Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
“Nrog tus Tswv mus” – mloog cuag li zoo heev puas yog? Ntau zaug tseem muaj yam uas tsis muaj neeg paub thiab! Yog koj yog ib tug neeg nyiam nrhiav kev mus rau ub rau no, tej zaug koj yuav tswj tsis tau tus kheej thaum hnov txog qhov no. Yog li koom siab ua ke nrhiav saib txoj kev no nws zoo npaum li cas!
Hnub no, yog hnub 13/01/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Terry Meeuwsen dhau ntawm Zaj kawm NROG TUS TSWV MUS RAU TOM MOJ SAB QHUA
“Kuv tib leeg thiaj paub tej uas kuv npaj yuav ua rau nej, kuv yuav pab kom nej vammeej tsis yog ua kom nej puastsuaj, nej thiaj muaj kev cia siab rau yav tom ntej”. (Yelemis 29:11)
“Nrog tus Tswv mus” tej zaug yog mloog raws li Vajtswv ua tus coj kev kom txais tau ib tes haujlwm tshiab. Tej zaug koj tau Vajtswv hu kom nkag mus rau hauv ib txoj haujlwm tshiab, lossis hloov mus nyob rau ib qhov chaw tshiab. Tej zaug Vajtswv cob rau koj muaj caijnyoog saib xyuas ib lub rooj kawm Vajluskub, lossis saib xyuas cov neeg uas tab tom cheem tsum kev pab. Tej zaug Vajtswv kuj tshoov siab kom koj kho zoo tej neeg muaj kev tu siab nyob hauv lawv tsev neeg lossis lawv tej phooj ywg.
Tiamsis tsis yog tias thaum twg txoj kev nrog tus Tswv mus twb yuav ua rau koj muaj kev zoo siab lossis muaj lub zog pub rau koj. Ntau zaug Vajtswv coj peb mus rau hauv tej txoj kev uas peb tsis nyiam thiab ua rau peb xav tsis thoob. Txoj kev ntawd tej zaug yuav pib los ntawm tej kev puas tsuaj, tsis muaj kev ncaj ncees, muaj mob muaj nkeeg, txoj kev sib hlub muaj kev tu siab. Ntawd ces yog tom roob moj sab qhua uas Vajtswv siv los cob los qhia peb, tsim kom muaj tus cwjpwm zoo rau peb, yog tias peb thooj yim nrog tus Tswv mus. txoj kev no yuav khwv heev tiamsis tej uas peb txais tau los yuav muaj nqis heev.
Thaum no, kuv tus phooj ywg ib niam txiv nkawd tau saj dhau qhov no. Tus mob ung thư ua rau nkawd phua mus phua los nyob rau hauv tsev tshuaj. Tsis tas li ntawd, ntawm no tseem yog txoj kev mob siab, txoj kev puas tsuaj, tawm tsam kom muaj sia ua neej nyob, nrog txoj kev ntshai thiab tsis muaj kev kaj siab.
Leej twg ho yog tus kam nkag rau hauv txoj kev zoo li ntawd? Tiamsis kuv thov ua tim khawv txog tej yam zoo nyob rau tom “roob moj sab qhua” tau tshwm nyob hauv nkawd lub neej. Ntawm no yog qhov uas nkawd saj tau tias Vajtswv nrog nraim nkawd txhua lub sijhawm, yog txoj kev ntseeg siab rau Vajtswv yog tus zoo thiab ua raws li Vajtswv tej lus cog tseg (Koj tsuas saj tau qhov no thaum koj tau cob rau hauv lub qhov cub sim siab xwb”. Ntawm no yog txoj kev hlub thiab kev tab ncuab tseg rau yus tus txij nkawm; thaum kawg yog txoj kev kaj siab – kev kaj siab tiag nyob hauv nthwv cua daj cua dub.
Nkawd tsis yog tsuas tau tso dim ntawm txoj kev mob sab nqaij tawv xwb tiamsis tseem tau Vajtswv coj nkawd mus rau ib theem siab dua txoj kev mob thiab rub nkawd tes hla dhau tej kev sim siab ntawd. Yaxayas 40:31 hais txog Vajtswv tej lus cog tseg pub rau cov neeg uas tab tom ntsib kev txomnyem:
“tiamsis cov neeg uas cia siab ntsoov rau tus Tswv yuav muaj zog, lawv yuav nthuav tis ya ib yam li tus dav. Thaum lawv khiav lawv yuav tsis qaug zog, thaum lawv mus kev lawv yuav tsis tsaug leeg”.
Vajluskub qhia txog ntau zaj xwm txheej hais txog cov neeg muaj kev ntseeg, cuag li txhua tus puav leej saj tau ntu kev nyob tom roob moj sab qhua uas Vajtswv siv los cob los qhia kom dhau los muaj nqis pub rau Vajtswv. Kuv nyiam tshaj plaws yog zaj xwm txheej hais txog Yauxej. Yawg raug nws cov tijlaug muag mus ua qhev, raug nws tus tswv tsev iab liam, raug ntes coj mus kaw, thiab raug cov neeg uas nws pab hnov qab nws. Tiv tej ntawd tau 13 xyoo, Yauxej tsis tau muaj ib zaug twg yuav hais ib lo lus yws lossis cem Vajtswv. Koj rov qab nyeem zaj xwm txheej no nyob hauv Chivkeeb tshooj 37 txog 47. Tom qab ntau xyoo nyob rau tom roob moj sab qhua, Yauxej kawm txoj kev txo hwjchim, mloog lus, ua siab ntev nrog rau paub ris tus kheej lub nra. Thaum txog Vajtswv lub sijhawm, yawg thiaj tau muab tsaws mus ua tus saib xyuas tag nrho teb chaws Iziv, cawm tag nrho cov pej xeem Iziv thiab yawg tsev neeg dim kev tshaib nqhis.
Koj yuav tau ua dabtsi kom muab koj lub moj sab qhua ntawd pauv los ua ib txoj kev nrog tus Tswv mus? Ua ntej yuav tau cim kom nco nqe Vajluskub no rau hauv koj lub hlwb – Loos 8:28
“Peb paub hais tias peb cov uas hlub Vajtswv, txawm yog peb tau zoo thiab txomnyem los Vajtswv yuav ua kom tej ntawd muaj nqis rau peb cov uas Vajtswv porn zoo hu los raws li Vajtswv npaj tseg lawm.”
TAG NRHO txhua yam – txawm yog tej kev sim siab thiab koj tej kev ntxhov siab tib si.
Yog li phooj ywg, ntseeg siab rau Vajtswv txawm yog koj tab tom daig rau tom moj sab qhua qhuav qhawv. Ntseeg tias Vajtswv twb npaj txhij rau koj ib txoj kev zoo dua, thiab yuav coj koj mus ntawm lub moj sab qhua no mus rau thaj chaw cog lus tseg uas ci ntsa iab lawm.
Thov caw nrog kuv peb thov Vajtswv ua ke.
Kuv ua Koj tsaug Vajtswv koj tau nrog nraim kuv thaum kuv lub neej zoo thiab muaj kev sim siab tib si. Nyob rau tom roob moj sab qhua hauv kuv lub neej, kuv saj tau koj txoj kev ncaj ncees tshaj txhua yam. Thov Vajtswv pab kom kuv muaj kev cia siab rau ntawm koj lub homphiaj thiab koj txoj kev npaj zoo kawg nkaws tseg rau kuv. Kuv thov hauv Tswv Yexus Khetos lub npe. Amees.
Cov kwv tij sawv daws,
Cia li muab txhua yam fij rau Vajtswv thiab tos Vajtswv. Koj tab tom tau Vajtswv cob – Vajtswv qhia rau Vajtswv tes haujlwm. Cia li kawm los ntawm tej kev sim siab ntawd.
Muab txhua lub “hwjchim”, txhua lub tswv yim, txhua txoj kev ua xyem xyav pub rau Vajtswv. Vajtswv tsis muaj ib zaum twg yuam kev li.
So twjywm hauv Vajtswv – vam khom rau ntawm Vajtswv thiab cia Vajtswv ntxiv zog rau koj los ntawm Vajtswv lub zog loj.
Ntseeg siab rau Vajtswv lub sijhawm – Vajtswv ua tau txhua yam. Vajluskub Yelemis 29:11 hais meej meej tias:
“Kuv tib leeg thiaj paub tej uas kuv npaj yuav ua rau nej, kuv yuav pab kom nej vammeej tsis yog ua kom nej puastsuaj, nej thiaj muaj kev cia siab rau yav tom ntej”.
Nyob ze Vajtswv, ces koj lub roob moj sab qhua ntawd yuav dhau los ua ib txoj kev nrog tus Tswv mus ua ke!
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply