Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
Qhov khoom plig muaj nqis tshaj uas peb xav hais txog txhua xyoo thaum txog koob tsheej Yexus yug yog Tswv Yexus. Ntawm no yog lub caij tseg rau peb txhua tus xa txoj kev hlub thiab qhia rau lawv paub txog Tswv Yexus qhov khoom plig cawmdim uas Tswv Yexus coj los rau txhua tus. Qhov khoom plig uas Vajtswv tseg rau txhua tus uas kam ntseeg thiab txais yuav Nws ua lawv tus Tswv hauv lawv lub neej.
Hnub no, yog hnub 22/12/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Aaron Little dhau ntawm Zaj kawm QHOV KHOOM MUAJ NQIS TSHAJ
“Hnub no nej tus Cawmseej twb yug los rau hauv Daviv lub nroog lawm, nws yog Khetos uas yog tus Tswv”. (Lukas 2:11).
Txhua xyoo thaum txog koob tsheej Tswv Yexus yug, peb yuav nrhiav yuav tej qhov khoom plig zoo kawg nkaus los sib pub rau tej phooj ywg, tej neeg txheeb ze. Ntawm no yog lub sijhawm tseg rau peb ib leeg nthuav qhia txoj kev hlub rau ib leeg. Qhov uas peb muab khoom siv pub nyob rau hauv koob tsheej yog yam uas txhua tus puav leej ua nyob rau hauv txhua tsev neeg. Thiab peb tsev neeg kuj yuav tau ua thiab.
Thaum tseem me, kuv txiv mus ua haujlwm txhua qhov nyob hauv ntiajteb no. Thaum rov qab los, yawg yuav tej khoom plig los pub rau kuv niam piv txwv li yuav lub teeb zoo nkauj lossis cov ntim nyob tebchaws Châu Phi los ua khoom plig rau koob tsheej pub rau kuv niam. Niam qhib saib tej khoom uas kuv txiv yuav deb deb los.
Tom qab ntau xyoo muab khoom plig pub rau kuv niam ces kuj muaj tej lub sijhawm txiv hnov ua nra nyhav thaum tsis paub yuav yuav yam khoom dabtsi. Xyoo ntawd, thaum tab tom tuaj mus rau tebchaws Á Châu, txiv mus cuag ib tug kos duab thiab yuam kom yawg kos ib daim duab txog niam thiab txiv loj li 2m*3m yog ib daim duab me me tso rau hauv txiv lub hnab nyiaj. Ntawm no yog ib qhov haujlwm nthuav tawm txoj kev hlub, yog tias txiv cim civ kos rau hauv ntawd. Tiamsis thaum kawg ho tsis zoo li lub siab xav.
Thaum txais tau qhov khoom plig no, kuv niam tag kev cia siab vim daim duab uas tus kws ntawd tau kos. Raws li kuv xav mas ntshai niam yuav zoo siab heev thaum uas pom qhov khoom plig uas kuv txiv muab pub rau niam thaum nkawd ua neej tau 16 xyoo ua ke. Tiamsis teeb meem tau tshwm tuaj.
Nyob ntawm kuv tus kheej, kuv xav tias daim duab no yeej tsis muaj dabtsi phem. Tiamsis qhov tseeb tiag, kuv niam ho pom tias daim duab no yog ib yam tsis zoo. Niam saib niam tsis zoo li tus neeg nyob hauv daim duab uas luag tau muab kos. Vim tseem tshuav ntau yam yuav tau npaj rau koob tsheej yog li peb sawv daws cia li hnov qab daim duab ntawd. Hnub tom qab wb ob kwv tij mus nrhiav tiamsis tsis pom daim duab ntawd lawm. Nws dua twg lawm. Daim duab no tau dhau los ua ib qhov keeb kwm nyob rau hauv peb tsev neeg tau ntau xyoo. Yog li thaum kawg txiv txoj kev muab khoom plig pub rau niam dhau los tsis muaj qab hau.
Thaum xav txog qhov uas muab khoom plig sib pub ua rau kuv nco txog koob tsheej yog lub sijhawm tseg rau peb txais yuav qhov khoom plig muaj nqis uas tsis muaj ib zaum twg yuav ua rau peb tag kev cia siab.
Vajtswv txojlus nyob hauv Lukas 2:11 coj ib qhov khoom plig zoo rau peb uas peb yuav txais tau yog: “Hnub no nej tus Cawmseej twb yug los rau hauv Daviv lub nroog lawm, nws yog Khetos uas yog tus Tswv”.
Peb npaj lub koob tsheej Tswv Yexus los yug yog ntuas kom peb nco txog tej haujlwm uas Tswv Yexus tau los rau hauv lub ntiajteb no ua tus Cawm Seej rau lub ntiajteb. Dhau ntawd, Vajtswv tseem pub qhov khoom plig loj tshaj rau tag nrho tib neeg ntiajteb uas yog Tswv Yexus. Tsis tas li ntawd, thaum peb ntseeg Tswv Yexus thiab Nws lub hwjchim, Nws txoj kev tuag saum Ntoo Khaub Lig zam txim rau peb tej kev txhaum ces peb rov qab muaj txoj kev sib raug zoo ua ke ib txhis nrog Vajtswv.
Yog ib qho tseeb tau sau tseg nyob hauv Yauhas 3:16 tias: “Rau qhov Vajtswv hlub neeg ntiajteb kawg li, nws thiaj txib nws tib Leeg Tub los rau hauv ntiajteb. Tus uas ntseeg nws Leej Tub, tus ntawd yuav tsis tuag, tiamsis yuav tau txojsia ntev dhawv mus ibtxhis”.
Yog li txawm yog peb yuav tsis muaj sijhawm maj nroos mus nrhiav tej qhov khoom zoo rau cov neeg uas yuav txais peb cov khoom los nco ntsoov qhov khoom muaj nqis tshaj uas Vajtswv muab pub rau peb txhua tus. Tseg sijhawm los ua timkhawv qhia txog qhov khoom no pub rau tej neeg ib ncig.
Tig rov qab los rau peb tsev neeg, ntau xyoo dhau los, daim duab qub qub uas tau kos niam thiab txiv nkawd ho nrhiav pom nyob hauv tsev. Txawm yog tsis yog qhov khoom zoo tshaj los ntawm no yog ib qhov khoom pab kom peb tig lub siab no mus rau ntawm Vajtswv qhov khoom uas muaj nqis tshaj thiab nyob mus ib txhis Vajtswv tau muab pub rau peb.
Thov caw nrog kuv peb thov Vajtswv ua ke:
Ua tsaug Vajtswv vim koj txoj kev hlub loj uas koj tseg rau cov tib neeg ntiajteb uas tab tom tsau tsawv rau hauv txoj kev txhaum thiab tseem muaj kuv nyob rau hauv. Ua Vajtswv tsaug vim Vajtswv muab qhov khoom plig uas muaj nqis tshaj yog Tswv Yexus pub rau kuv kom dhau ntawm Tswv Yexus kuv rov qab muaj kev sib raug zoo ua ke nrog koj dua. Thov Vajtswv pab kom kuv ua lub neej yog raws li qhov khoom plig uas koj pub thiab ua tim khawv qhia txog qhov khoom plig tsis muaj nqi no rau tej neeg ib ncig kuv. Kuv thov hauv Tswv Yexus Khetos lub npe. Amees.
Cov kwv tij txhua tus, qhib siab los txais yuav qhov khoom plig uas tsis muaj nqi los ntawm Vajtswv los. koob tsheej xyoo no, tseg sijhawm los xav txog Vajtswv txojlus thiab Vajtswv tej lus cog tseg nyob hauv koj lub neej. Kom thiaj yuav saj tau Vaj Ntsujplig lub hwjchim nyob hauv koj lub neej. Tseg sijhawm los ua timkhawv qhia txog qhov khoom plig no rau tej neeg ib ncig kom koj lub neej kuv yuav puv npo Vaj Ntsujplig tej paj txiv: Sib hlub, zoo siab, kaj siab, ua siab ntev, nyiaj taus txhua yam, siab zoo, ncaj ncees, siab mos siab muag thiab tswj tus kheej.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply