Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
Tej kev tab kaum yog ib feem uas peb yuav zam tsis tau nyob rau hauv lub neej. Muaj tej kev tab kaum me nws tav koj kev txhua hnub, thiab kuj muaj qee yam kev tab kaum loj nws cuam tshuam raug rau koj lub neej. Tiamsis nco ntsoov tias, tus uas Tsim Ib Puas Tsav Yam tau kos ib daim duab zoo kawg nkaus tseg rau peb txhua tus. Thiab nyob hauv lub homphiaj ntawd, yeej tsis muaj ib qhov kev tab kaum twg yuav npog tau Vajtswv lub siab nyiam lossis yuav tav tau peb txoj hau kev mus rau tom ntej. Vajtswv niaj hnub qhi dua txoj kev tshiab, Vajtswv yuav qhib kev thiab coj peb txhua tus kev.
Hnub no, yog hnub 29/03/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Aaron Little dhau ntawm Zaj kawm TAWM TSAM TEJ YAM THAIV KEV
“Rau qhov Vajtswv cov menyuam txhua tus puavleej kovyeej lub ntiajteb lawm. Thiab qhov uas peb kovyeej lub ntiajteb twb yog vim peb ntseeg Yexus Khetos.” (1 Yauhas 5:4).
Thaum hnub tawm ntsiag to nyob rau ib lub nroog me nyob ze hiav txwv ntawm tebchaws Hà Lan, kuv sawv los, kuv maj nroos kom mus dhau 20 km kom txog rau tom tshav dav hlau, lub tshav dav hlau uas kuv yuav zaum ya los rau tebchaws Mekas tab tom tos. Tomqab kuv kawm tiav cử nhân, kuv tau nrog txiv mus ua haujlwm txawv tebchaws. Tiamsis muaj ib qhov xwm txheej tshwm tuaj ua rau yawg yuav maj nroos mus rau Trung Đông, tseg kuv ib leeg nyob ua qhov haujlwm kawg: ib leeg rov qab los rau yus lub tebchaws.
Nyob rau lub nroog me ze hiav txwv Zandvoort, cov pej xeem lawv hais lus Hà Lan xwb thiab ib qhov kuv ho tsis paub hais cov lus no. tiamsis kuv twb teeb homphiaj tag. Kuv yuav caij taxi mus rau tom ga tàu ces yog ib kaujruam zoo. Kuv mus yog sijhawm thiab ruaj siab heev nkag mus rau hauv. Tiamsis kuv ho pom tias yeej tsis muaj ib qhov chaw twg muag vé. Thiab yog cov máy cim civ muag thiab hais lus Hà Lan xwb. Yeej tsis pom ib tug neeg nyob qhov twg, thiab txoj kev txhawj cia pib tshwm nyob rau hauv kuv lub taub hau. Kuv thov Vajtswv, cia siab tias Vajtswv yuav qhib kev rau kuv rov qab los tsev.
Txoj kev tauj Zandvoort yog ntu kawg ntawm hiav txwv ntawd. Yog li tsuas muaj tib qhov chaw no nce rau saud xwb. Kuv cia siab tias yuav ntsib ib tug twg ntawd pab kuv yuav. Tiamsis tsuas ntsib cov pej xeem uas lawv tos lub tauj yuav los thaum sawv ntxov mus rau tom nroog xwb.
Kuv nres tos thiab ntseeg tias yuav muaj ib tug neeg twg ntawd zoo siab hlo pab ib tug qhua tau tom nrhiav kev mus tom tshav dav hlau li kuv. Tiamsis yeej tsis muaj leej twg. Thiab thaum kawg lub tauj kuj los txog. Nyob nruab nrab ntawm txoj kev tag kev cia siab thiab cia li mus, kuv nkag mus rau hauv tsis muaj vé, kuv tsuas paub tias kuv yuav tsum ya kom tau zaum dav hlau kawg hnub ntawd xwb.
Txhua yam cuag li yeej tsis muaj dabtsi tshwmsim txog rau thaum uas lub tauj twb mus lawm. txawm nrhiav tsis tau qhov chaw yuav los, kuv twb npaj txhij nyiaj yuav them nyiaj yog tias muaj neeg los kuaj. Txoj kev txhawj cia li tshwm tuaj thaum muaj ib tug saib xyuas txoj hlua cia li los tshuaj vé, thiab hais lus Hà Lan rau txhua tus qhua. Kuv yuav tau ntsib tim ntsej tim muag qhov teeb meem no, thiab nyob rau lub sijhawm uas tsis paub ua li cas ntawd, kuv tsuas paub rho ib cov nyiaj pib tawm los thiab txaj muag hais tias: “Thov koj pab yuav vé rau kuv puas tau?” hmoov zoo uas tus kuaj vé no nws cia li pauv los hais lus mekas pab kuv, ces thaum no kuv thiaj hla dhau cov lus hais. Thaum no kuv tsis yog tus qhua mus zaum uas tsis muaj vé lawm. thaum kawg kuv kuj mus txog tom tshav dav hlau thiab rov qab los txog tsev ntsib kev noj qab nyob zoo.
Nyob hauv lub neej, peb pheej ntsib ntau yam teeb meem, tshwj xeeb yog nyob rau tej qhov chaw deb. Yuav muaj ntau yam nws nyuaj dua tshaj kuv qhov teeb meem, tiamsis thaum kawg kev txomnyem yog ib yam uas peb yuav zam tsis dhau nyob hauv lub neej. Tiamsis, peb yuav tau nco ntsoov tias thaum muaj Vajtswv nrog peb nyob, ces yeej tsis muaj ib qhov kev tab kaum twg uas peb yuav mus tsis dhau.
Thaum nyeem feem kawg hauv Mathais 27, kuv pom luag nrhiav txhua txoj kev los tav kom tsis pub ib tug tib neeg twg nyiag tau Tswv Yexus lub cev tawm hauv lub qhov ntxa los. tomqab raug muab ntsia saum Ntoo Khaub Lig thiab tuag, luag coj Tswv Yexus mus faus hauv qhov ntxav. Yog li cov neeg Yudais tej thawj coj thiaj ntshai tsam cov ntseeg Yexus Khetos yuav tuaj nyiag nws lub cev mus kom muaj tiav raws li tej lus cev ua ntej txog qhov uas yuav sawv hauv qhov tuag rov qab los.
“Hnub tom qab uas yog Hnub Xanpataus lawm, cov thawj ntawm cov povthawj thiab cov Falixais mus cuag Philaj thiab hais tias, “Peb nco tau hais tias, thaum tus neeg dag ntawd tseem muaj sia nyob, nws hais tias, ‘Peb hnub kuv yuav sawv rov qab los.’ Yog li ntawd, thov koj tso neeg mus zov lub ntxa zoo zoo kom puv peb hnub, nyob tsam nws cov thwjtim yuav tuaj nyiag nws lub cev thiab mus qhia rau sawvdaws hais tias, nws twb sawv hauv qhov tuag rov qab los lawm. Ces zaj uas lawv dag ntawd, hajyam yuav phem heev dua thawj zaug.”
“Philaj txawm hais rau lawv hais tias, “Nej cia li coj ib pab tubrog mus zov lub ntxa zoo zoo raws li nej zov tau.” Lawv txawm mus nias homthawj rau daim txiagzeb, thiab tso tubrog zov” (Mathais 27:62-67).
Tib neeg nrhiav kev muab tej phab ntsa los thaiv txoj kev uas Vajtswv twb npaj tseg. lawv npaj muaj ib pab neeg zov kom tsis pub leej twg txav ti tau lub qhov ntxa. Raws li tib neeg txoj kev txawj, lub qhov ntxa no yog lub uas “Sab hauv tawm tsis taus los, sab nraud nkag tsis taus rau hauv”. Tiamsis peb puav leej paub zaj xwm txheej nws tshwmsim zoo li cas lawm. Vajtswv lub hwjchim rhuav tshwm txhua daim phab ntsa thiav, thiab Tswv Yexus tau sawv hauv qhov twg rov qab los muaj tiav raws li tej lus tau cev ua ntej lawm.
Lub hwjchim no kuj tseg rau tus uas cia siab rau Tswv Yexus thaum ntsib tej kev tab kaum hauv lub neej. Vajtswv hlub koj thiab twb npaj ib lub homphiaj zoo kawg nkaus tseg rau koj lawm. ruaj siab rau Tswv Yexus, vim thaum koj muab koj lub neej fij rau nws thiab mloog nws lus, ces yeej tsis muaj ib qhov kev tab kaum twg yuav tav tau koj kom tsis txhob txais tsis tau lub homphiaj zoo kawg nkaus uas Vajtswv npaj tseg rau koj. Txawm yog tib neeg lub hwjchim lossis lub caijnyoog yuav tawm tsam koj, los yeej tsis muaj ib yam dabtsi twg yuav kov yeej Vajtswv tus muaj hwjchim txoj kev tswjhwm. Vajtswv yuav qhib kev rau, txawm yog cuag li twb tsis pom muaj kev mus lawm.
Thov caw nrog kuv peb thov Vajtswv ua ke.
Ua Vajtswv tsaug rau Vajtswv lub homphiaj zoo uas Vajtswv tau tsim muaj kuv. Ua Koj tsaug vim koj tau nrog kuv tiv dhau tej phab ntsa thaiv hauv lub neej, thiab qhib dua ib txoj kev tshiab, tej kev cia siab tshiab nyob rau ntawm txhua txoj kev uas kuv mus. thov Vajtswv koj siv tej phab ntsa thaiv ntawd los cob kuv kom dhau los muaj zog thiab ntseeg Koj. Kuv thov hauv Tswv Yexus Khetos lub npe. Amees.
Cov kwv tij, tsis ntev los no koj ntsib tej kev tab kaum twg? Thaum uas sawv khov kho hauv txoj kev ntseeg, thiab muab yus lub neej rau Yexus Khetos ua tus Tswv, koj yuav ntsia pom txhua daim phab ntsa thaiv, txawm yog yuav loj luaj twg los puav leej tav tsis tau koj nyob hauv lub homphiaj zoo kawg nkaus uas Vajtswv tau npaj tseg. Yeej tsis muaj ib lub tswv yim phem twg txawm yog tib neeg lossis caijnyoog, yeej yuav piv tsis tau rau tus muaj hwjchim. Vajtswv yuav qhib dua ib txoj kev tshiab, txawm yog thaum uas txhua txoj kev cuag li twg tws tag lawm.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.