Tơnggume: TŬ RLÔ BŎL

Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai.

Tom pah rài ngai do, rài kis gơlik gơs mhăr ngăn mơ kơlôi rcang oă rlau ngăn tai. Bŏl he gơtơnkram tom digul broă lơh ò dơh, gơnoăr broă mơ bơta kơlôi rcang njơ̆-njut kòp ngai. Òs mòng kòl lơh ò jai tom bơta ntoat pơrlòng mơ tŭ tơngai, broă rlô bŏl gơlơh be dô bơta kơp kỡn ngài ngăn. Mơya, Jơnau Yàng ai bŏl he ĭn git lah rlô bŏl ò di mìng la bơta păl càng ngăn mơya găm la kwơ màng ngăn gơwèt mơ poăc să mơ đah hwing.

Ngai do, ngai 14/01/2024 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Mariel Davenport dê bơh tơnggume TŬ RLÔ BŎL

“Yàng Jehôwa la Bơtau ê gàr añ be cau ê belàt; añ rơp ò siơ̆u phan lơi ò. Kơnràñ ai añ in rlô tòm ƀlàng ñhơt tơlir, lam añ tus hơ dà ring niam.” (‭‭Đơs Crih‬ ‭23:1‭-‬2‬)

Gen he găm gơs pơnđơl añ ală ơnòng koñjơ̆ rlau mơ bơta pràn he di sơl ơ? Hơđăng pơnì he găm gơs pơndap ală bơta njơ̆-njut, kơlôi sơnơng, kơlôi rcang? Ngai do cau ê lơbơn niăm họi jà bŏl he lơh dô bơta: rlô bŏl. Oh, ngăn lah cau lơi kŭng tơhir bơta rlô bŏl. Mơya, rngòt ngăn lah bŏl he rơp pĭn wil wơl… ò di bơh bŏl he ò kỡn, mơya tài bơh bŏl he kơlôi lah he ò gơs tŭ lơi gơs tơl tŭ jơ digul oă bơta kơlôi rcang gutdar.

Mơya, Jơnau Yàng đơs mơ bŏl he:
“Yàng Jehôwa la Bơtau ê gàr añ be cau ê belàt; añ rơp ò siơ̆u phan lơi ò. Kơnràñ ai añ in rlô tòm ƀlàng ñhơt tơlir, lam añ tus hơ dà ring niam.” (‭‭Đơs Crih‬ ‭23:1‭-‬2‬)

Tŭ mut jrô tom bơta gơtha jơnau “ai añ in rlô” ăñ gơlơh geh bơta păl càng ngăn tom hơ̆. Gơtha ting do ò di la “Kơnrẵn chồl tơngkah ăñ rlô bŏl” hala Kơnrẵn hòi jà ăñ rlô bŏl”

Ò, jơnau ‘rabas’, tom jơnau Hebrơ la dô gơnoăr sôr, la păl rlô bŏl; ơn ơnòng kơnjơ̆ hala broă lơh rlô; rlô bíc tom bơta rĭng lơngai. Yang găm ai gơnoăr sôr bŏl he ĭn hồ săng tĕ bơta ơnòng kơnjơ̆ mơ lòi hwềng soan rlô bŏl.

Tiah ơm Kơnrẵn kỡn bŏl he rlô bŏl kŭng rơp sền kơlôi nin non. Gutdar lơgar Jude ò di la tơlir. Hơ̆ la dô bă tiah ro rañ, dàng mơ bềng bras. Cau ê belat păl lòi oă tŭ jơ nang lơh broă tom blang sre; lơ or, pŏ lơh lơbơn ù, mơ tùc tăm…nang sơmbut cat ală ñhơt tơlir, lơbơn gen mpồl ê belat kỡn rlau jơh. Tơnơ̆ lơh sir broă lơh he di, cau ê belat rơp pò mơ lòi mpồl belat khat gơboh sa ñhơt.

Bơtau Ê gar hwềng soan bŏl he kŭng kơp kỡn he mơ ăñ geh khat gơboh kơnòm broă neh lơh sir Kơnrẵn di hơđăng chi pơng. Dilah Kơnrẵn rơp dŏng bŏl he, gen Kơnrẵn nền cê kŭng rơp lơh jơh ală bơta lơi găm lơh bŏl he kơlôi rcang mơ ơnòng njơ̆.

“Jào phi tĕ jơh ală bơta kơlôi rcang oh mi dê Kơnràñ in, tài bơh Kơnràñ òs sền gàr oh mi sùm.” (I Pier‬ ‭5:7‬)

Tŭ do mo, digul ală bơta kơlôi rcang, kơlôi sơnơng, mơ ală bơta ò rgơi lơh he di…Yang plai ù do di rơp ai gơnoăr sôr he ĭn jào phi ală bơta Kơnrẵn ĭn. Lòi tĕ Kơnrẵn rơndăp mơ lơh bơta hơ̆jat tom toh tŭ tơngai mơ broă lơh wil tơl Kơnrẵn di! Bŏl he mìng ơn nùs kơlôi gơwèt hơ Yang, kơlôi sơnơng bơh Jơnau Kơnrẵn kŭng be broă lơh neh sir Kơnrẵn di.

Dơ̆ bar, jơnau gơtha tom sèng do ò di la bơta rlô bơh đah să jan… Yang Jesu tơngkah wơl bơta kơlôi sơnơng do tom Ma thi ơ 11:28:
“ Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl.” (Mathiơ‬ ‭11:28)

Jơnau “rlô bòl” ting do gơtha la “ rĭng lơngai digul broă lơh giga” Yang Jesu ò đơs mơ ală cau bơtê rlô tơl poh, bulah Kơnrẵn sôr bŏl he ngùi 1/7 tŭ jơ he di nàng rlô bŏl gơwèt mơ poăc să ( gơwèt la ngai Sa bat)

“Rlô bŏl” ting do gơtha la đah hwing bŏl he păl rĭng lơngai diđap mat Kơnrẵn. Gơtha la ringit kơlôi sơnơng Jơnau Yàng digul jơnau ntas nggôr ală kọn he di, jơnau tombơhbơr mơ Kơnrẵn digah tiah lơh goh mơngàn, prèng, digul phăn ùi ào păl càng rơndăp niăm, tomklac mơ Kơnrẵn tŭ păl lơh broă be òs kòp ngai.

Bèp bŏl he ò kỡn bŏl he pơnđơl pràn añ ală ơnòng kơnjơ̆ ming dô nă Kơnrẵn rơp geh añ. Digul ală bơta kơlôi rcang tom rài kis, Kơnrẵn kỡn bŏl he klŏ săng jơh ală bơta kơlôi sơnơng, jào phi ală bơta tom tê Kơnrẵn, gen ơm mŏ mŏ rlô bŏl tom nđar mbur jơm ndơp gơnap gơnoăr sền gar Kơnrẵn di.

Dan jà bol he dô nùs bal tòm bơta hòi dan:
Khoai Yang, ngai do kọn dăn ơn Yang ĭn ală bơta kơlôi sơnơng mơ ơnòng kơnjơ̆ bŏl kọn găm tìp, git lah Kơnrẵn ò tŭ lơi lòi bŏl kọn siơŭ siar. Họi dăn Yang ai gơnap gơnoăr nàng bŏl kọn dòn bơr jat Yang mơ jòi bàn bơta rlô bŏl tom Kơnrẵn, don nền la Kơnrẵn rơp ê gar bŏl kọn. Kọn họi dăn, Kọn ai sơnđăn Yang Jesus Krist, Amen.

Ơ ală ồng mò oh mi kỡn gơboh, ngai do he mơ ăñ dô bă băl tĕ bơtào dô khà ơnòng kơnjơ̆ lơh bŏl he ĭn ò rlô bŏl. Tơnơ̆, bŏl he ơn tĕ jơh hơđơm mpàng jơng Yang mơ hồ săng ală bơta! Ala bơh añ ală bơta kơlôi rcang, gen lòi tĕ bồ dơngoh bŏl he rlô bŏl mơ dòn kơnòm tom Cau Ê Gar Lơbơn Niăm – tiah rlô bŏl bọl he di.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.