Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai.
Ngai do, joh tơl nă cau kòp bă tiah tom dunnia do sa chò hòp ngai Noel. Do la tŭ bŏl he Ưnngai Yàng Tom Trồ neh ai Bơtau Dŏng Klàs tus tom dunnia ĭn. Kơnrẵn la bơta àng dunnia di, la Yang lơngap lơngai, la Bơtau Dŏng Klàs, la phăn bàn kas màng mơ la Cau Tom Ngai Noel di.
Ngai do, ngai 24/12/2023 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Jessica Teed dê bơh Tơnggume GƠNAP GƠNOĂR DŎNG KLÀS.
“Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.” (Sôphôni 3:17)
Kòp năm, kư̆ tus ngai Noel gen ală cau kòp bă tiah hơđăng dunnia do kah kir sơnre Yang Jesu lik ling bơh ală đèng àng gơcrà bơh bơta gơn kơnòm tom hwing nùs. Ală bơta krơi ngai Noel, bơta niăm ală đèng di, mơ ală phăn bơka Noel mơ ală bơta kah kơlôi ò lơh bŏl he ĭn hŭi phăn bàn kas màng Gen Yang Tom Trồ ai pà dunnia ĭn hơ̆ lah Yang Jesu. Să tòm Yang Jesu la Bơtau lik ling tom rùp să kơnòm dềt, kis digul dunnia do mơ kŏng chơt hơđăng chi pơng nang dŏng klàs cau. Sră Goh găm ai bŏl he ĭn git lah Kơnrẵn la bơta àng dunnia ĭn, la Yang Lơngap lơngai, la Bơtau Dŏng Tơwài mơ la Yang Dong Klàs (Esai 9:5 mơ 44:6; Jang 3: 16 mơ 8:12; Broă 4:12)
Bơh ồng pàng kọn mơnùs di là ồng Adam mơ mò ebia ò dong bơr Yang Tom Trồ mơ iat jơnau cau sò tơm, la satan, gen tồi glài neh gơmut tom dunnia do. Bơta hơ̆ neh lơh bơta gơ tomklac kọn mơnùs mơ Yang Tom Trồ, Bơtau crơng gơs trồ tiah do, kòl tơrlah gen dunnia gơ tơnkram tom tồi glài (Sơnrờp Gơlik gơs 3:2-6) Sră Goh ai bŏl he ĭn git la Yang ngai or, ngai do jơl tus sum sum ò tom gơl bulah ală phăn do tom gơl. Tài bơh kọn mơnùs tìs glài gen bŏl khai lơh roh bơta gơ tomklac băl mơ Yang Tom Trồ mơ bŏl khai păl añ ơnòng bŏl glăr ji sồt. (Sơnrờp Gơlik gơs 3:7;3: 22-24)
Tài bơh tis glài gen bơta tom klac digul kọn mơnùs mơ Yang Tom Trồ ò tom sác sor. Bulah koñ ngăn lơh jat ală bơta boh lăm tom Sră Goh ho băl yau gen kŭng ò lik klàs bơh bơta lơh nin glài la bơta chơt. Mơ ya Yang Tom Trồ gơs bơta rơndăp tap sèng dŏng klàs dunnia do bơh Kơnrẵn ai Yang Jesu tus tom dunnia nàng dŏng tơwài cau glài. Ngăn, behơ̆, gơs oă sèng Sră Goh đơs bơh Bơtau Mêtsia rơp tus mơ Bơtau Dong klàs dunnia do geh cih tom (Khà Lang bŏl 24:17-19, Ê-sai 9:5 và 42:1-4, Sô-phô-ni 3:17). Gơwèt mơ ăñ, sèng Sră Goh tom Sôphôni 3: 17, cèng tus bơta gơn kơnòm tom tŭ kal ke:
“Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.”
Sèng Sră Goh đơs bơh Bơtau Mêsia rơp tus mơ pơn dut bơta cahrña gơwèt mơ lang bŏl Israel. Bơh Yang Jesu Yang Tom Trồ tus tom digul jơi kọn mơnùs. Kơnrẵn neh kis, lòt băl mơ sào băl mơ cau bơtê mơ bơtô tơngkah bơh bơta lơh lòt digul dunnia do. Bơh bơta chơt Yang Jesu di hơđăng chi pơng neh gơtòmsòr băl kọn mơnùs mơ Yang Tom Trồ.
Krơi is ngăn bŏl he ĭn tŭ Yang Tom Trồ ơm băl digul bŏl he, lòt băl mơ bŏl he kòp ngaimow kơp kỡn bŏl he gơs bơta gơtòm klac mơ Kơnrẵn be Kơnrẵn neh găm gơs mơ ồng Adam mơ mò Ebia lài mơ tŭ tìp bơta ơñiai. Hala, Yang sum sum koñ gơboh bŏl he bơh bơta kỡn gơboh găm sum sum mơ kŭng be cau bơtơu koñ gơboh ur koñ gơboh he di sơl.
Dan jà bol he dô nùs bal tòm bơta hòi dan:
Ưnngai Yàng tài bơh kọn geh dòp phăn bàn krơi is ngăn mơ kas màng ngăn hơ̆ la Yang Jesu Krist lơh gơs cau Tom rài kis kọn. Kọn ưnngai Yang tài bơh Kơnrẵn koñ gơboh mơ kơrmap gar kọn bơh bơta koñ gơboh sum sum mơ krơi is ngăn Kơnrẵn di. Dăn Yang sum lòt băl mơ kọn mơ dŏng kòn tus rềp Kơnrẵn tom ală bơta bulah tŭ rĭng lơngai hala tìp bơta gơlòng bŏl glăr. Ưnngai Yàng tài bơh Kơnrẵn la bơta gơn kơnòm kọn di. Kọn jơh nùs hòi dăn, Kọn ai sơnđăn Yang Jesus Krist, Amen.
Ơ ală ồng mò oh mi kỡn gơboh, tŭ bŏl he dòn kơnòm Yang gen bơta kỡn gơboh wil tơl Kơnrẵn di rơp lơh roh ală bơta rngòt rngơt tom pah rài do mơ bơta kơlôi rcang tom ngai tơnơ̆. Kơp kỡn he kŭng gơs bơta lòt găn is he di tŭ dòp phăn bàn krơi is ngăn mơ kas màng ngăn la Yang Jesu Krist ai pà dunnia ĭn. Băñ hŭi, tom pà phăn bàn dotuss ală cau tom hiu nhắn di mơ chồl pơndòm bŏl khai pò nùs bŏl khai pò nùs wă rò Yang tom ngai Noel do hen.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply