Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
Koj puas sau tseg txog tej haujlwm yuav tau ua rau xyoo tshiab? Lossis koj yeej ib txwm tso qhov haujlwm ntawd tseg lawm? tej zaug koj twb yeej ib txwm ua tej ntawd rau hnub uas pib xyoo tshiab: kub siab lug, siv zog, tas maj nroog poob mus rau qhov tsis xav ua, qaug zog thiab tso tseg. tiamsis tseeb tiag, yeej tsis muaj ib lub homphiaj twg tseem ceeb npaum li qhov haujlwm cheem tsum tshaj – yog yam uas peb yuav tau ua kom tau nyob rau hauv xyoo tshiab no thiab tag peb sim neej; ntawd yog ua lub neej pub rau Vajtswv.
Hnub no, yog hnub 11/02/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Bill Gaultiere dhau ntawm Zaj kawm IB QHOV HAUJLWM CHEEM TSUM
“Tiamsis tsuas muaj ib yam zoo xwb” (Lukas 10:41-42).
Xyoo tshiab, peb yeej kub siab lug sau npe txog tej homphiaj tshiab yuav siv zog ua kom tau. Tiamsis koj puas paub, feem ntau sawv daws puav leej tso tseg vim tom qab ib hli xwb. Qhov haujlwm no tshwm tuaj ua rau muaj ntau tus muab nws lub homphiaj hauv xyoo tshiab tso tseg thiab hais tias: “Teem tseg ua tus dabtsi tas kuj muab tso pov tseg xwb”
Tiamsis muaj dua lwm txoj kev pib rau lub xyoo tshiab: thov Vajtswv ua tus coj koj kev nyob rau hauv txoj kev uas koj yuav mus “xyoo tshiab hloov dua tshiab”.
Ntau xyoo dhau los, kuv saib xyoo tshiab zoo li ib lub sijhawm tshiab tseg rau kuv hloov pauv. Kuv thov Vajtswv nthuav qhia rau kuv paub txog tej haujlwm uas Vajtswv xav ua nyob hauv kuv lub neej, thov Vajtswv coj kuv kev kom kuv paub mloog Vajtswv lus thiab ua tiav tej lus samhwm tseg tau cob rau kuv.
Thaum pib txoj kev hauv xyoo tshiab hloov dua tshiab, kuv tsuas xav txog ib lub homphiaj xwb yog: xav kom yog ib tug neeg ua lub neej pub rau Yexus Khetos los ntawm tag nrho kuv lub siab.
Txhua xyoo, Vajtswv yuav taw rau kuv paub txog ib qhov teeb meem yuav tau daws lossis ib txoj kev hloov pauv yuav ua nyob rau hauv lub neej txhua hnub, kom kuv yuav tig mus rau ntawm Yexus Khetos yog lub homphiaj ntawm kuv lub neej – nrog tus Tswv mus yog ib qhov haujlwm cheem tsum tshaj plaws.
Kuv tus phooj ywg, tus sau Howard Baker tau sau phau ntawv The One Thing (txhais tias: Ib Tes Haujlwm Uas Cheem tsum). Dhau ntawm phau ntawd no, kuv tau txhawb zog los ntawm peb tug neeg muaj kev ntseeg nyob hauv Vajluskub – lawv tau ua lub neej tag lawv lub siab pub rau Vajtswv xwb.
- Ib yog Daviv. Nruab nrab ntawm tej kev sim siab lwj siab ntsuav, txaus ntshai nyob rau tom moj sab qhua tau kaum xyoo, yawg raug ua saib tsis taus thiab yuav luag tuag. Nyob rau hauv txoj kev txomnyem ntawd, Daviv tau thov Vajtswv tias: “Kuv tsuas thov tus Tswv pub ib yam rau kuv xwb, yam uas kuv xav yuav, yog kuv xav nyob hauv tus Tswv lub tsev mus tas kuv simneej, kuv xav tsis thoob rau tej uas nws ua zoo, thiab kuv yuav thov nws ua tus coj kuv txoj haukev… tus Tswv kuv yuav los cuag koj.” (Ntawv Nkauj 27:4,8).
- Ob yog Malis. Nws xaiv tso nws tej haujlwm ua zaub mov tseg zaum ntawm Tswv Yexus ko taw thiab mloog Tswv Yexus tej lus, dhau ntawd nws thiaj hnov Tswv Yexus cov lus qhuas nws. mloog Tswv Yexus cov lus hais rau Mathas:
“Mathas, Mathas! Koj txhawj thiab ntxhov siab rau ntau yam haujlwm kawg li, tiamsis tsuas muaj ib yam zoo xwb. Malis twb xaiv yam zoo ntawd lawm, tsis muaj leejtwg yuav txeeb tau yam uas nws muaj ntawd mus li.” (Lukas 10:41-42). - Thaum kawg yog Paulus: Yawg suav tias tej uas yawg ua tau zoo li poob: “Vim paub Yexus Khetos … muaj nqis dua” (Philipis 3:8).
Yawg nthuav tawm yawg txoj kev ntshaw ua neej: “Kuv yuav tsis cim ntsoov tej uas kuv ua tas los lawm, tiamsis kuv yuav siv zog ntsos mus kom txog tej uas nyob tom hauv ntej. Yog li ntawd, kuv thiaj li khiav ncaj nraim mus rau tus ciam tom kawg kom kuv tau nqi zog. Qhov nqi zog ntawd yog txojsia ntev dhawv mus ibtxhis uas Vajtswv khaws cia rau saum ntuj ceebtsheej tos peb cov uas ntseeg Yexus Khetos.” (Philipis 3:13-14).
Xyoo no, cia siab tias koj thiab kuv yuav tsom tsoov rau ib tes haujlwm cheem tsum xwb, ntawd yog ua lub neej pub rau Yexus Khetos.
Yuav ua li cas peb thiaj muab txhua yam pub rau Yexus Khetos – yog peb ib qhov haujlwm cheem tsum? Peb cheem tsum ib txoj kev hloov pauv txhua hnub zoo li cas kom nthuav tawm txoj kev hlub ntawd rau Vajtswv? Yuav ua li cas thiaj khiav dhau tej kev ntshai, kev npau taws? Yuav ua li cas thiaj kawm tau txoj kev zoo siab thaum tab tom txomnyem, thov Vajtswv tsis tseg, lossis hlub yus tus yeebncuab? Los ntawm txoj kev siv zog lod? Tsis yog, peb yeej ua tsis tau yam ntawd los ntawm peb tus kheej lub zog. Yog vam khom yus lub zog, peb yuav nkees thiab muaj kev khav theeb!
Kom muaj txoj kev hloov pauv tiag nyob rau hauv tus cwjpwm – kawm, loj hlob thiab kho zoo, txawm yuav yog seem twg – los peb puav leej tau cob. Ntsia saib Tswv Yexus zoo li tus tswv cob qhia koj thiab “cob koj” Paulus ntuas kom peb “yuav tau cim civ xyaum lub siab ntseeg” (1 Timautes 4:7).
Ib feem tseem ceeb nyob rau hauv txhua lub rooj kawm cob qhia ces yog xav txog Vajluskub.
Xav txog Vajluskub tsis yog tsuas nyeem xwb. Xav kuj zoo ib yam li tshawb nrhiav. Xav txog Vajluskub muaj lub ntsiab tias koj yuav nrog Vajtswv sib txuas lus ua ke dhau los ntawm Vajtswv txojlus, tas muab coj los siv rau koj lub neej rau tej lub caijnyoog uas koj ntsib thiab lub sijhawm zoo nyob rau hauv koj lub neej. Koj zoo li ib tug ntseeb ya dhau ib lub paj thiab so nqus cov paj zib ntawd tas pauv tej ntawd dhau los ua cov qab zib.
“Vajtswv txojlus… tseem qab dua zib ntab!” tus sau Ntawv Nkauj tau tawm suab zoo li ntawd! (Ntawv Nkauj 119:103).
Thov Vajtswv pab koj thiab kuv kom txhua hnub saj tau cov kua qab zib nyob hauv Vajtswv tej lus, siv cov lus ntawd los ua lub neej pub rau ib qhov haujlwm uas cheem tsum ntawd yog hlub Vajtswv thiab hlub sawv daws ib yam li Vajtswv tau hlub peb.
Thov caw nrog kuv peb thov Vajtswv ua ke.
Tus Tswv, thov koj pab kuv kom kuv pom tias yeej tsis muaj ib qhov homphiaj twg yuav tsis tseem ceeb npaum li ua lub neej pub rau koj lub neej tag kuv lub neej. Ntawm no yog ib qhov haujlwm cheem tsum uas peb yuav tau txiav txim siab ua tiav rau xyoo no. thov Vajtswv koj pab peb kom peb txhob tso tseg tiamsis yuav caum tej yam uas Koj xav nyob rau hauv peb lub neej. Kuv thov hauv Tswv Yexus Khetos lub npe. Amees.
Cov kwv tij txhua tus, koj puas tau npaj txhij rau xyoo tshiab hloov dua tshiab lawm tau? Cia li muab ib daim ntawv los thiab sau txog 10 yam uas koj yuav txiav txim siab ua lub neej fij pub rau Vajtswv nyob rau hauv xyoo tshiab no. Muab daim ntawv ntawd tso rau ib thaj chaw uas koj yuav ntsia pom txhua hnub kom ntuas rau koj nco txog tib qhov haujlwm. Nco ntsoov tias Vajtswv nyob rawv ntawm koj ib sab, thiab Vajtswv yuav pab kom koj ua tiav tej yam uas Vajtswv tau hu koj.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply