Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
Yeej tsis muaj ib yam dabtsi yuav phem tshaj thaum uas pom tias tus neeg uas peb ntseeg siab rau tshaj plaws thiab tus neeg uas niaj hnub pab yus ho ua lub ob lub siab ntxeev siab rau yus. Tswv Yexus twb ntsib dhau qhov no. Txawm yog tsis xav los Vajtswv paub tseeb Vajtswv lub homphiaj tau ua tiav. Thiab yog Vajtswv tso cai rau qhov ntawd tshwm tuaj los Vajtswv muaj lub homphiaj zoo nyob tom qab.
Hnub no, yog hnub 27/03/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Whitney Ballard dhau ntawm Zaj kawm TXOJ KEV MOB THAUM RAUG NTXEEV SIAB
“Thaum lawv tabtom noj mov, Yexus hais tias, “Kuv qhia rau nej hais tias, nej cov uas nyob ntawm no muaj ib tug yuav ntxeev siab rau kuv” (Mathais 26:21)
Txoj kev uas raug ib tug neeg txheeb ze ntxeev siab phem npaum cas. Thaum uas ntsib dhau qhov ntawd, kuv yuav txiav tu nrho txoj kev sib txuas ua ke nrog tus neeg ntawd. Tiamsis thaum uas ua tib zoo xav tej lub caijnyoog zoo li ntawd ua rau kuv nco txog Tswv Yexus thaum uas raug ib tug nyob hauv kaum ob tug thwj tim ntxeev siab. Tswv Yexus tau ua li cas thaum ntsib txoj kev ntxeev siab los ntawm tej neeg ib ncig nws? Yuav ua li cas kom Tswv Yexus thiaj tiv dhau txoj kev mob siab ntawd thaum uas nrog lawv noj hmo ua ke thiab nrog nws cov thwjtim sib tham?
Tswv Yexus tau hais ua ntej rau cov thwjtim paub tias ib tug nyob hauv lawv cov ntawd yuav ntxeev siab rau Nws nyob hauv Mathais 26: Txawm yog raug ntxeev siab los Tswv Yexus yeej tseem mus thiab tseem nrog cov thwjtim thov Vajtswv txawm yog yuav muaj teeb meem tshwm los raug Nws.
Tswv Yexus mus rau hauv lub vaj Khexemanes nrog cov thwjtim thov Vajtswv ua ke. Thaum uas pom lawv nkees thiab tsaug zog Tswv Yexus hais nyob hauv nqe 41 tias: “Nej yuav tsum ceevfaj thiab thov Vajtswv pab, kev sim siab thiaj yuav ntxias tsis tau nej. Lub siab mas kub lug, tiamsis cev nqaij daim tawv qaug zog kawg li.”
Tswv Yexus tes haujlwm hauv ntiajteb no, Tswv Yexus tshua txog qhov uas cov thwjtim tau cawmdim hauv txoj kev txhaum txawm yog qhov tseeb nyob hauv lawv cov yuav muaj ib tug ntxeev siab rau Nws. Tib txhij ntawd, Tswv Yexus kuj ceeb toom lawv kom lawv paub tias Tswv Yexus yuav raug ib tug thwjtim ntxeev siab. Tsis tas li ntawd, Tswv Yexus tseem ceeb toom lawv tias lawv tseem qaug zog heev ntawm sab nqaij tawv.
Tej zaug peb txhua tus puav leej muaj kev tu siab tiamsis peb puav leej tiv taus vim pom tias yus tab tom ua neej nyob rau hauv ib lub ntiajteb raug puas tsuaj muaj kev dag ntxias. Tsis tas li ntawd xwb, txoj kev ntxeev siab niaj hnub tshwmsim nyob rau hauv lub ntiajteb no vim peb yog tib neeg zoo tsis txaus. Yog ib tug ntseeg Vajtswv, peb muaj feem thov kom Vajtswv pab peb kom peb zam txim tau rau tus neeg uas ntxeev siab rau yus. Thaum peb zam txim ces peb tau txais kev kaj siab thiab tau txhawb zog thaum uas Tswv Yexus tsis yog tsuas ris peb tej kev txhaum xwb tiamsis tseem ris pub rau cov neeg uas ua yuam kev rau peb thiab.
Tswv Yexus tsis qhia tias peb cia li ua twjywm cia dhau mus, kom lwm tus pheej dag ntxias peb ntxiv, txhob nthuav tawm tej uas lawv ua yuam kev. Tiamsis, Vajtswv xav kom peb pom tias yog tib neeg leej twg kuj zoo tsis txaus thiab peb tus kheej los kuj zoo ib yam li ntawd. Yam uas peb yuav tau ua yog txo peb lub hwjchim txais yuav lub caijnyoog uas peb hloov pauv tsis tau ntawd txawm yog tej uas lwm tus ua rau peb tib si. Thiab dhau ntawd yuav ntxiv rau peb muaj kev ntseeg siab rau Vajtswv, thov Vajtswv ua haujlwm, txiav txim ncaj ncees, thiab tab pov leej txiv lub siab nyiam tau ua nyob rau hauv txhua yam.
Thov caw nrog kuv peb thov Vajtswv ua ke.
Tus Tswv kuv paub tias kuv yog ib tug neeg tsis muaj zog tiamsis koj yeej tseem hlub kuv thiab nrog nraim kuv nyob. Ua Vajtswv tsaug tau zam txim rau kuv tej kev txhaum rau kuv thiab pub kuv kom dhau los ua Vajtswv tus menyuam. Thov Vajtswv pab kom kuv paub hlub thiab zoo siab hlo zam txim rau cov neeg uas ua rau peb muaj kev tu siab. Thov qhia kom kuv paub ntseeg siab rau koj lub homphiaj zoo hauv kuv lub neej. Kuv thov hauv Tswv Yexus Khetos lub npe. Amees.
Cov kwv tij, thaum uas xyaum raws li Tswv Yexus tus qauv ces koj lub siab tau txais kev kaj siab thiab muaj kev kub siab nyob hauv kuv txoj kev txiav txim siab. Tej zaug peb yuav tav tsis tau lwm tus ua rau peb muaj kev tu siab tiamsis yam uas peb ua yog zam txim thiab thov Vajtswv txiav txim ncaj ncees. Vam khom Vajtswv lub zog pab kom peb ua haujlwm thiab mus ntxiv hauv txoj kev hlub.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.