Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
Txiv neej lossis pojniam, lub neej txijnkawm, kev pw ua niam txiv ua ke, tua menyuam hauv plab… yog tej ntsiab lus uas yim hnub yim tau hais ntau nyob rau hauv tej kev tshaj xo nrog tej txoj kev xav mus tsis raws li hauv Vajluskub. Yog ib tug neeg ntseeg Vajtswv, koj yuav tiv thaiv koj txoj kev ntseeg zoo li cas? Yuav ua li cas kom peb thiaj yuav nres nroos tau rau ntawm qhov tseeb tiamsis tib txhij ntawd kuj nthuav tawm tau txoj kev hlub pub rau lwm tus raws li txoj kev txawj ntse uas Vajtswv txoj lus qhia?
Hnub no, yog hnub 26/01/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Wendy O’Rourke dhau ntawm Zaj kawm NTHUAV TAWM TXOJ KEV HLUB
“Peb paub thiab peb ntseeg hais tias Vajtswv hlub peb. Vajtswv yog tus uas muaj kev hlub; yog leej twg muaj kev hlub, tus ntawd yeej nrog Vajtswv sib raug zoo, thiab Vajtswv yeej nrog tus ntawd sib raug zoo” (1 Yauhas 4:16)
Wb ib niam txiv zaum noj mov ua ke ntawm chaw ua mov thiab sib tham txog sawv daws hauv tsev neeg. Kuv poj niam nws pom txawv tej uas Vajluskub qhia txog txoj kev kaus menyuam hauv plab, lub nej txijnkawm, thiab txiv neej pauv ua pojniam, pojniam pauv ua txiv neej. Tej zaug koj kuj muaj lub sijhawm siv cav heev txog tej teeb meem no nrog tej neeg txheeb ze hauv tsev neeg. yog ib txoj kev sim siab loj tshaj plaws thaum yuav tau nthuav tawm txoj kev hlub pub rau cov neeg uas tsis muaj kev xav zoo li peb. qhov tseeb tiag, muaj qee tus neeg mus pehawm hauv tuam tsev thooj yim txaus siab rau cov neeg uas tsis xav thooj li lawv thiab hais tias: “Koj mas yog tshuav Vajluskub yuam kev.”
Tej zaug lawv kuj tab tom xav txog yam uas Tswv Yexus tau hais tseg rau cov neeg uas nrog Nws mus ua ke nyob hauv Yauhas 13:34-35:
“Nimno kuv yuav muab ib txoj kevcai tshiab rau nej: Nej ib leeg yuav tsum hlub ib leeg ib yam li kuv hlub nej. Nej ib leeg yuav tsum hlub ib leeg. Yog nej ib leeg hlub ib leeg, sawvdaws thiaj yuav paub hais tias nej yog kuv cov thwjtim”
Yog cov ntseeg Tswv Yexus, wb ib niam txiv yeej zoo siab hlo nthuav tawm txoj kev hlub pub rau sawv daws kom lawv txais yuav Tswv Yexus thiab ntseeg pehawm Nws. peb nthuav tawm txoj kev thooj yim rau cov neeg uas tsis muaj kev xav zoo li peb lossis cov neeg uas ntxub peb. txawm li los, nthuav tawm lub siab hlub Vajtswv tsis tau txhais tias yog thooj yim thiab txais yuav tej kev xav lossis tej yam ua tsis yog raws li Vajtswv txojlus qhia.
Vim txoj kev hlub tiag yuav coj peb mus txog rau ntawm Ntoo Khaub Lig yog qhov chaw uas Tswv Yexus tuag theej rau sawv daws tej kev txhaum. Vim peb sawv daws puav leej tos tus Cawm Seej txawm yog peb muaj ib txhia kuj ntsib qhov teeb meem tias yus muaj ntsis xav txiv neej mus ua pojniam, pojniam xav los ua txiv neej, ua kom luag xav deev yus, quav yeeb, npau taws lossis dag lwm tus, hais lus thuam luag. Tag nrho tej no puav leej yog kev txhaum. Tiamsis ua Vajtswv tsaug vim los ntawm Tswv Yexus cov ntshav twb ntxuav tag nrho peb tej kev txhaum mus lawm. Vajtswv txojlus nyob hauv 2 Kauleethaus 5:21 coj ib lo lus cog tseg zoo kawg nkaus los pub rau peb:
“Yexus Khetos yeej ibtxwm tsis muaj txim, tiamsis Vajtswv muab peb lub txim rau nws ris. Vajtswv ua li ntawd kom peb cov uas nrog Yexus Khetos koom ib txojsia ua tau neeg ncaj ncees ib yam li Vajtswv yog tus uas ncaj ncees”
Yog li, muaj ntau zaug kuv xav tias kuv tab tom taug saum ib txoj hlua. Cuag li yus yuav tswj tsis tau kom tus thaum uas yuav tau paub qhov tseeb nyob hauv Vajluskub thiab kuj yuav tau nthuav tawm Vajtswv txoj kev hlub rau cov neeg uas tab tom nyob deb Vajtswv. Yog tias koj kuj muaj txoj kev xav zoo li kuv ces tsis txhob ua rau tej neeg txheeb ze thiab tej phooj ywg ib ncig koj muaj kev tu siab.
Dhau ntawm Vajtswv txojlus nyob hauv Vajluskub tseem qhia rau peb paub tias thaum peb hlub Vajtswv thiab nrog nws mus ua ke ces peb yuav tau them nqi. Mauxes tus kheej kuj saj tau qhov no thaum uas Vajtswv hu yawg tawm hauv qhov chaw tso siab thiab xaiv yawg los ua tus coj cov neeg Yixalayees dim ntawm txoj kev ua qhev nyob tim tebchaws Iziv. Tsis tas li ntawd, Yauhas Npatitus kuj them tus nqi kim los ntawm nws txojsia thaum uas nqua hu kom sawv daws tso kev txhaum tseg thiab kho kev rau Tswv Yexus.
Yog li txawm yog peb ntsib tej lub sijhawm muaj kev txomnyem los Tswv Yexus tej lus samhwm nyob hauv Lukas 12:11-12 kuj coj txoj kev txhawb zog los rau peb:
“Thaum lawv coj nej mus rau hauv tej tsev sablaj lossis coj nej mus cuag tej nomtswv, nej tsis txhob txhawj hais tias nej yuav hais daws nej zaj li cas. Rau qhov thaum ntawd Vaj Ntsujplig tus Dawbhuv yuav qhia rau nej paub hais tias, nej yuav hais li cas thiaj zoo.”
Thov caw nrog kuv peb thov Vajtswv ua ke.
Leej Txiv, thov pub lub hwjchim rau kuv kom kuv hais tau tej lus txawj ntse thaum kuv yuav nrog tej neeg ib ncig kuv sib tham yog cov neeg uas lawv tsis tau paub txog qhov tseeb uas hais txog koj. Thov txhawm kom puv nkaus koj txoj kev hlub uas koj tau muab pub rau kuv tseg rau lawv thiab kom lawv paub koj, txais yuav koj thiab ntseeg koj pehawm koj. Thov Vajtswv koj tiv thaiv kuv kom kuv ruaj khov nyob hauv koj txojlus kuv tsis raug yoj yees los ntawm ib puas tsav yam nyob ib ncig kuv. Kuv thov hauv Tswv Yexus Khetos lub npe. Amees.
Cov kwv tij txhua tus, thaum peb vam khom Vaj Ntsujplig, Vajtswv yuav pub kev txawj ntse rau peb kom peb ib leeg txhawb ib leeg nyob hauv txoj kev hlub. Vaj Ntsujplig yuav ua tus coj peb kev hauv txoj kev xav thiab txhua lo lus hais. Peb yuav tau thov Vajtswv pub lub hwjchim rau peb kom peb paub thiab ntseeg Vajtswv txoj kev hlub peb. Vajtswv yog kev hlub, leej twg nyob hauv kev hlub ces nyob hauv Vajtswv thiab Vajtswv yuav nyob hauv tus neeg ntawd.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply