Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai.
Yàng Jesus neh gơlik gơs kòn mơnus be bol he tòm tú Yàng Bèp sồr Kơnrãn tus tòm dunnia do. Kơnrãn git lam bơta lơnbơn lơniõ bol he dê mơ Kơnrãn git loh ală bơta pal càng bol he dê lài mơtú bol he hòi dan mơ Kơnrãn. Kơnrãn ngan la Emanuel, cih tơlik lah Yàng Tòm Trồ ơm bal mơ bol he.
Ngai do, ngai 20/12/2023, tơnggu rơndap Bơta Hòi Dan Kòp Ngai dan jà oh mi ơm iat kơlôi sơnơng bal Jơnau Yàng mơ cau cih sră Marissa Nordlum gan dê tơnggume EMANUEL.
“Ne, dô nă cau ùr ruh rơp bun mơ deh dô nă kòn klau, Mơ cau rơp tơmoh sơnđan Kơnrãn la Emanuel cih tơlik lah Yàng Tòm Trồ ơm bal mơ bol he.” (Mathiơ 1:23)
Bơta Pơjum kơnhai Lik Ling la kơnhai bơta gơn kơnòm dê mơ pa niam. Do kung la tú lơmpah rcang mùt digùl nam yau mơ nam pa mơ oă bơta kơlôi rcang mơ rngòt bơh ngai tơnớ. Bơh rngòt behớ gen tàng bol he òs lơh roh bơta kơp gơn dê Bơtau Krist tòm tú kòl tìs gùng. Dilah he neh dòp git behớ gen he ò tú lơi ơm is bơh să tòm ãn kung neh lòt gan behớ. Bơh lài òr ãn pin wil wơl ngan lah Yàng Tòm Trồ ơm mơ he ò.
Ngan behớ, ãn neh kal ke ngan tài bơh jền priă ò geh tòm kơnhai Lik Ling nam òr. Jơh ală bơta gam behớ ò gơs bơta lơi rlau mơ bơta bàr nă ùr klau he kơlôi rcang bơh bơta ai pà phan ală kòn in mơ ală sră yal jền tus ngai pal tơm. Tú hớ, bol he sền gơlơh kơnjợ mơ pin wil wơl bơh Yàng.
Tòm tú ală bơta gơlik ò niam behớ, bau klau ãn sơntòm hòi dan mơ Yàng mơ jơh nùs hòi dan Yàng dong kòl bol he. Mơya ãn ngan ò dòp git bơta gơlik gơs roh gơn kơnòm bol he dê tus kar lơi tài bơh bau klau ò tòm pà mơ ãn jơh ală bơta. Broă mơ bau klau lơh hớ mìng là sơntòm hòi dan.
Dùl bàr ngai tơnớ, tòm tú hìu nhă bol he sa mhô gen bau klau dòp geh dô nơm sră pơyoa. Ngan la dô bơta nisơna tòm tú bol he dòp jơnau yal bơh tòm tiah lơh broă he dê lah bol he neh tơm dồs rlau mơ khà jền lơh nền tòm dô nam dê gen tàng bol khai neh pơyoa wơl bol he in dô pang sră cih. Khà jền geh cih tòm pang sră hớ ndròm mơ khà jền bol he pal tòm kòp kơnhai mơ bol he pal tơm mơ khà jền tơng kah tai. Bol he ò rgơi dòn lah bơta krơi is crih crài neh gơlik gơs be hớ. Mơya bol he git lah Yàng Tòm Trồ ơm bal mơ bol he.
Ngan behớ Yàng Tòm Trồ tơng kah bol he in lah Kơnrãn la Bơtau rcang ai ală bơta pal càng bol he in tòm kòp pah tơngai tòm rài kis. Bàr nă ùr klau he neh jòng rò mơ ưn ngài Yàng tơn mo tòm ơdú dơng sa bơh bơta ai gòi Kơnrãn dê hơđang hìu nhă dềt bol he dê. Ngan bol he ai lơh nisơna bơh ală bơta mơ Kơnrãn ai pà bol he in.
Ưn ngài Yàng bơh Kơnrãn ngui sèng Sră Goh tòm Jang 1:14 nàng tơng kah ãn in kah lah: “Bơtau Jơnau neh gơlik gơs poac să mơ ơm dê gùl jơi bol he, bềng bơta nđàc mơ jơnau song. Bol he neh sền gó bơta gơkló Kơnrãn dê, kung be bơta bơta gơkló Kòn Dùl dê tus bơh Bèp.
Tòm tú sền sèng Sră Goh do tòm kơnhai Lik Ling nam do, gen Yàng tơng kah ãn kah wơl nchi bơh tài Yàng Jesus mù tòm dunnia, Kơnrãn ngan la Emanuel, cih tơlik lah Yàng Tòm Trồ ơm bal mơ bol he. Yàng Jesus neh gơlik gơs kòn mơnus be bol he tòm tú Yàng Bèp sồr Kơnrãn tus tòm dunnia do. Rlau mơ hớ, Jơnau Yàng dê tòm sră Hebrơ 4:15 cèng tus bol he in bơta chôl bơtrut mơ pơndòm pơniang lah Kơnrãn git lam bơta lơbơn bol he dê mơ Kơnrãn git loh ală bơta pal càng bol he dê lài mơtú bol he hòi dan mơ Kơnrãn be Jơnau Yàng dê geh cih tòm sră Mathiơ 6:8
Rlau mơ hớ tai, Jơnau Yàng dê tòm Mathiơ 1:23 cèng tus bol he in dô jơnau song niam lah: “Ne, dô nă cau ùr ruh rơp bun mơ deh dô nă kòn klau, Mơ cau rơp tơmoh sơnđan Kơnrãn la Emanuel cih tơlik lah Yàng Tòm Trồ ơm bal mơ bol he.”
Dòn kơnòm té Yàng bơh Kơnrãn la Bơtau ho wơl ală bơta bol he in jat bơta pas gơs gơkló Kơnrãn dê geh cih tòm sră Philip 4:19 “ Yàng Tòm trồ ãn jê rơp ai oh mi in jơh ală bơta pal càng, jat be bơta pasgơs Kơnrãn dê tòm bơta gơkló tòm Yàng Jesus Krist.” Kơnrãn kung ơn nùs kơlôi tus bol he rlau mơ bơkao tòm blang be geh cih tòm sră Mathiơ 6:28-30.
Dan jà bol he dô nùs bal tòm bơta hòi dan:
Ưn ngài Yàng bơh nùs kớdơn mơ nđàc sơngềt Kơnrãn dê gơwèt mơ kòn mơnus lơbơn lơnio be kòn. Ưn ngài Yàng bơh Kơnrãn ai Yàng Jesus tus tòm dunnia do nàng kong chơt ala tồi glài kòn dê. Dan Yàng dong kòl kòn sùm dòn kơnòm dê Yàng la Bơtau sùm sùm ơm kòn mơ la Bơtau hơ wơl wil tơlală bơta pal càng tòm kòp tú tơngai. Kòn hòi dan tòm sơnđan Yàng Jesus Krist, Amen.
Ơ ală cau ơm iat kõn gơboh, dilah tú do bol he ntào di đap oă bơta roh ring lơngai gen tus té mơ Yàng mơ hòi dan mơ Kơnrãn. Kơnrãn la Yàng bơta ring lơngai mơ la Bơtau dòn song rơp ho wơl ală bơta pal càng he dê tòm kòp tú tơngai tòm rài kis. Sơnđing té dê Kơnrãn bulah lah la bơtoah hala ò bơtoah. Dan Yàng ơm bal mơ ai lơngai tơng kah tơng kãn bol he ưn mơ hìu nhă tòm kơnhai Yàng Lik Ling nam do.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply