Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
Puas tau muaj zaug hnov ntshai thaum uas nyob rau hauv qhov tsaus ntuj nti? Qhov kaj nws ua rau peb muaj kev tso siab, muaj kev cia siab thiab nws ci rau peb pom kev. Vajluskub qhia paub tias tus neeg ntseeg Vajtswv yog tus neeg tsis nyob hauv qhov tsaus ntuj tiamsis muaj qhov kaj uas yog txoj sia vim Tswv Yexus yog qhov kaj rau lub ntiajteb. Txoj kev uas nrog tus Tswv mus yog txoj kev uas ci qhov pom kev rau lub ntiajteb no.
Hnub no, yog hnub 29/01/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Pat Young dhau ntawm Zaj kawm UA NEEJ NYOB RAU QHOV KAJ
“Yav tas los nej yeej nyob hauv qhov tsaus ntuj, tiamsis nimno nej cov uas ntseeg Vajtswv, nej twb los nyob hauv qhov porn kev lawm. Yog li ntawd, nej yuav tsum ua nej lub neej kom phim qhov uas nej yog cov uas nyob hauv qhov porn kev” (Efexaus 5:8).
Tej zaug peb txhua tus puav leej ntsib qhov teeb meem tsis muaj hluav taws xob nyob hauv lub neej ib zaug txawm yog peb nyob hauv tsev, lossis nyob ntawm chaw ua haujlwm, tsev kawm ntawv lossis hauv tuam tsev. Kuv tus kheej kuj ntsib dhau qhov teeb meem no ntau zaug hauv lub neej vim muaj qee yam tshwmsim tuaj xws li muaj cua daj cua dub tshwm tuaj lossis hluav taws xob ntawm cov tsev ib ncig ho ua kub nyhiab. Yog li muaj qee hmo tsaus ntuj nti tsis pom kev li.
Thaum peb tsis muaj hluav taws xob peb yuav nyob tsaus ntuj nti. Vim tsis pom kev yog li peb thiaj ntsia tsis pom txhua yam kom meej. thiab yog peb tsis swm ib puas tsav yam ib ncig ces peb yuav ntsia tsis pom kev mus. ua neej nyob hauv qhov tsaus ntuj nti yog ib yam uas phem tshaj.
Yog hais tias hluav taws xob tsis ua cas, ces txhua lub teeb nyob hauv peb tsev yuav cig thaum tsaus ntuj. thaum ntawd peb yuav ntsia pom txhua yam. Tiamsis muaj ntau yam peb kuj tsis xav ntsia pom. Tej khoom siv nyob hauv tsev muaj nplua av puv nkaus yuav tau muab so kom huv si, plag tsev yuav tau cheb thiab so kom huv thiab tseem tshuav ntau yam ntxiv uas peb yuav tau ua. Tiamsis yuav zoo heev thaum peb nyob hauv qhov pom kev.
Nyob ntawm peb lub neej sab ntsujplig, ua ntej uas peb txais yuav Yexus Khetos thiab muab lub neej fij rau Vajtswv ces peb ua neej nyob hauv qhov tsaus ntuj. peb ntsia pom qhov pom kev los ntawm cov neeg ntseeg Vajtswv thiab ci Yexus Khetos qhov pom kev dhau ntawm lawv lub neej. Kuj yog los ntawm lawv tej lus ua tim khawv txog qhov uas vim li cas lawv thiaj ho dim taus hauv qhov tsaus ntuj ntawm txoj kev txhaum los mus nyob rau hauv ntawm Tswv Yexus qhov kaj thiab.
Nqe Vajluskub nyob hauv Yauhas 8:12 sau tias:
“Yexus rov hais rau cov Falixais hais tias, “Kuv yog qhov kaj rau neeg ntiajteb. Tus uas raws kuv qab yuav tsis taug txojkev uas tsaus ntuj nti, tiamsis nws yuav tau lub neej tshav ntuj nrig”.
Vajluskub qhia paub tias Tswv Yexus twb them txhua tus nqi rau peb tej kev txhaum ib zaug xwb txaus lawm. Tswv Yexus raug tuag thiab muab faus, txog hnub peb sawv rov qab los. thaum txais yuav Yexus thiab ntseeg Nws, peb yuav nyob hauv qhov pom kev thiab kuj dhau los ua ib lub hauv paus qhov kaj. Txawm yog peb ntsib lub sijhawm twg los peb kuj tsis txhob txhawj vim Tswv Yexus twb them ib zaug xwb txaus rau peb lawm. lub hauv paus qhov kaj ntawd yuav tsis muaj hnub tuag.
Yog tsis muaj qhov kaj peb yuav xuas dub mus li thiab rnhiav tsis tau kev tawm hauv qhov tsaus ntuj los. yog li peb cheem tsum Tswv Yexus qhov kaj ci rau peb lub neej.
“Yav tas los nej yeej nyob hauv qhov tsaus ntuj, tiamsis nimno nej cov uas ntseeg Vajtswv, nej twb los nyob hauv qhov porn kev lawm. Yog li ntawd, nej yuav tsum ua nej lub neej kom phim qhov uas nej yog cov uas nyob hauv qhov porn kev” (Efexaus 5:8).
Thov caw nrog kuv peb thov Vajtswv ua ke
Ua Tswv Yexus tsaug vim Koj tau los rau hauv lub ntiajteb no tuag theej kuv thiab pub rau kuv tau ua neej nyob hauv qhov kaj uas yog txojsia thiab tsis mus hauv qhov tsaus ntuj uas yog kev txhaum lawm. thov Vajtswv pab kom kuv ua lub teeb ci rau cov neeg uas tsis tau paub txog koj kom lawv kuj muaj sijhawm tau hnov txog koj thiab ntseeg koj. Kuv thov hauv Tswv Yexus Khetos lub npe. Amees.
Cov kwv tij txhua tus, txawm yog tamsim no koj tab tom ntsib qhov teeb meem twg los yuav tau nyob hauv Vajtswv uas yog qhov kaj thiab ci nws qhov kaj ntawd rau tej neeg ib ncig koj. Txawm yog koj yuav ntsib kab mob thiab pw saum txaj los kuj cia li qhuas Vajtswv thiab ua tim khawv txog tej koob hmoov loj uas Vajtswv ua nyob hauv koj lub neej. Cia li siv koj lub neej los ua Vajtswv haujlwm thiab ci qhov pom kev ntawd mus rau txhua qhov uas koj mus.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply