Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
Puas tau muaj zaum twg koj ntshaw kom tau hnov Vajtswv lub suab hais lus tuaj rau yus lawm tau? Dabtsi yog daim phab ntsa thaiv ua rau koj tsis hnov Vajtswv lub suab? Vajtswv niaj hnub nyob ntawm peb ib sab thiab xav kom peb mus nyob ze Vajtswv thiab hais rau Vajtswv tias: Tus Tswv thov koj hais, kuv tab tom mloog.
Hnub no, yog hnub 11/01/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jordan Buntgen dhau ntawm Zaj kawm TUS TSWV THOV KOJ HAIS KUV TAB TOM MLOOG
“Tus Tswv koj cia li hais; koj tus tubtxib tabtom mloog” (I Xamuyees 3:10)
Nyob ntawm kuv tus kheej, Vajtswv txojlus muaj nqis kawg li. Tiamsis tsis yog tias thaum twg kuv twb hnov Vajtswv lub suab vim kuv kuj tsis paub tias kuv puas tau hnov Vajtswv hais rau kuv lossis tsawg kawg yog Vajtswv xav nrog kuv sib tham.
Zaj xwm txheej uas Eliyas ntsib tus Tswv nyob hauv 1 Vajntxwv 19:11-13 ua rau kuv kawm tau ntau zaj kawm: “Tus Tswv teb Eliyas hais tias, “Koj cia li tawm mus sawv saum ncov roob tabmeeg kuv.” Tus Tswv txawm hla los mus thiab ua cua daj cua dub ntsawj tej pov roob tawg pleb zorn zaws thiab tej pobzeb tawg dawbvog, tiamsis tus Tswv tsis nyob hauv cov cua ntawd. Tom qab cua tu lawm, txawm muaj av qeeg, tiamsis tus Tswv tsis nyob hauv qhov av qeeg ntawd thiab. Tom qab av qeeg tas txawm muaj hluavtaws, tiamsis tus Tswv tsis nyob hauv cov hluavtaws ntawd li thiab. Ces thaum cov hluavtaws dhau lawm, txawm muaj ib lub suab hais yau yau tuaj. Thaum Eliyas hnov lub suab ntawd, nws txawm muab nws lub tsho los npog nws ntsejmuag thiab tawm mus sawv ntawm rooj tsuas. Muaj ib lub suab hais rau Eliyas hais tias, “Eliyas, koj tuaj ua dabtsi ntawm no?”
Tej kev cia siab uas peb tau teem tseg ntau zaug ho yog daim phab ntsa thaiv loj tshaj plaws ua rau peb tsis hnov Vajtswv lub suab. Ib yam li Eliyas, kuv kuj thov kom Vajtswv pab kuv kom kuv hnov Vajtswv lub suab nyob rau ib lub sijhawm twg ntawd. Tej zaug kuv cheem tsum yuav tau tseg sijhawm los nrog Vajtswv sib tham kom thiaj yuav muaj sijhawm hnov Vajtswv lub suab. Lossis yuav tseg sijhawm ntau los nyob ntawm Vajtswv kom kuv thiaj hnov nws hais rau kuv. Lossis kuv yuav tau muaj lub siab tawv taij thov Vajtswv ua tus teb kuv tej lus thov. Kuv hnov tag kev cia siab thiab xav tias ntshe yuav tau ua ib yam dabtsi twg Vajtswv thiaj nrog yus sib tham. Tiamsis yam uas kuv ua rau kom Vajtswv zoo siab yog Vajtswv yog tus siab ntev thiab pub yam uas zoo tshaj plaws rau peb raws li Vajtswv lub siab nyiam.
Vajtswv paub zoo yam twg zoo rau peb. yog li Vajtswv xav kom peb yuav tau mloog Vajtswv raws li Vajtswv txoj kev tsis yog ua raws li peb txoj. Vajtswv tseem xav kom peb yuav tau ntseeg siab rau Vajtswv lub homphiaj uas npaj tseg rau peb lub neej thiab.
Kuj zoo ib yam li tus cevlus Eliyas, muaj ib taig kis sawv ntxawv kuv nrhiav Vajtswv thiab hais rau Vajtswv tias kuv xav nrog Vajtswv sib tham. Kuv yuav tau lees rau Vajtswv tias kuv nyob ib leeg kho siab, tsis paub ua dabtsis vim tsis muaj neeg quav ntsej txog kuv lossis nrog kuv sib tham thaum uas nyob ua ke ib chav muaj ntau tus neeg nyob. Sawv ntxov hnub ntawd kuv coj tus cwjpwm zoo li ib tug menyuam yaus cheem tsum lwm tus ntxhua thiab hlub. Lub sijhawm ntawd kuv hnov Vajtswv lub suab hais ntxhi rau kuv tias: “Kuv tus menyuam uas kuv hlub…” Vajtswv ntxhi twjywm ntawm kuv pob ntseg ua rau kuv lub hlwb paub tias Vajtswv yog Leej Txiv tab tom hais rau kuv. Kuv hnov Vajtswv lub suab ntawd txawm yog yav dhau los kuv yeej tsis tau hnov dua tiamsis Vajtswv pab kom kuv paub lub suab no.
Ua Vajtswv tsaug vim Vajtswv nyob rawv ntawm kuv ib sab thiab xav kom kuv nrog Vajtswv sib tham. Vajtswv yeej tsis yog tus uas tsis muaj sijhawm lossis yuav tau maj nroos ua txog qib uas tsis tseg tau sijhawm los mloog peb thov Nws. tsis tas li ntawd, Vajtswv kuj yog tus uas tsis muaj hnub hloov pauv thiab Vajtswv pab kom peb hloov pauv tau peb lub siab. Ib yam li Mauxes, Yakhauj thiab Xamuyees thiab muaj ib txhia neeg hauv peb no kuj zoo siab hlo hais rau Vajtswv tias: “tus Tswv, muaj kuv nyob ntawm no, thov hais” thiab mloog raws li Vajtswv tej lus qhuab ntuas. Yog li kuv cia siab tias yuav muaj sijhawm ntau los nrog Vajtswv sib tham yog tus uas yuav muab kuv lub npe sau rau hauv phau ntawv uas cawm neeg txojsia.
Thov caw nrog kuv peb thov Vajtswv ua ke.
Leej Txiv, kuv paub tias koj nyob rawv ntawm kuv ib sab, tseg sijhawm los mloog txhua yam uas kuv hais qhia rau koj, kuv cia siab tias yuav tau nyob hauv koj txoj kev tshwm ntsej muag tau hnov koj lo lus hais mos muag tseg rau kuv txhua hnub. kuv tab tom nyob ntawm no, thov Vajtswv koj cia li hais, kuv xav mloog koj lub siab. Kuv thov hauv Tswv Yexus Khetos lub npe. Amees.
Cov kwv tij txhua tus, tau nrog Vajtswv sib tham thiab mloog Vajtswv lub suab hais lus yog yam uas zoo kawg nkaus tseg rau peb txhua tus ntseeg Vajtswv. Cia li thov Vajtswv pab kom koj paub tias daim phab ntsa twg loj tshaj plaws ua rau koj tsis hnov Vajtswv lub suab thiab thov Vajtswv pab kom koj tshem tau tej ntawd tawm.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply