Tơnggume: BƠTA GƠ CHỒL JÒI JAT YÀNG

Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai.

Nchi bơtài he lòt tus mơ Yàng taih? Tus nàng bơt bơtào bơta tomklac mơ Yàng hala mìng tus nang jòi bàn bơta lơngai? Bơta bơtê ngai do la tu lơmpah he rgơi sền nùs nhơm he dê, sề dê bơta dờn he dê, nàng git loh lang nchi bơtài he jòi jat Yàng he dê.

Ngai do, ngai 15/12/2023, Bơta Hòi Dan Kòp Ngai hòi jà ồng mọ oh mi kơlôi sơnơng Jơnau Yàng bơh ồng Tony Evans bơh tơnggume BƠTA GƠ CHỒL JÒI JAT YÀNG

“Ñchi bơh tài bol mê hòi sơnđan Añ la ‘Yàng, Yàng!’ mơ ò lơh jat jơnau Añ sồr taih?” (‭‭Luka‬ ‭6‬:‭46‬)

Dilah bol he kờn git nchi bơtài gơs oă cau ờ đal git Yàng Tòm Trồ gam lơh oă tềl krơi tòm ală bơta he tìp gen bol he pal càng sền bar sèng Sră Goh tòm Jang 6:14-15, “Behơ̆ ală cau gŏ tềl krơi Yàng Jesu neh lơh, gen đơs lah: “Cau do ngan la cau gơnoar hwơr pal tus tòm dunnia.” Yàng Jesu git bol hơ̆ rơp tus bơtào bơklơn Kơnràñ lơh gơs bơtau, gen pleh hơđang mơnơm ơm is dô nă.”

Ală sèng do đơs tus tú Yàng lơh tềl krơi piang lă ai oă rơbô làng bol in sa gen bol khai kờn bơklơn Yàng lơh bơtau bol khai dê. Mơya, Yàng Jêsus guh hơđang mơnơm dồ nă nàng pleh mat bol khai. Yàng Jêsus lơh bè hớ tài bơh Kơnràn ờ kờn lơh gơs Yàng mìng hơ ală bơta bol khai kơp kờn. Kơnràn ò kah kơlôi tus dê lơgar tòm ù bè bol khai. Kung ờ kah kơlôi dilah bol he ngai do đòm jat bè cau Israel rài yau òr. Tài bơh Yàng Jêsus kờn bơt bơtào lơgar Yàng Tòm Trồ dê. Dilah bol he kơp gơn Yàng Jêsus lơh bơta lơi nàng hơ wơl ală bơta kơp kờn băliăh gen he kung ờ gơkrơi bè khà làng bol rài yau òr.

Yàng Jêsus ò ơm bal mơ ală cau mìng kờn Yàng lơh tềl krơi mờ ờ kờn gơs bơta tom klac mơ Yàng. Yàng rơp ờ lòt bal mơ ală cau tú àng drim gen đơs lah: “Ơ Yàng, dan ai kòn in jơh ală bơta kơp kờn ngai do” mơya ờ tú lơi đơs lah: “Ơ Yàng! Dan dong kon lơh jat bơta Yàng kờn kon lơh ngai do”.
Yang kung ờ kah kơlôi tus ală cau dan mơ Yàng lah: “dan Yàng don kòn geh oă cau ndai jòng rơ bulah kon bàl sìl nàng lơh gơklo sơnđan Yàng dê gùl bơyô lơh broă bal” hala “Ơ Yàng! Dan Kờnràn ai kon in bềng jền tòm kơl dung priă bulah kòn ò git ơn phan mơna nàng bơt bơtào tơngguh lơgar Yàng dê” hala “Ơ Yàng! Dan Yàng bơtơl bơta nđàc kòn in mơ Yàng neh ai bulah kòn ờ ngui gơ tài bơh lơgar Yàng dê.”

Dilah ală bơta do la jơnau hòi dan bol he dê gen Yàng rơp ngài mờ he bè Yàng neh lơh mơ làng bol Israel tòm rài hớ. Càng jó ngai, dilah he mìng kờn Yàng pà ai ală bơta he kơp kờn bơh Yàng gen Yàng rơp ò tú lơi lòt bal me he. Kơnràn la Bơtau hơđang ală bơtau, la Yàng hơđang ală Yàng he dê ờ di la yàng rùp rak.

Ngan bè hớ, Yàng kờn he gơs bơta tomkac mơ Yàng. tu he tus mơ Yàng gen he rơp dờp git lah Kơnràn dong he lòt gan ală broă mơ he ờ rgơi phalin jai. Dialh bol he la làng bol Yàng dê, la dồ làng bol geh Yàng ai lơngai mơ ngui gen bol he pal lơh jat gùng dà Yàng dê

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.