiv zoo tsis tu. Lwm tus puas ntsia pom Vaj Ntsujplig lub txiv twg nyob rau hauv koj lub neej? Thiab peb yuav tau ua lub neej zoo li cas thiaj yuav txi tau lub txiv zoo nyob rau hauv yus lub neej?
Hnub no, yog hnub 09/01/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Aaron Little dhau ntawm Zaj kawm TXI TAU LUB TXIV ZOO
“Nimno twb npaj tau rab taus lawm, yuav ntov tej ntoo txhua tsob ntoo uas tsis txi cov txiv zoo, yuav muab ntov pov rau hauv cub hluavtaws huv tibsi” (Mathais 3:10)
Kuv txiv ua dej num nyob hauv pawg ua haujlwm dhau plaub tiam. Nyob rau lub sijhawm ntawd, kuv niam yog ib tug pab zoo heev thaum nyob tom qab pab rau pawg xws li pab zaub mov rau tej lub sijhawm tseem ceeb hauv xyoo. Niam muab tej uas niam muaj fij rau txoj kev ua Vajtswv haujlwm. Siv niam lub sijhawm khoom los ncaws tej av ntawm peb nyob los cog tej tsob ntoo phim rau tej av ntawd. Kuv pom niam qhov haujlwm no zoo rau kuv. Peb kuj cog tau ntau tsob txiv ntoo noj xws li táo, lê, việt quất thiab nho tau ntau xyoo.
Kuv niam nws nyiam tej tsob ntoo noj txiv uas tau muab cog hauv nws lub vaj heev. Pog tseg sijhawm ntau sij los cog, los phoo chiv, los tu, los tsuag kab thiab sau tej txiv ntawd. Kwv yees li hli xya lossis hli yim ntawd hauv tsev thaum twg twb puv npo txiv táo, txiv lê hauv tsev de nraum vaj los. Pog siv sijhawm los muab ua qhuav thiab ntim rau tej lub tsaib. Thaum tseem yau, kuv cim civ nug tias vim li cas kuv niam ho ua tej no. Thaum no tsis yog lub sijhawm uas tsis muaj haujlwm ua. Dhau ntawd qhov no kuj tsis yog tej kev nrhiav nyiaj los pab rau tsev neeg yuav cheem tsum txog. Thaum kuv loj hlob tuaj, kuv pom tias pog nyiam ua qhov haujlwm ntawd thiab xav muab tej ntawd faib rau ntau tug.
Niam kuj tseg sijhawm los muab tej ceg tsis zoo ntov pov tseg. Ntawm no yeej tsis yog ib lub sijhawm zoo vim niam twb tseg lub sijhawm ntau los tu ntau xyoo. Tiamsis yuav tau ua li no. tsob twg tsis txi txiv zoo yuav tau muab txiav pov tseg thiab hloov dua lwm tsob. Puas yog kuv niam ua li ntawd kom thiaj txi tau tej lub txiv zoo? Tej haujlwm uas niam ua yog lawv nraim li Vajtswv txojlus nyob hauv Vajluskub.
Mathais 3 hais txog zaj xwm txheej Yauhas Npati-tus yog Yexus ib tug tij laug kwv tij, yog tus neeg kho kev rau Tswv Yexus thaum nws qhia kom sawv daws yuav tau tso kev txhaum tseg ua kevcai raus dej kom lub neej hloov dua tshiab. Thaum Yauhas Npati-tus pom cov pov thawj hlob ces yawg hais txog lawv txoj kev ua neej dag thaum lawv tsis ua lawv lub neej raws li tej uas lawv qhia rau tej pej xeem. Yawg hais tias lawv lub neej tsis txi tej txiv zoo.
Vajtswv txojlus nyob hauv Mathais 3:10 sau tseg tias: “Nimno twb npaj tau rab taus lawm, yuav ntov tej ntoo txhua tsob ntoo uas tsis txi cov txiv zoo, yuav muab ntov pov rau hauv cub hluavtaws huv tibsi”
Yauhas Npati-tus ceeb toom cov pov thawj hlob paub txog lawv lub neej cuav ntawd thiab kuj yog tej lus ceeb toom tseg rau peb niaj hnub nim no. Yog ib tug ntseeg Vajtswv, peb yuav tau ua peb lub neej thiab xyaum raws li Yexus Khetos. Yog li peb thiaj yuav txi tau tej txiv zoo. Tsis tas li ntawd, peb yuav tau nthuav tawm Vaj Ntsujplig cov txiv nyob hauv peb lub neej raws li Vajtswv tej lus tau sau tseg nyob hauv Kalatias 5:22-23 tias:
“Tiamsis Vaj Ntsujplig yuav ua rau neeg muaj lub siab sib hlub, zoo siab, nyob kaj siab lug, ua siab ntev, muaj lub siab dawb siab zoo, zoo siab hlo pab lwm tus, ua siab ncaj, tsis khavtheeb thiab paub tswj yus lub siab. Yeej tsis muaj ib txoj kevcai yuav txwv tej no hlo li”
Ntawm no yog yam uas Vajtswv tos ntsoov ntawm peb, peb yuav tau ua tib zoo ua nyob rau hauv peb lub neej ua kom yog raws li Vajtswv tej lus qhia nyob hauv Mathais 3:10 qhia thiab paub tias rab taus twb npaj txhij yuav muab tsob twg tsis txi txiv zoo ntov pov tseg. Yog li, peb yuav tau mloog thiab ua raws li Vajtswv tej lus qhia.
Thov caw nrog kuv peb thov Vajtswv ua ke.
Ua Vajtswv koj tsaug vim Koj txojlus ntuas kom kuv yuav tau ua lub neej raws li koj tej lus qhia thiab yuav txi tau tej txiv zoo pub rau koj. Thov Vajtswv pab kom kuv paub tej txiv phem, tus yamntxwv phem thiab muab tej ntawd ntov pov tseg tawm hauv kuv lub neej mus. Los ntawm ua lub neej sib hlub yuav zoo li tej lub txiv qab zib kom tej neeg ib ncig lawv paub koj thiab txais yuav koj kom lawv tau txais txoj kev cawmdim thiab tau txojsia ib txhis. Kuv thov hauv Tswv Yexus Khetos lub npe. Amees.
Cov kwv tij txhua tus, tseg lub sijhawm los tshuaj peb lub neej thiab thov Vajtswv pab koj tshem tej yam tsis zoo, tej yam tsis haum Vajtswv siab. Tseg Vaj Ntsujplig tej txiv puv npo nyob hauv koj kom lwm tus ntsia pom Vajtswv dhau los ntawm Vajtswv cov menyuam. Muab tej yam uas koj muaj faib rau sawv daws thiab txhob hnov qab hais tej lus hlub, lus txhawb zog thiab thov Vajtswv rau tej phooj ywg, tej txheeb ze thiab cov neeg uas koj paub txhua hnub.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply