Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai.
Gơs tú lơi ồng mò oh mi kơlôi lah he la phan mang niam rlau jơh bơh tú pa deh sơl? Ồng mò oh mi geh Yàng crơng gơs dô bă krơi is bơh bơta kỡn gơboh Kơnrẵn dê. Ngăn behớ, ồng mò oh mi la phan crơnggơs niam rlau jơh Yàng dê mơ Kơnrẵn kỡn ồng mò oh mi sum sum ơm tòm tơwòr tê kỡn gơboh Kơnrẵn dê.
Ngai do, ngai 26/12/2023, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl mò Jennifer E. Jones bơh tơnggume KÒN GƠ RÊ HƠ AÑ
“Añ lòt gan ai tai mơ sền di ai, ai neh di tŭ git kòñ gơboh. Añ lă mum ào jrùh Añ jê hơđang ai, jơm să kuh ai dê. Añ ai să tòm Añ ho pơgon mơ ai mơ bơtào dô bơta ho bal mơ ai gen ai gơrê bal mơ Añ,’ Jehôwa Yàng Tom Trồ đơs behơ̆.” (Ejekiel 16:8)
Bơh tú pa deh tus dê tú dơng bol he rơp geh bơtê bơh 5 nơm: kup, liap, bô, sền mơ kơno.
Tú neh dơng kung la tú bol he sơntòm kong tòm ală broă he neh lơh tòm rai kis he dê. Bol he pal lơh broă dô bă tơryang tơr yông nàng rgơi rong siam is să jan he dê.
Behớ bol he òs kơlôi bơh ală pha sa, phan ngui, phan soh.
Mơya Jơnau Yàng tơng kah bol he lah bol he bẵn kơlôi rcang bơh ală bơta hớ bơh Kơnrẵn git jơh ală bơta pal cang bol he dê lai mơ tú bol he dan mơ Kơnrẵn.
Rlau mơ hớ, bol he bè la cau ơm ing tòm dunnia do roh lơm do. Tus di tú chơt, bol he rơp rê wơl mơ Yàng tòm Lơgar Đăng Trồ.
Ală bơta kis tòm dunnia do la bơh Yàng ai. Rlau mơ hớ, să tòm Yàng la Bơtau ai ală bơta pal cang he in tòm rai kis do. Rlau tai, Yàng kah kơlôi tus di ală bơta pal cang bol he dê bơh Kơnrẵn kỡn gơboh bol he bè gar mat Kơnrẵn dê.
Ngan behớ, Yàng sùm sùm kah kơlôi tus ală bơta dềt rhên rlau jơh tòm rai kis bol he dê.
Mơya tòm ală ngai neh rlau, ală bơta gơlong lơh bol he in ò dòn bơh bơta kỡn gơboh Yàng dê ai bol he in. Mơya Yàng la Bơtau sùm sên jat mơ sùm sên gar bol he jat bè jơnau Yàng neh cih tòm sră Ejekiel 16:4-8:
“Kung be tòm ngai ai geh deh, tòm ngai ai pa deh, che klŏ ai òhềt koh, Añ òhềt tơnum ai tòm dà nàng geh rào goh, òhềt tho ai mơ boh hala pùt ai tòm ồi. Ò gơs mat sền nđàc sơngit di ai hala lơh dô bơta lơi tòm ală bơta hơ̆ ai in nàng kòñ nđàc di ai. Mơya ai kòl sang lòi tòm ƀlàng ò gơs chi che, bơh ai neh kòl sền òsơp tòm ngai ai geh deh.Añ lòt gan mơ gŏ ai wañ tòm mhàm, mơ tòm tŭ ai bic tòm mhàm ai dê, Añ đơs mơ ai lah: “Kis tĕ! mơ hòn dờng kung be dô nơm chi tòm ƀlàng sre.” Ai neh gơtă dờng mơ gơlik jơnhoa hàng mơnĕ rlau jơh. Toh ai neh but, sŏ ai neh jòng, mơ ai ya gam ơm kuh mơ lòi rồ.”
“Añ lòt gan ai tai mơ sền di ai, ai neh di tŭ git kòñ gơboh. Añ lă mum ào jrùh Añ jê hơđang ai, jơm să kuh ai dê. Añ ai să tòm Añ ho pơgon mơ ai mơ bơtào dô bơta ho bal mơ ai gen ai gơrê bal mơ Añ,’ Jehôwa Yàng Tom Trồ đơs behơ̆.”
Tú sên seng Sră Goh do bơta lơh ẵn in kơlôi hớ la nùs kỡn gơboh Yàng Tòm Trồ dê ai ẵn in mơ ẵn gơboh rlau jơh jơnau lôi dut: “ai gơrê bal mơ Añ.”
Ưnngai Yàng bơh ẵn geh Yàng kỡn gơboh mơ ẵn geh gơrê bal mơ Kơnrẵn gam sùm sùm. Kơp kỡn ồng mò oh mi rơp dòp rò bơta kỡn gơboh Kơnrẵn dê mơ ơm tòm bơta tề lam Kơnrẵn dê.
Dan jà bol he dô nùs bal tòm bơta hòi dan:
Ưnngai Yàng bơh kon gơrê bal mơ Kơnrẵn mơ geh ơm tòm bơta kỡn gơbọ gam sùm sùm mơ ò tú lơi tòm gơl Kơnrẵn dê. Bulah lòt gan oă bơta gơlong bol glar mơ Kơnrẵn gam sên gar mơ rong siam kon bè gar mat Kơnrẵn dê. Dan Yàng dong kon sum sum joi jat Kơnrẵn, bơtê git Jơnau Yàng mơ sùm ơm tòm tơwor tê gơnap gơnoar Kơnrẵn dê. Kon hòi dan tòm sơnđan Yàng Jesus Krist, Amen.
Ơ ală ồng mò oh mi kỡn gơboh, Yàng la Bơtau sùm sên mơ sùm rong siam bol he la kon kỡn gơboh Kơnrẵn dê. Bol he gơrê bal mơ Yàng mơ la cau pơrdòn jơh ală bơta niam rlau jơh Yàng pà ai bol he in. Dòp git té he la dơng mang mbe lơi mơ Yàng, don kớ té tòm jơnau ho Yàng dê nàng chò hòp kis kòp ngai mơ rgơi kong jai ală bơta gơlong bol glar ồng mò oh mi dê.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply