Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
Txhua tus neeg uas nyob hauv lub ntiajteb no lossis yog Yexus Khetos li, lossis nyob tog uas tawm tsam Yexus Khetos. Tus neeg uas yog Vajtswv li ces yuav tau tso dim ntawm txoj kev txiav txim rau tej kev txhaum, tau xaiv los ua tus neeg txais qub txeeg qub teg raws li Vajtswv txoj kev npaj tseg lawm. Ntawd yog tus neeg uas tau ywj pheej mus rau ntawm qhov kaj, hauv txoj kev hlub zoo kawg nkaus, ntawm Leej Txiv lub homphiaj thiab lub siab nyiam zoo kawg nkaus.
Hnub no, yog hnub 12/12/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Martha Noebe dhau ntawm Zaj kawm TUS NEEG UAS YOG KHETOS TUG
“Nej cov los kuj ib yam li peb thiab. Thaum nej tau hnov Txojmoo Zoo uas yog txojlus tseeb uas cawm tau kom nej dim nej lub txim, nej thiaj ntseeg Yexus Khetos. Vajtswv pub Vaj Ntsujplig tus Dawbhuv rau nej raws li nws tau coglus tseg rau nej lawm. Vaj Ntsujplig tus Dawbhuv ntawd yog lub homthawj uas Vajtswv nias rau nej. Vajtswv ua li ntawd yog qhia rau nej paub hais tias nej yog Vajtswv haivneeg lawm. Qhov uas Vajtswv pub Vaj Ntsujplig tus Dawbhuv rau peb ntawd yog ib qho tseemceeb uas qhia rau peb paub hais tias peb yuav tau tej uas Vajtswv tau coglus lawm hais tias, Vajtswv yuav muab pub rau nws haivneeg. Thiab qhia rau peb paub hais tias Vajtswv yuav cia nws cov neeg tau nyob ywjpheej. Peb cia li qhuas Vajtswv tus uas muaj tshwjchim (Efexaus 1:13-14).
Kuv ntshaw txoj kev xav sau txog lub ntsiab lus hais txog tus neeg uas yog Yexus Khetos li, tom qab ntau zaug thov Vajtswv ces Vajtswv xav kom kuv nyeem Efexaus thiab tawm tswv yim sau cia. Tshooj 1 yog tshooj uas hais meej meej txog tus cwjpwm ntawm tus neeg uas yog Yexus Khetos li.
Tom qab cov lus qhib thawj txog phau Efexaus nqe 1-2 tus sau nws sau ntxiv tias:
“Peb thov Vajtswv tus uas yog peb Leej Txiv thiab tus Tswv Yexus Khetos foom koob hmoov rau nej thiab pub kom nej tau nyob kaj siab lug. Peb cia li ua Vajtswv tus uas yog peb tus Tswv Yexus Khetos Leej Txiv tsaug! Vim peb nrog Yexus Khetos koom ib txojsia, Vajtswv thiaj li foom ib puas tsav yam koob hmoov saum ntuj ceebtsheej los rau peb. Thaum tsis tau tsim ntuj tsim teb, Vajtswv twb xub xaiv peb los nrog Yexus Khetos koom ib txojsia thiab los ua Vajtswv haivneeg lawm. Vajtswv ua li ntawd, mas peb cov uas Vajtswv niaj hnub tsomkwm thiaj yuav ua tau neeg zoo kawg nkaus tsis muaj ib qho txhaum tabmeeg Vajtswv li.
Vim Vajtswv hlub peb, Vajtswv thiaj xub xav tseg lawm hais tias Vajtswv yuav txib Yexus Khetos los coj peb mus ua Vajtswv cov menyuam. Qhov ntawd haum Vajtswv siab thiab raws li Vajtswv tau xav tseg lawm. Peb cia li qhuas Vajtswv tus uas hlub peb. Vim peb ntseeg Vajtswv, Leej Tub tus uas nws hlub kawg nkaus, mas Vajtswv thiaj pub nws txoj koob hmoov dawb dawb rau peb. Vim Yexus Khetos tuag txhiv peb lub txim, Vajtswv thiaj zam txim rau peb. Vajtswv txojkev hlub loj kawg li. Vajtswv txoj koob hmoov uas Vajtswv pub rau peb ntau nplua mias ntawd zoo kawg nkaus li!
Vajtswv tus uas muaj tswvyim thiab paub ib puas tsav yam, tau txib Yexus Khetos los ua kom Vajtswv tes haujlwm tiav raws li Vajtswv twb xub xav tseg lawm. Txij thaum ub los Vajtswv tsis tau qhia tes haujlwm ntawd rau leejtwg paub, tiamsis nimno nws twb qhia rau peb paub lawm. Tes haujlwm uas Vajtswv yuav ua kom tiav ntawd, yog qhov uas Vajtswv yuav coj ib puas tsav yam uas Vajtswv tau tsim los lawm, tsis hais tej uas nyob saum nruab ntug thiab tej uas nyob hauv ntiajteb los nyob ua ke, thiab Vajtswv yuav tsa Yexus Khetos ua ib puas tsav yam ntawd tus thawj. Thaum txog lub sijhawm uas Vajtswv teem cia lawm, Vajtswv yuav ua li ntawd. Vajtswv twb xaiv peb cov uas nrog Yexus Khetos koom ib txojsia los ua Vajtswv haivneeg raws li Vajtswv twb xub xav tseg thaum tsis tau tsim lub ntuj thiab lub ntiajteb los lawm. Vajtswv ua li ntawd, rau qhov Vajtswv yeej ua ib puas tsav yam raws li Vajtswv porn zoo thiab raws li Vajtswv twb xub xav tseg lawm. Yog li ntawd peb cov uas twb xub tso siab rau Yexus Khetos, peb cia li qhuas Vajtswv tus uas muaj tshwjchim. Nej cov los kuj ib yam li peb thiab. Thaum nej tau hnov Txojmoo Zoo uas yog txojlus tseeb uas cawm tau kom nej dim nej lub txim, nej thiaj ntseeg Yexus Khetos. Vajtswv pub Vaj Ntsujplig tus Dawbhuv rau nej raws li nws tau coglus tseg rau nej lawm. Vaj Ntsujplig tus Dawbhuv ntawd yog lub homthawj uas Vajtswv nias rau nej. Vajtswv ua li ntawd yog qhia rau nej paub hais tias nej yog Vajtswv haivneeg lawm.”
Tej nqe Vajluskub no ua rau peb pom tias peb yog tus uas Vajtswv tsim los zoo kawg nkaus thiab Vajtswv muaj homphiaj zoo tseg rau peb.
Vajtswv txojlus nthuav tawm qhia rau peb paub tias Yexus Khetos twb them ib tug nqi kim heev rau peb. Yog li peb thiaj tau tso dim ntawm qhov nuj nqis qub lawm. Yog li no, thaum ntseeg Yexus Khetos, peb tau ywj pheej mus hauv txoj kev ywj pheej thiab txais tau txoj kev hlub nplua mias los ntawm Vajtswv los. Thaum ntseeg Yexus, peb txais tau kev ywj pheej thiab txais tau txoj kev hlub nplua mias los ntawm Vajtswv los. Thaum ntseeg Tswv Yexus, peb txais tau kev ywj pheej mus ntawm qhov kaj hauv txoj kev hlub zoo, los ntawm Vajtswv lub homphiaj zoo kawg nkaus. Tsis tas li ntawd, Vajtswv tseem cog lus yuav nthuav tawm rau peb paub txog qhov uas vim li cas peb tau tsim los thiab ua yam zoo uas Vajtswv twb npaj tseg rau peb lawm.
Yog ib txoj koob hmoov zoo kawg li puas yog? Yog ib txoj koob hmoov zoo thaum uas Vajtswv qhia rau peb paub tias peb tau nias cim los ntawm Vaj Ntsujplig raws li tej lus tau cog tseg peb muaj kev ywj pheej nyob hauv Nws. Yog li, thaum ntseeg Tswv Yexus ces peb yuav tsis ntshai tiamsis tau txais koob hmoov thaum nrog tus Tswv mus.
Vajtswv txojlus hnub no coj qhov tseeb zoo kawg nkaus los qhia rau peb paub tias Vajtswv xav kom peb txais tau txoj kev hlub zoo kawg nkaus uas Vajtswv tus tub tau muab pub, yog Yexus Khetos tau tuag them peb saum Ntoo Khaub Lig. Yog li, nyob hauv peb lub neej txhua hnub uas nrog tus Tswv mus ua ke Vajtswv yeej ua koob ua hmoov rau peb txawm yog muaj ntau zaug peb tsis pom txog qhov no.
Ua Vajtswv tsaug vim Vajtswv pab rau kuv pom txog kuv lub homphiaj ua neej nyob hauv ntiajteb no. Ua Vajtswv tsaug vim txhua yam uas Vajtswv tau ua pub rau kuv. Yog li kuv ntseeg tias yus yog Yexus Khetos li. Yog li kuv thiaj hnov qab txhua yam uas tau muab kuv khi cia kom nkag mus rau hauv txoj koob hmoov loj uas Vajtswv tau hu kuv mus cuag Vajtswv.
Thov caw nrog kuv peb thov Vajtswv ua ke
Ua Vajtswv tsaug vim thaum chivkeeb los Vajtswv tau xaiv kuv thiab cawm kuv thaum ntseeg koj thiab tau dhau los ua Vajtswv koj menyuam nyob hauv Vajtswv tsev neeg. Thov Vajtswv pab kom kuv nthuav tawm kuv yog tus neeg uas yog Yexus Khetos li nyob hauv txhua txoj kev xav, lo lus hais thiab tej haujlwm ua txhua hnub. Thov Vajtswv pab kom kuv ua tim khawv txog tej yam uas Vajtswv tau ua nyob hauv kuv lub neej pub rau tej neeg ib ncig uas paub txog Koj. Kuv thov hauv Tswv Yexus Khetos lub npe. Amees.
Cov kwv tij txhua tus, koj puas xav kom txais tau txoj koob hmoov nplua mias uas Vajtswv pub rau koj? Yam koj yuav tau ua yog cia li ntseeg Tswv Yexus. Thaum ntseeg Tswv Yexus ces peb yuav dhau los ua ib tug nyob hauv Vajtswv tsev neeg. Tseeb tiag peb yog Vajtswv cov menyuam thiab Vajtswv hlub peb kawg nkaus. Cia li qhuas Vajtswv rau txhua yam uas Vajtswv tau ua nyob hauv peb lub neej.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj
Leave a Reply