Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai.
Digơlan la cau lơi tòm bol he kung geh tìp bơta gơlòng bòl glar tòm rài kis do. Tŭ geh tìp bơta kalke gen bol he hòi dan mơ kơ̆ nùs kơp gơn Yàng dong tă he hala ò? Jơnau Yàng tòm Sră Goh ai bol he in git lah Kơnràñ iat kơ no jơnau he rac dan mơ dong tă he klas tòm toh tŭ jơ Yàng dê. Digơlan tơnơ̆ mơ Yàng dong tă bol he gen bol he rơp ơn pơdơng Kơnràñ sèng đơs chò pa hala ò?
Ngai do, ngai 11/12/2023, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl ồng Andrew Murray bơh tơnggume: ƠN YÀNG IN BƠTA ĐƠS CHÒ PA
‘Añ kơ̆ nùs kơp gơn Yàng Jehôwa; Kơnràñ wèt sền mơ iat jơnau rac dan añ jê. Kơnràñ kung tă tơngguh añ klàs bơh trồm roh gơprah, lik bơh di bŏ lơnggơr; Kơnràñ ơn jơng añ hơđang pơnai lŭ, Lơh cơnđòa lòt añ in ring lơngai. Kơnràñ ơn di bơr añ dô bơta đơs chò pa, Hơ̆ la bơta jòng ro Yàng Tom Trồ bol hi dê. Oă cau rơp gŏ bơta hơ̆ mơ rngòt, Gen dòn kơnòm di Yàng Jehôwa. ‘ (Đơs Crih 40:1-3)
Jơnau Yàng tòm Đơs Crih 40:1-3
cih lah: ‘Añ kơ̆ nùs kơp gơn Yàng Jehôwa; Kơnràñ wèt sền mơ iat jơnau rac dan añ jê. Kơnràñ kung tă tơngguh añ klàs bơh trồm roh gơprah, lik bơh di bŏ lơnggơr; Kơnràñ ơn jơng añ hơđang pơnai lŭ, Lơh cơnđòa lòt añ in ring lơngai. Kơnràñ ơn di bơr añ dô bơta đơs chò pa, Hơ̆ la bơta jòng ro Yàng Tom Trồ bol hi dê. Oă cau rơp gŏ bơta hơ̆ mơ rngòt, Gen dòn kơnòm di Yàng Jehôwa. ‘
Do la Jơnau lơh cơng Bơtau Daƀit dê bơh bơta kơ̆ nùs kơp gơn Yàng Tòm Trồ mơ geh Yàng ai pà bơta lơngap lơngai. Kơ̆ nùs ngan gơ dê pa is mơ nùs nhơm jòng să bol he dê, ràng tơlik la bol he kơnòm dê Yàng Tòm Trồ. Bơta kơ̆ wền ràng tơlik bơta dòn ngnan geh ràng tơlik gan dê broă lơh loh làng.
Bol he sền sơwì bal bơh bơta gơtha bơta kơ̆ nùs. Tòm jơnau La-tinh gơtha la kong jai bòl glar moat jrùng. Bơta hơ̆ gơs gơtha la bol he pal cang kơ̆ nùs kơp gơn jŏ jòng. Lài ngan bol he pal tòm dră mơ bơta kơp kòñ is he dê. Bơta git làm be hơ̆ cèng tus bol hê in dô bơta bơtê la ngac mhàr ò cèng tus bơta kwơ màng lơi gen bơta sac rwah jak chài rlau jơh la bol he pal kơ̆ nùs kơp gơn
Tòm tŭ kơp gơn Yàng, bol he ò dê mìng dòn duh mơ bol he kung pal duh rngòt mơ chò hòp geh ơm tòm bơta lơngap lơngai Bèp Hơđang trồ dê. Kơ̆ nùs kơp gơn cèng tus bol he in bơta lơngap lơngai mơ bơta nđàc dờng màng rlau jơh. Gen be hơ̆, bol he ràng tơlik nùs duh rngòt Yàng Tòm Trồ gan dê broă kơ̆ nùs kơp gơn nùs kòñ Yàng dê. Rlau mơ hơ̆, kơ̆ nùs kơp gơn la cơng tàng bol he in git lah bol he dòn kơnòm dê gùng dà mơ tŭ jơ niam rlau jơh Yàng dê.
Bol he ràng tơlik nùs kơ̆ wền tŭ bol he sang sơrbì nùs kòñ is he dê mơ dòn duh jat nùs kòñ wil tơl Yàng dê. Kơ̆ nùs kơp gơn la pal cang tòm bơta kơp gơn Yàng wil tơl. Bol he rơp sơlo ngai sơlo ntào dờng rlau mơ hơ̆ kung la cồng nha sèng bơtê sơnròp bol he dê la kơp gơn. Mơya gơ wèt mơ oă cau la kalke ngan nàng bol khai kơp gơn Yàng.
Gen be hơ̆, tŭ bol he kơ̆ nùs ngan gen bol he ràng tơlik nùs nhơm lơngap lơngai, đal git lah bol he ò chài rgơi mơ kơp gơn dê Yàng la Bơtau ràng tơlik ală broă jat nùs kòñ Yàng. Mơ tai, bol he pal ràng tơlik nùs nhơm lơbơn niam gan dê nùs nhơm kơp gơn bơta Yàng neh mơ rơp lơh. Tŭ kơ̆ nùs kơp gơn gen bol he ràng tơlik bơta hưh hơh nàng Kơnràñ sol pơn đang tòm kòp broă lơh bol he dê. Ngan gơ dê la tŭ bol he sang sơrbì nùs kòñ is he dê mơ kòñ gơlik gơs gri tòm tê Yàng nàng Kơnràñ lah pơrhơng mơ mòn. Be hơ̆ tŭ bol he lòi Yàng lơh bơta hơ̆ gen bol he sơlo ngai kơ̆ nùs kơp gơn Yàng rlau tai
Đơs Crih 62:1-2 cèng tus bơta chôl bơtrut bol he in tŭ kơp gơn Yàng: ‘Hwềng soàn añ rlô lơngap lơngai mìng tòm Yàng Tom Trồ lơm; Bơta dong klàs añ jê tus bơh Kơnràñ. Mìng dô nă Yàng la lŭ klềr añ jê, mơ bơta dong klàs añ, la theng kơ̆ cê añ jê; añ rơp ò wañ lơnggơh. ‘
Gơs tŭ lơi ông mò oh mi kơlôi lah kơ̆ nùs la bơta nđàc dờng geh pà ai bơh Yàng Tòm Trồ be cau bơtê Pol neh cih tòm Sră Kôlôse 1:11 ‘Kơnòm di gơnap gơnoar gơklŏ Kơnràñ dê, tồ geh tơl bơta ơt ơl mơ kong jai bơta bòl glar dô bă hòn chò’ hala ò? Ngan be hơ̆, bol he geh Yàng ai pà pràn kơldang bơh gơnap gơ noar gơ klŏ Yàng dê nàng kơ̆ nùs kong jai ală broă. Mơtai, să tòm Yàng kung ràng tơlik Kơnràñ bol he in gan dê broă ai pà bơta kis mơ pràn kơldang nàng bol he dê rgơi wil tơl kơ̆ nùs kơp gơn mơ jào phi ală broă Yàng in.
Gen be hơ̆ dilah cau lơi gơs nùs nhơm gơ plơ̆ gen cau hơ̆ ò tơl kơ̆ nùs. Rac dan Yàng ai pà nùs khin cha nàng pơnjat kơ̆ nùs kơp gơn Yàng bulah tòm tŭ lơbơn lơño mơ ò tơl pràn kơldang. Să tòm Yàng Tòm Trồ rơp ràng tơlik gơnap gơ noar mơ bơtơl tai pràn kơldang bol he in kơ̆ nùs kơp gơn broă mơ Yàng lơh hơđang rài kis bol he be Yàng neh lơh hơđang rài kis cau bơtê gan dê bơta kơ̆ nùs Bơtau Krist dê.
Bol he iat kơno bal ală sèng đơs crih cau gơnoar cih dê la cau jơh nùs kơp gơn Yàng geh cih tòm Đơs Crih 40: 1-3 lah: ‘Añ kơ̆ nùs kơp gơn Yàng Jehôwa; Kơnràñ wèt sền mơ iat jơnau rac dan añ jê. Kơnràñ kung tă tơngguh añ klàs bơh trồm roh gơprah, lik bơh di bŏ lơnggơr; Kơnràñ ơn jơng añ hơđang pơnai lŭ, Lơh cơnđòa lòt añ in ring lơngai. Kơnràñ ơn di bơr añ dô bơta đơs chò pa, Hơ̆ la bơta jòng ro Yàng Tom Trồ bol hi dê. Oă cau rơp gŏ bơta hơ̆ mơ rngòt, Gen dòn kơnòm di Yàng Jehôwa. ‘
Bol he rơp dòp geh phan ƀan dờng ngan tŭ kơ̆ nùs kơp gơn Yàng. Ngan la Yàng rơp tă tơlik bol he mơ ơn bơta đơs chò pa dê bơr bol he dê. Dilah gơs dơ̆ bol he kơlôi lah kơ̆ nùs ò dê la bơta nđàc he dê gen kah tus jơnau hòi dan lah: ‘Dan Yàng tề lam nùs oh mi dê tus hơ bơta kòñ gơboh Yàng Tom Trồ dê mơ bơta ơt ơl Bơtau Krist dê. ‘ (II Tesalônika 3:5)
Dan jà bol he dô nùs bal tòm bơta hòi dan:
Ưn ngài Yàng tài bơh ngai do kòn dòp geh jơnau bơtê kơ̆ nùs kơp gơn Yàng. Dan Yàng toh glài kòn in tài bơh oă dơ̆ kòn mhar duh nùs lơh jat nùs is gen kòn ò kơ̆ nùs kơp gơn nùs kòñ ring niam Yàng dê. Dan Yàng dong kòn sùm gơlik pa tòm Yàng mơ jơh nùs jong rơ Yàng tòm kòp tŭ jơ. Kòn ai sơnđan Yàng Jesu Krist, hòi dan mơ Yàng Bèp. Amen.
Ơ ală ồng mò oh mi kòñ gơboh, bol he ràng tơlik bơta kơ̆ nùs ngan tŭ bol he sang sơrbì nùs kòñ is mơ dòn duh jat nùs kòñ wil tơl Yàng dê. Bulah kalke ngan nàng kơ̆ nùs kơp gơn bơta mơ Yàng ho lơh hơđang rài kis bol he mơya kư̆ kơ̆ nùs kơp gơn tŭ jơ mơ Yàng ràng tơlik bol he in. Gen be hơ̆ bañ rngòt, kư̆ rlô bol tòm Yàng mơ kơ̆ nus kơp gơn. Kư̆ kơp gơn Yàng gen Kơnràñ rơp tề lam gùng bol he pal lòt.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply