Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
Tws kev, tag kev cia siab tshwm sim tuaj thaum uas peb tsom ntsoov rau peb tus kheej lub zog thiab tej yam uas peb ua tsis tau. Tiamsis thaum peb tsom ntsoov rau ntawm Vajtswv peb yuav pom txog peb muaj nqis nyob hauv Vajtswv thiab saj tau Vajtswv lub hwjchim ua tus saib xyuas peb. Vajtswv yog tus ntxiv zog rau peb thiab txhua yam peb ua puav leej yog Vajtswv ua tus muab pub.
Hnub no, yog hnub 24/02/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kimberly Poteet dhau ntawm Zaj kawm TUS NTXIV ZOG RAU PEB
“Peb zoo li lub laujkaub av uas luag muab tej yam muaj nqis ntim rau hauv, kom sawvdaws thiaj porn lub hwjchim uas loj kawg nkaus uas yog Vajtswv lub, tsis yog peb lub” (2 Kauleethaus 4:7)
Kuv saib ntsoov rau ntawm lub máy tính tiamsis kuv yeej nrhiav tsis tau tawm ib lo lus twg los sau rau hauv.
Yam dabtsi tau tshwmsim los raug rau kuv? Yav dhau los kuv muaj ntau lub tswv yim los sau ntawv tiamsis ua cas thaum no yuav nyuaj ua luaj li.
Qhov no ua rau kuv poob sijhawm ntau teev lossis ntau hnub thiaj muaj tswv yim los ua ntxiv kuv txoj haujlwm sau ntawv rau saum máy tính. Tseeb tiag, kuv cheem tsum sijhawm ntau los txuas tej tswv yim ntawd ua ke.
Thaum uas kuv ntsib dhau tej lub sijhawm zoo li ntawd, kuv hnov tag kev cia siab vim qhov haujlwm ntawd saib cuag li yooj yim tiamsis ho dhau los nyuaj rau kuv.
Kuv txoj kev kawm nyob hauv tsev kawm qib siab yog kawm ua tus sau xov xwm. Sau xov xwm yog kuv txoj haujlwm. Tiamsis muaj ntau zaug qhov uas muaj ntau lub tswv yim os txuas ua ke kom sau tau ib zaj xov xwm zoo yog ib qhov haujlwm uas nyuaj kawg nkaus. Qhov no kuj zoo ib yam li tus puab tsev nws yuav muab cov txiag ntoo coj los dhos tsis tau ua ke.
Kuv yeej tseem nco kuv pib nyiam sau xov xwm thaum kuv tseem kawm trung học. thaum kuv kawm txog qib rau, kuv nyeem kuv zaj xov xwm rau sawv daws kuv pom tias kuv cov phooj ywg lawv puav leej ua tib zoo mloog txhua lo lus kuv nyeem. Kuv nres ib pliag vim kuv pom tias kuv xav tsis thoob thaum uas muaj neeg coob coob zaum mloog kuv li ntawd. Tas tom qab tus qhia ntawd kom kuv nyeem ntxiv tas nws hais tias “koj zaj uas koj sau tau zoo heev”.
Thaum uas peb nrhiav tau peb lub peev xwm nyob rau hauv lub neej no peb yuav ua tas peb lub zog kom siv tas lub peev xwm ntawd. Tiamsis tej zaug peb yuav tsis nco Vajtswv tshav ntuj lossis tsis thov Vajtswv coj peb kev kom siv lub peev xwm ntawd. Tom qab uas tag kev cia siab txog kuv tej tswv yim uas kuv tau sau xov xwm kuv pom tias txhua lub peev xwm uas peb muaj peb yuav tau thov Vajtswv ua tus pab peb thiab siv kom tau lub peev xwm ntawd rau Vajtswv lub homphiaj ib txhis.
Vajtswv txojlus sau nyob hauv Khiavdim 36:1-2 sau txog ob tug yawg muaj lub npe hu ua: Npexalees thiab Auhauli-as yog ob tug uas txawj ua yam ub yam no tau Vajtswv pub rau muaj tswv yim thiab nkag siab yuav pab ua kom tiav Vajtswv lub tuamtsev raws li tej uas Vajtswv tau samhwm tseg.
Mauxes kom nkawd thiab lwm tus pab rau hauv tes dejnum ua Vajtswv lub tsev ntaub.
Lub npe Npexalees hauv lus henplais muaj lub ntsiab tias “nkaum hauv Vajtswv sab tis”. Yawg thiab lwm tus uas txawj ua tau ua Vajtswv lub tsev ntaub thiab tseem tso tej khoom dawbhuv rau hauv lub phijxab cog lus tseg.
Thaum uas xav txog qhov no, kuv yeej xav tsis tawm txog qhov uas lawv ua li cas kom ua tiav lub tuam tsev ntaub thiab muab kub coj los pleev rau. Thaum lub phijxab tau ua tiav Vaj Ntsujplig nyob hauv ces yeej tsis muaj leej twg tau cai chwv txog yog chwv ces yuav tuag xwb ntag.
Yog tias peb kuj tau cob ua ib teg haujlwm dawbhuv zoo li ntawd peb yuav tau ua tib zoo mloog Vajtswv txhua lo lus taw kev. Peb tsis txhob ua dhau lossis hloov pauv ib lo lus txib twg. Peb txhua txoj kev siv zog yog tseem ceeb thiab muaj nqis ntawm Vajtswv xub ntiag.
Ua ntej yuav rov qab mus saum ntuj, Tswv Yexus samhwm rau peb yuav tau tshaj tawm Txojmoo Zoo thiab coj neeg los ua thwjtim raws li tej lus tau sau nyob hauv Mathais 28:16-20.
Vajtswv txojlus nyob hauv 2 Kauleethaus 4:7 ntuas kom peb nco ntsoov tias peb yog lub laujkaub av nyob hauv Vajtswv txhais tes kom nthuav tawm Vajtswv lub hwjchim saum ntuj.
“Peb zoo li lub laujkaub av uas luag muab tej yam muaj nqis ntim rau hauv, kom sawvdaws thiaj porn lub hwjchim uas loj kawg nkaus uas yog Vajtswv lub, tsis yog peb lub”
Thov caw nrog kuv peb thov Vajtswv ua ke.
Kuv ua koj tsaug vim txhua txoj koob hmoov uas kuv muaj puav leej yog koj muab pub kom kuv ua tiav koj tes haujlwm zoo kawg nkaus uas koj tau muab cob rau kuv. Vajtswv,, thov Vajtswv ntxiv zog rau kuv, pab kom kuv ua tau raws li lub peev xwm uas koj pub thiab siv tag nrho tej uas kuv muaj los ua koj dejnum. Kuv thov hauv Tswv Yexus Khetos lub npe. Amees.
Cov kwv tij txhua tus, peb ua tau txhua yam yog Vajtswv ua tus ntxiv zog rau peb. tus cwjpwm nco Vajtswv tshav ntuj, txaus siab rau tej uas Vajtswv pab peb yuav zoo siab txhua hnub nyob hauv ntiajteb no. Cia li txo hwjchim, ua siab mos muag thiab mloog Vajtswv. Txhua tes haujlwm peb ua thov Vajtswv ua tus coj thiab ntxiv zog rau peb kom peb ua tau lub teeb ci thiab ua rau Vajtswv tau koob meej.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply