Tơnggumê: BOH LAM YAU

Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai.

Jơnau òs yau gơs oă bơta niam nàng prap mơ bơtê jat. Bulah behơ̆, broă jat ir jơnau òs yau gơs dơ̆ lam bol he tus hơ tiah kol hat hal, rôn bơklơn, gơlơh lơgah lơgañ mơ roh bơtt chò hòp tòm rài kis. Dơng mang rlau jơh jơnau òs yau la bơtê git nùs kòñ Yàng mơ kis jat jơnau bơtọ Kơnràñ dê.

Ngai do, ngai 27/01/2024, Bơtt Hòi Dan Kơp Ngai dan jà ală ồng mò oh mi bơtê bal Jơnau Yàng kơnòm dê bơta dong kơl mò Whitney Ballard dê bơh tơnggumê BOH LAM YAU

Poh lài, añ rcăng yò sa kah ngai deh dơ̆ 11 kòn klau añ in. Ơnih taih yò sa tòm đah bơdih hiu bol he dê tơn. Añ rcăng bơta kơnhơl coh ple mơ bơta hao trơm lơbơn nàng ală kòn dềt in kơnhơl. Añ yò ală phăn sao bălìa ngăn. Añ mìng roat dô ết bañ pizza mơ dô ết kem. Añ kung ò jà oă cau. Ming jà ồng mò bar đah hiu nhă mơ ală kơnòm dềt gut dar lòt tus sa.

Bulah behơ̆, añ kung gơlơh lơgah tài bơh pal rcăng jơh ală bơta. Digơlan añ hŭi rcăng òs jrêng kah ngai deh mơ bơta hơ̆ lơh añ in kơlôi rcăng. Añ pal lơh bơta rơndap rao jut hiu lòt tuh dih cau nàc in. Rlau tai añ kung kơlôi rcăng ò tơl ơnih nggui nàc in. Să tờm bơta kơlôi rcăng oă ir mơ kòñ wil tơl tòm jơh ală bơta gen tang bơta hơ̆ rgơi lơh roh bơta chò hòp tòm tŭ rcăng bơta yò sa in.

Mhô ngài or, nùs añ gơlơh bềng kơlôi rcăng. Añ yoam mơ hiu nhă ming bơh khai hŭi jà oh mi mơ hŭi cih bơntơl hơđang bañ kem. Tŭ ntao diđap ală bơta hơ̆, añ sền gŏ să tòm añ buôn lúi gơhao gơjrañ ò kwơ.
Bơh kơlôi rcăng ală broă ò pal cang ngan behơ̆ mơ lơh jat jơnau òs yau lơh añ in hŭi lah bơta lơi la gơs gơtha ngăn tòm bơta yò sa kah ngai deh kòn he in. Añ gơlơh bassìl tŭ añ lơh behơ̆.

Gen ngai lơh gơs kah ngai deh kòn añ in kung neh tus. Tŭ sền jơh dap 15 sră Mathiơ tòm àng drim gen Jơnau Yàng tơngkah añ bơh broă prăp jơnau òs yau.

Dap 15 sơntơm bơh cau Pharisi yă wơn ală cau bơtê Yàng Jesus ò dòn jat jơnau òs yau cau yau dê la rao tê lai mơ tŭ sa. Tơnơ̆ mơ kơnọ bol khai đơs behơ̆ gen Yàng Jesus đơs lah: “Ñchi bơh tài bol mê kung bơh jơnau òs yau bol mê dê mơ lơh tìs bơta sồr lam Yàng Tom Trồ dê taih?” (Mathiơ 15:3)

Tơm tòm dap 15 do, Yàng Jesus tơngkah cau Pharisi bơh broă boh lam jơnau òs yau ò tìa rlau mơ bơta boh lam mơ gơnoăr sôr Yàng Tòm Trồ dê. Ngăn behơ̆, să tòm Yàng Jesus tơngkah bol khai mơ bol he in kah lah bơta boh lam Yàng Tòm Trồ dê găm gơs lai rlau jơh mơ ală boh lăm mơ jơnau òs yau kònmơnùs dê hala kơp bơta lơi ndai broă kis jat jơnau òs yau in.

Să tòm Jơnau Yàng tòm dap 15 sră Mathiơ tơngkah añ in kah lah broă añ wet oă ir tus ală pơnah dềt lơh añ in roh pràn kơldăng să tòm dê. Rlau mơ hơ̆ broă lơh pơndềt să mơ dòn jat Jơnau Kơnràñ đơs bơtọ dơng mang rlau mơ ală kơp kòñ să tòm añ dê.

Gen tàng bol he pal sùm kơrhia tòm ală bơta he kơlôi mơ đơs: “Bol mê òhềt wă lah phan lơi mut tòm bơr gen mù tòm kơndul, mơ lik di tiah ò ơ? Mơya ală bơta lik bơh di bơr la gơlik bơh nùs, hơ̆ la bơta lơh ƀơ̆ ƀơl cau in.” (Mathiơ 15:17-18)

Dan jà bol he dô nùs bal tòm bơta hòi dan:
Ưnngai Yàng bơh jơnau Kơnràñ tơngkah kòn kah lah dòn bơr là niam rlau mơ phăn ơn duh khoai. Gơs dơ̆ bơh wet oă ir dê ală pơnah dềt mơ kòn hŭi broă dơp lêng bơta chò hòp mơ Yàng ai tòm rai kis. Dan Yàng dong kòn git sac rwah ală bơta pal cang lơh jat jơnau òs yau mơ sơwì wơl hơ Jơnau Yàng bơtọ nàng lơh niam nùs Yàng. Dan bơta kơlôi sơnưng mơ bung bơr kòn sùm đơs ală bơta lơh ang gơklŏ sơnđăn Kơnràñ . Kòn ai sơnđan Yàng Jesus Krist hòi dan mơ Yàng Bèp, Amen.

Ơ ală ồng mò oh mi kòñ gơboh, wet nùs tĕ tòm Jơnau Yàng, dòn jat jơnau Kơnràñ bơtọ mơ lơh jat Jơnau Yàng ala mơ kol kơt bơh ală jơnau òs yau bơh kònmơnùs dê bơtao gơs. Kis mơ lơh cơng tĕ bơh Kơnràñ mơ ală bơta mơ Kơnràñ ràng tơlik ồng mò oh mi in tòm Sră Goh nang ală cau òhềt git tus Kơnràñ rgơi dơp rò Kơnràñ mơ dòn duh Kơnràñ.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.